Apocalipsis 12:4 - Nuevo Testamento Toba Maskoy

⁴ Mmakheske lhta nhan aipakiek akpalesakmo nalhepop tercera lhema nekha iav'a neten anak. Ka netamen ma'a akteteskakmo aknakha ngkelvana lhta mmahai'a nkotengkesek atka, kakpota nkotvok apteiakmo ta atka m'a.

Apocalipsis 12:4 Referans Kwoze

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

Apocalipsis 9:19

Nnangke lhta nhan etanlheng apkenmopvanka'a aniem'o apatno'ok kakpota nhan apiepakio'ok malha lhta menasma apqatko'ok, anmoktai'a alhta mota enenlhet'avok ma'a.

Apocalipsis 9:10

Apietto'ok alhto ka malha iettaha' henmoktai'akha nak, nietne lhta anmovanka'a kakpota nkonaqtevaksek enenlhet'avok akvakmo 5 pelten.

Apocalipsis 8:7

Apaivaso lhta apmanie ángel ma'a, mpelapkaske lhta nema alhaienta ahekho'ok nalhepop kakpota nhan talha ema akiepetkai'a. Hanetolhem'a nekha'ak anak mmetke lhta lhema nekha lhepop kanhan iamet kakpota nhan lhamakho panaktema alielsellemo.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

Apocalipsis 17:18

Koka ngkelvana apvet'o lhkek lheiap akietkesammalhka m'a apiav'akha temma, akto nhan aveske takhaplhet'ok apkelveskai'e nko'ok lhmankek ham —lhta aptak heiano ángel ma'a.

Apocalipsis 8:8

Netamen apaivaso mokhom trompeta apqanet alhta apvakmo m'a ángel, akpelapkeso lhta nema akiengama malha lhienep akhaiam akiavai'a akieplomo talha akieto m'a alvata. Hanetolhem'a nekha'ak anak alvata akiav'akha, ntakhe lhta lhema nekha ema m'a.

Apocalipsis 8:9

Hanetolhem'a nekha'ak anak alloma la alvata nkeletsepke lhta lhema nekha. Hanetolhem'a nekha'ak anak loma nemmen naqtevaske lhta nhan lhema nekha m'a.

Apocalipsis 8:10

Netamen apaivaso mokhom trompeta apqanetolhem'a lhta apvakmo ángel, mpelapkaske lhta apteiakmo lhema apiav'a apiavai'a akieplomo talha. Aleivoma malha lhta aptak pa'ang apva'a nentetkasekamok anak emmanie, apteiakme lhta takhalhet lhema nekha tercera nekha'ak anak alvata kakpota nhan alenteiapmakha iemmen.

Apocalipsis 8:11

Apmopaska lhtoka apvesai'a iav'a m'a, akmaska lhta nha ntakhak lhema nekha tercera nekha'ak anak iemmen. Aplhanie lhta apkeletsepma enenlhet'avok aniem'o apienaikamok akmaska iemmen.

Apocalipsis 8:12

Netamen apaivaso lhta mokhom trompeta cuarto ángel, nne lhta akiensaso tercera lhema nekha aknem, tercera lhema napokha pelten, tercera lhema nekha nhan apiav'a apkellapommatema. Ka apkelienakteso lhta lhma m'a mok tercera lhema nekha aknem, pelten kanhan apiav'a. Mamma lhta nha ntak apommatma aknem anke nak tercera lhema nekha aknem anke nak, kanhan pelhasep anak mamma lhta apommatema tercera lhema nekha pelhasep la'a.

Apocalipsis 12:7

Asvet'o lhta nhan mokhom apkennapommap neten, apveske ángeles apvesai'a Miguel kakpota nhan apketlhelhma'ak apkennapekpe lhta menasma akiavai'a kakpota nhan ángeles anko'ok atlhelhma'ak.

Apocalipsis 13:2

Malha lhta kemhava kaselha nevhak nengai'o m'a, amankok alhto ka malha oso nak, atong alhto kanhan malha iama akmeiva. Ka menasma lhta akiavai'a nkanke lhta akmovana kakpota nhan aktanema aveske, kanhan akiavai'a akientalhnemo.

Apocalipsis 13:4

Apkelteklhengke lhta aptapno'ok lhepop naqtek menasma akiavai'a lhta aniem'o apkellai'o, lhta songkek aiangko akientalhnemo m'a kaselha nevhak alhta nengai'o. Ka apkelteklhengko lhta nhan aptapno'ok naqtek ma'a kaselha nevhak alhta, lhta aptangkok: —Avanhek ankek akietnema akientalhnemo qaselha nevhak anak nengai'o, mamma nhan avanko nkammelhek —lhta aptangkok ma'a.

Apocalipsis 16:13

Asvet'o lhta mokhom menasma akiavai'a lhta m'a kanhan kaselha nevhak alhta nengai'o, kanhan apkeltennasemmap ania'a apmopvana ania'a. Nkelentepke lhta atno'ok mokhelhm'a nak ma'a 3 kasekapo av'alho'ok alpaiseiam malha napnekteng.

Apocalipsis 20:2

Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.