Apocalipsis 11:13 - Nuevo Testamento Toba Maskoy

¹³ Mpelapkaske lhta akievhengka lhepop akiavai'a, apkeliaqnengke lhta decima lhema nekha pa'at apiav'akha temma lhta m'a, apkeletsepke lhta 7.000 enenlhet'avok aniem'o akievhekama lhepop, koka apkellelto lhta meletsepma kolhvave lhta apkeliavenkaskesama apvesai'a Eniapom Neten aniem'o apkellai'a m'a.

Apocalipsis 11:13 Referans Kwoze

Apocalipsis 14:7

Lhta aptak apiennakteso apaivoma: —¡Ellaho Eniapom Neten! Eliavenkaskesama ta nhan apvesai'a ngkanek ngva'ak aknem kakpota eliekpelkok aplhamakho enenlhet'avok lhmankek ham apkellanekamok altaqmelo, ngkolatsekama nhan. Elteklhemok hata nhan aptapno'ok napaqtek ma'a aniem'o apkellai'o apto apkelanai'a neten, nalhepop, alvata akiav'akha kakpota nhan akteiapmakha iemmen aktaqmanma —lhta aptak ángel.

Apocalipsis 6:12

Netamen Nepkesek Apketkok apkentaso sexto nema aliepetkeskama, akpelapkeso akvo'o akiavai'a akievhekama lhepop. Ntaqmelkasave lhta nhan akpaisemakho aknem malha lhta akto nak nentalhnekha nak aptavkeskama eniempek anak anmaiosak'a nak engvalhok ankok, apielhvasakhe lhta nhan pelten malha lhta aptakhak ema.

Apocalipsis 15:4

Ellahok hata mota enenlhet'avok lheiap Apveske, eliavenkaskesok hata nhan apvesai'a ngkanek apto Apokkenammap memangveiam ngkolatsekama, lhamakho apkellavakha lhmankek ham elelhiemok hata apnakha lheiap kakpota elteklhengkok aptapno'ok napaqtek ma'a aniem'o apkellai'o, ngkanek apkelvetai'ak akpeivomo qaselha apkelanai'a mota lheiap —lhta aptangkok apkennekmasengko m'a.

Apocalipsis 11:19

Asvet'a lhta nhan ma'a neten atong nema akmaiesekha Eniapom Neten apnemakha. Nietne lhta m'a konne iamet aiseksek aknaiangkolha metaimong nekha alqasemmalhka annemo mo'ok apvalho'ok lhnak nanek apkenmahai'akha etnangkok Eniapom Neten kanhan apkennemolhema. Mpelapkaske lhta apkelienmakmo m'a, akiennoma lhma, apkelelhtenioma, akievhekama lhepop kakpota nhan aliavai'a ahekho'ok ma'a.

Apocalipsis 11:11

Koka akieko'o lhta hanetolhema aknem medio apkeletsepma m'a, apkelvatepnapo lhta Eniapom Neten aptangkokho lhta aphalhnanko'ok apqanet alhta apkeleltennasemmap ania'a, avanhek anke lhta apkellai'a apkellelto apkelvetai'a m'a.

Apocalipsis 8:5

Ka apkenmo lhta nhan ángel melhma aknaikamok ma'a alvanlhemmalhkelha qaselha, aplhatmom'a melhma alhankok, ka apieniantamo lhta takhalhet lhepop lhmankek ham. Mpelapkaske lhta nhan akvakmo apkelhtenioma akiennaktema nkek ma'a kanhan nema aliatekama, apkelienmoma nhan kakpota nhan akievhekama lhepop.

Apocalipsis 19:7

Nkolpaihekhak engelvalho'ok, angelletsevasoho, angetlhenek apto neten apankek akiaspommalhka apvesai'a m'a ngkanek ngva'ak knem akmahai'a nkoliemhapok Nepkesek Apketkok, mpenesavek apmahai'akha alanekha aktakha.

Apocalipsis 3:4

Koka asiavek na ko ham Sardis apkakhangkek enenlhet mellanekamok qaselha ngkolatsekama, malha nhan melpaisengkeskama la apkelentalhnema. Koka enenlhet'avok anak nkelietemavek ankek hetnangko ta apketlhelhma'ak ma'a, apkenmopai'a apankek hata nhan apkelentalhnema m'a.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Juan 9:24

Ka apkellaveiangka lhna lhta mokhom aptaqmalveiam, lhna lhta aptaiangkok: —Neliavek ennengko'o Jesús apto apkelanai'a ngkollatsekama, ¿se lha aklheno apvalhok lheiap ma ie enenlhet anak, he? ¡Elheng no metne apmopvana ania'a napaqtek Eniapom Neten, hengeleltennes ennengko'o! —lhna lhta aptaiangkok ma'a.