Apocalipsis 17:3 - Nuevo Testamento Toba Maskoy

³ Ka akvet'o lhta ehaqtek aniem'o Espíritu, heiantemakho lhta nhan lhema ángel akieto m'a metkelha temma. Asvet'o lhta nhan ma'a lhema ngkelvana anantema kaselha nevhak nengai'o akielhvasema, 7 lhta apqatko'ok ma'a, 10 alhta nhan nkapet'ok. Ma lhta ntek alqasemmalhka akvesai'a aiempehek akto ammelhaikama Eniapom Neten.

Apocalipsis 17:3 Referans Kwoze

Apocalipsis 12:3

Asvet'o lhta nhan mokhom kaselha mongenatkeskama neten, lhema kaselha nevhak akloma akielhvasema lhta m'a. Malha menasma akiavai'a lhta m'a, 7 lhta apqatko'ok ma'a, 10 alhtoka nhan apet'ok, 7 lhta nhan aknaktetema apqatkok.

Apocalipsis 17:18

Koka ngkelvana apvet'o lhkek lheiap akietkesammalhka m'a apiav'akha temma, akto nhan aveske takhaplhet'ok apkelveskai'e nko'ok lhmankek ham —lhta aptak heiano ángel ma'a.

Apocalipsis 12:6

Nkenie lhta nhan ngkelvana lhta akieto m'a metkelha temma, Eniapom Neten alhta apeneskeskamo m'a kakpota ngkolhek aktaqmelkaso m'a, nkolhkak na aktoma akvakmo 1.260 aknem.

Apocalipsis 17:4

Apielhvasema purpura alhta aktalhnema ngkelvana lhta m'a, annatanma lhtoka oro kakpota nhan metaimong aktek altakmanma nke anmennave nkoie kanhan perlas. Aksekama lhta nhan amek nohaikok oro aklanei'o qaselha ngkollatsekama nkek kakpota nhan qaselha alpaiseiam aniem'o m'a anmensangveiam alhma ankok.

Apocalipsis 12:14

Koka nne lhta allangkok hanet alhempanko'ok ngkelvana, malha lhta ntakhak meivoma apiavai'a kakpota nkomhangkok aknaianlha la'a akieto m'a metkelha temma, aktakha nhan mokhek ankek menasma akiavai'a. Kakpota ngkolhek aktaqmelkaso, nkolhkak nak aktoma m'a akvakmo lhema iantelhkapa, mo'ok iantelhkapa kanhan nalhet iantelhkapa.

Apocalipsis 21:10

Ngvet'a lhta ehaqtek aniem'o Espíritu hetaskeskama, heiantemakho lhta ángel nalhma akhaiam akiavai'a, netne kankek. Heteskaske lhta ma'a akiav'akha natemma akpokkenammalhka akvesai'a lhta m'a Jerusalen akvaiventamo lhta m'a apkeniem'o napaqtek Eniapom Neten.

2 Tesalonicenses 2:4

Koka apto m'a apkammelhaikama Eniapom Neten, eniammelhek hata nhan lhamakho qaselha akietemo apkellai'o alleniem'o m'a Eniapom Neten. Avanhek hata ngkotnek ngkolatsekama, epekkanvomok hata aptanema akieto Eniapom Neten apnemakha, elhenakpok hata apankek na apto Eniapom Neten ma'a.

Apocalipsis 1:10

Aknem apanko lhta ntak Apveske m'a, mpelapkaske lhta akvo'o aklanei'o evalhok apmopvana Espíritu, asleng'a lhta nema aliatekama netamen ko'o, akiennaktema nkek akpaivoma malha trompeta la'a,

Apocalipsis 4:2

Mpelapkaske lhta akvo'o aklanei'o nkek evalhok apmopvana Espíritu, asvet'a lhta aptanema apveske akieto m'a neten, apne lhta m'a lhema enenlhet.

Hechos 8:39

Ka apkellenteiapmo lhnak nemmen ma'a, mpelapkeskankek nak malha knema eiveskama Felipe aniem'o m'a Espíritu apankok Apveske m'a. Maskengkek nak na apvetai'a enenlhet nema alhakkeskama appopok Felipe m'a, koka apkempekhek nak mokhom aplhengama m'a mpaihekhek nak apvalhok.

Apocalipsis 18:12

ka kto nak oro, plata alienmomo, metaimong aktek akmennave nkoie, kanhan perlas, ietamopai'a lino apielhvasema purpura apmennave panke, kakpota nhan lhamakho aktemakha iamet nekha'ak anmases aimes, qaselha nhan alanemmalhka marfil, qaselha alanemmalhka ankok iamet nekha'ak akmennave, bronce, tava apak kakpota nhan marmol.

Apocalipsis 18:16

hata etnangkok heng: "Ai, lheia laie apiav'akha temma, vanlha lhta mota aktalhnekha ietamopai'a akmennave panke lino, ietamopai'a apielhvasema kakpota nhan purpura, annatanma mota oro, metaimong aktek altakmanma kakpota nhan perlas,