Apocalipsis 19:3 - Nuevo Testamento Toba Maskoy

³ Apkeliennakteske lhta mokhom apkelpaqmeiasma apkeliennengkeskama lhke lhma neten, lhta aptangkok: —¡Aleluya! Angeliavenkaskesok nenlhamakho apvesai'a Eniapom Neten ngkanek mankolvataksek hata anmekha neten eten ankok akmeta ngkelvana alanaktema nak ma'a —lhta aptangkok ma'a.

Apocalipsis 19:3 Referans Kwoze

Apocalipsis 18:18

Elvetak hata akmeta eten ankok ma'a apiav'akha temma, elvenama ta nhan ma'a, hata etnangkok: "Koka apiav'akha lhta temma, akto lhta niekhe neten ankek akiaspommalhka melhnok po'ok la temma"

Apocalipsis 18:9

Elvetak hata akmeta eten ankok aplhamakho apkelveskai'e apkellelto lhta apkelpasengvaiam amota allangkemmalhka nkok ma'a kanhan apkelvanekamok aktemakha alanaktema, elleklhamong hata, eiapqalhek hata nhan apkelietnai'o na'at ma'a.

Apocalipsis 14:11

Mankotnengvomek hata nha nnelha anmekha neten talha eten ankok nema akiaqmongkasekha aktemakha m'a. Mankotnengvome ta nnelha apkeliampai'a apkellelto nak apkelteklheikamok aptapno'ok naqtavek kaselha nevhak nengai'o kanhan nema akietkeskamo lhta akiokha alanemmalhka m'a. Meliamposakpek hata nhan aknem, pelhasep, apkellelto nak nema alqaskama akvesai'a kaselha nevhak nengai'o apiempeiok ma'a —lhta aptak ángel.

Apocalipsis 19:1

Netamen asleng'o lhta mokhom akiennoma lhma neten, malha lhta aptonak aplhamakma apankek la enenlhet'avok akiennaktema nkek ma'a, lhta aptangkok: —¡Aleluya! Angeliavenkaskesok apvesai'a apveske engankok, Eniapom Neten apto aknema apmopvana apanke, hengelvongkaskek tep, ietavek ellahok apvesai'a m'a

Judas 1:7

Apkellengaiangkek nak nek na akientalhnema enenlhet'avok ma'a ko Sodoma kanhan Gomorra kanhan mo'ok apkellavakha nekhav'ak apkennemolhema. Apkellaneiangko lhnak na ne mota apkellanaktema manganemmalhkelha nak antangkok, apkenmekho lhnak nanek na apkenno lhemek ma'a. Lhnak na nek na nkeniemai'ak ma'a apketlhevaiangko nema aliaqmongkasekha aptaiangkolha akieplomo talha metka aksepanai'a kakpota nhan ngkotnek nema allaskama aplhamakho enenlhet'avok ellanangkok aktemo nak ma'a.

Apocalipsis 19:4

Apkeleltanantamo lhta aptapno'ok apkelteklhengko lhta nhan napaqta'a lhepop ma'a 24 metno apketkok alhta m'a kakpota nhan 4 kaselha allaniemhaiangka lhta aniem'o apkellai'o Eniapom Neten apnakha m'a akieto aptanema apveske, lhta aptangkok: —¡Ntase, amen, aleluya! —lhta aptangkok ma'a.