Apocalipsis 21:1 - Nuevo Testamento Toba Maskoy

¹ Netamen asvet'o lhta alhnankok neten kakpota nhan alhnankok nalhepop nkanek mmaskengvakme lhtoka nenvetai'a m'a amanie lhta akteiapma lhepop kakpota nhan amanie lhta neten, mmaskengvakme lhta nhan alvata.

Apocalipsis 21:1 Referans Kwoze

2 Pedro 3:13

Ennengko'o koka mongeliaskakmok apeneskamo lhta apaivoma hengeleltennaskama Eniapom Neten aktemakha alhnankok neten kanhan nalhepop, etnangkokhak hata ma'a apkelpeivomo kanhan apkeliamolhma apankavo ie'.

Apocalipsis 21:5

Koka apto lhta apnema aptanema apveske m'a, lhta aptak: —Askelan'ak ko'o alhnankok lhamakho qaselhaha —lhta aptak. Koka lhta aptak na mokhom heiano ko'o m'a: —Etalhes astakha nak aspaioma, akto have niapak ankek, nietavek mei'askamek lheiap —lhta aptak heiano m'a.

2 Pedro 3:10

Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

Apocalipsis 20:11

Netamen asvet'o lhta nhan akiavai'a aptanema apveske akmopai'a nke lhta m'a, apne lhta nhan apto aptanema m'a. Nketseponengvakme lhta nalhepop ka nhan neten napaqtek ma'a, mmaske lhta nelvet'o m'a.

Apocalipsis 13:1

Asvet'o lhta aktepo nemmen lhema kaselha nevhak nengai'o nkek, 7 lhta apqatko'ok, moklhem'a lhta nhan nnangkok apqatko'ok anak alelqasemmalhka m'a altaqnonkoma Eniapom Neten. 10 alhta nhan nkapet'ok, 10 alhta nhan aknaktetemmalhka nko'ok ma'a.

Romanos 8:21

ngkolhek hata alvongkaso tep neksa anmaikama aknaktevaskama. Allakhaikama av'alho'ok nahan, ka aktemo nak ma'a Eniapom Neten apketkak nemo nak alpaqnengkasekho anmama maniamolhma.

Apocalipsis 6:14

Mmaskengvakme lhta neten malha lhta nta kto nak vakkahak anak nema aliaqsasekha. Nkelhanke lhta nhan aknaiangkolha lhepop aliakiengveiam nemmen anak kakpota nhan nalhma akhaiam.