Apocalipsis 11:3 - Nuevo Testamento Toba Maskoy

³ Koka allapaksek hata apqanet askellasennaikama apkellelto apkelioho astemakha ko'o etlhenek hata astakha alheianma ko'o akvakmo 1.260 aknem, elentalhnekhak hata mota apkelentalhnema apkeltavkeskama nak apiempeiok anmaiosak'a nak apvalho'ok anko'ok.

Apocalipsis 11:3 Referans Kwoze

Apocalipsis 12:6

Nkenie lhta nhan ngkelvana lhta akieto m'a metkelha temma, Eniapom Neten alhta apeneskeskamo m'a kakpota ngkolhek aktaqmelkaso m'a, nkolhkak na aktoma akvakmo 1.260 aknem.

Apocalipsis 11:2

Koka melietkes ankek avhak pa'at anak Eniapom Neten apnemakha, ngkanek nnek allangko metnangko nak judios ma'a, nkotaqmelkasangkok hato ka apnaqtevaskama na temma apokkenammap ma'a akvakmo toka 42 pelten.

Apocalipsis 13:5

Nne lhta nhan angkoho akvannangka akiavai'a nkek Eniapom Neten apvesai'a m'a kanhan aktaknongkoma. Nne lhta nhan angko akientalhnemo akmak'akha la nkolana akvakmo 42 pelten.

Hechos 13:31

Nlhamakmek nak na knem apvetaskesammakpo lhnak na napaqtavek apkellelto apketlhelhma'ak apkenmeiekho apkelempai'o Galilea akvakho Jerusalen, koka kolhvave nak ma'a apkelpaieskek ania'a aktemakha aplhenammap Jesús napaqtavek enenlhet'avok.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Lucas 24:48

Koka eleltennes hata lhamakho qaselha aktakha nak apkelvetai'a ketlhengkap,

2 Corintios 13:1

Anianta ta mokhom astaienta la amaika'a ham hanetolhema ta ngkotnek asvekta ham, lhamakho aktemakha akientalhnema ta alanekha ko'o ham, vanlha koka apkelaimekpek apkanet, nlho ka la apkanet'olhema enenlhet apkelvetaiangko la qaselha akvetammalhka ham.

Hechos 2:32

Jesús alhta m'a, nelvet'a lhta ennengko'o Eniapom Neten apto aplhatekhaskeiam ma'a.

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

Efesios 4:11

Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

1 Corintios 12:28

Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

Juan 3:27

Ka apkellatemmoiangka lhnak Juan, lhna aptemak: —Ntasek ankek ma'a, Eniapom Neten apkeltemo nkotnehek.

Lucas 10:13

—¡Ketlhengka la ie' na temma Corazin kanhan Betsaida! Nlhanie niekhe ntak qaselha hempelapkeskama nema alanai'a hengke'e, koka mankoliaqmongkasekhak mo'ok av'alho'ok. Nlho lhta kno la alanengvakmo qaselha hempelapkeskama aiseksek anak ma'a na temma Tiro kakpota nhan Sidón, kolhvavek anke nlho lhta nkoliaqmongkasekhak mo'ok av'alho'ok ma'a. Kolentalhnekha nlho lhta nhan alentalhnema altavkeskama nak aiempeiok anmaiosak'a nak av'alho'ok anko'ok, kakpota nhan nkolelhpakhalhka takhalhet'ok tahap aniem'o anmaiosak'a av'alho'ok.

Apocalipsis 11:6

Apvanka'ak na malha apkellapekha neten kakpota mankomamakie neksa apketlheianma ania'a aktemakha akmak'akha ta ngkotnek emanie, apvanka'ak na eltemeskasekhak ema iemmen akiav'akha alvata. Kakpota nhan apvanka'ak apkenmak'akha la ellapaksek lhamakho aktemakha qaselha akmovana hentevaksek takhaplhet'ok enenlhet'avok lhmankek ham.