Apocalipsis 1:11 - Nuevo Testamento Toba Maskoy

¹¹ lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.

Apocalipsis 1:11 Referans Kwoze

Apocalipsis 3:1

—Etalhes no mokhom lheiap ania'a kakpota eniapaskesek ma'a ángel apno m'a iglesia akieto Sardis, ka ntak ania'a hengke'e: Apto akietnema 7 espíritus aniem'o m'a Eniapom Neten kanhan 7 iav'a, ka aptak na m'a: "Asiave ko'o lhamakho aktemakha apkelanai'a lheiap, apketlheianme mota enenlhet'avok aphalhnankok mokhom lheiap, koka have m'a, apketsepma niekhe lheiap.

Apocalipsis 1:4

Ko'o Juan nlhenkek evalhok siete iglesias akieto iokhalhma Asia, askeltavek ko'o enmankok takha altaqmanma apkellaniemhaikama kanhan altaqmelaikama apvalho'ok. Koka nkelleniemai'ak ma'a apto nak apnema, apnemo nhan tep nak nanek, apvekta ta nhan. Kanhan siete espíritus allelto m'a alloma mota naqtek aptanema apveske.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a:

Apocalipsis 2:18

—Etalhes no mokhom lheiap ania'a nak kakpota eniapaskesek ángel apno m'a iglesia akieto Tiatira, ka ntak ania'a hengke'e: Apto Eniapom Neten apketka, akietno malha talha alapommatema apaqto'ok, kanhan apmanko'ok alapommatema nkoie' malha kto nak tavapak bronce kolhva nema alalhnasekha nak, ka aptak na m'a:

Apocalipsis 2:12

—Etalhes no mokhom lheiap ania'a kakpota eniapaskesek ángel apno m'a iglesia akieto Pergamo, ka ntak ania'a hengke'e: Apto nak akietnema pelettav hanet ahanto'ok nema anmalhnongkoma, ka aptak na m'a:

Apocalipsis 2:8

—Etalhes no mokhom lheiap ania'a kakpota eniapaskesek ángel apno m'a iglesia akieto Esmirna, ka ntak ania'a hengke'e: Apto nak ma'a apmanie nkek kanhan alhaie nkoie, apto lhta apketsepma, netamen koka m'a aplhatekhangvakmek ma'a, ka aptak na m'a:

Efesios 1:1

Ko'o Pablo, heiapaskamo apankok Jesucristo aniem'o apkeltemo atnek Eniapom Neten, nlhenkek evalhok apkellelto apkelpokkenammap kanhan apkeleliehekho mota apkakhangko ham Efeso, aptangko nhan apkelpasmekha m'a Cristo Jesús.

Apocalipsis 21:5

Koka apto lhta apnema aptanema apveske m'a, lhta aptak: —Askelan'ak ko'o alhnankok lhamakho qaselhaha —lhta aptak. Koka lhta aptak na mokhom heiano ko'o m'a: —Etalhes astakha nak aspaioma, akto have niapak ankek, nietavek mei'askamek lheiap —lhta aptak heiano m'a.

Apocalipsis 19:9

Netamen lhta aptak heiano mokhom ángel: —Etalhes no ta asmak'ak hata atnek aspaioma: Aktakmelakho nkek apkellelto nak nema allanema elpasengvomok taqmelaikama lhma aliemhapma ta Nepkesek Apketkok, ka stakha nak ko'o alheianma have niapak, aniem'o nhan Eniapom Neten —lhta aptak heiano ángel.

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.

Apocalipsis 10:4

Asmak'a lhta niekhe atalhaksek ma'a aktakha lhta aslengai'a 7 apkelelhtenioiam, koka lhta ntak nema aliatekama heiano m'a aniem'o neten: —Metalhes ankek aktakha aplengai'a 7 apkelelhtenioiam anak, eilhaskeso toka —lhta ntak heiano nema aliatekama m'a.

Apocalipsis 1:19

Etalhes lheiap aktakha apvetai'a lhamakho qaselha aktakha nak kolhvave nak, kakpota nhan qaselha nkovak hata.

Apocalipsis 1:8

Lhna aptemak Apveske apto vanlha lhema aphapak aknema apmopvana apanke: —Ko'o nak asto alfa kakpota nhan omega, ko'o asto enemelha kanhan aktakha nnelha, asto asnema nenvanlha nak, asnemo nhan tep nak nanek, asvekta ta nhan —lhna aptemak.

1 Timoteo 1:3

Askeltavek mokhom altakhengveskakhak astakha lhta askano lheiap ma'a akieto ham Efeso neksa asmahai'a aniakha lhta m'a Macedonia, lheiap hato ka ntasek elhek kakpota ennavaksek mankolietemo nak apketlhekmosekamok, lhta stahak.

Apocalipsis 1:17

Asiaqnenke lhta ko'o akieto apmanko'ok akpelapkeso asvetai'a m'a, malha asketsepma lhta stak. Ka apekkeno lhta apmek akiennakha tekhelhet ko'o, lhta aptak heiano: —Meniaga, ko'o asto enemelha kanhan aktakha nnelha.

Apocalipsis 1:2

Netamen ma'a Juan aplhenekho mokhom aptemakha apaivoma Eniapom Neten kanhan Jesucristo, aplhenekho nhan ma'a aklhamakho qaselha apvetai'a m'a.

1 Corintios 16:8

Asnek koka ko'o kolhvave nak hengke'e akieto Efeso akvakmo ta aknem ankok aktakmelaikama lhma Pentecostes.

1 Corintios 15:32

Askennapommalhkek enenlhet ko Efeso malha qaselha nevhak la akloma m'a, malha akhemo lhta nhan ngkotnek metko la nennaklhatekhangveianlha. Akhemo lhta nhan ngkotnek asteniai'o eiempek ma'a, ntase niekhe antangkok apketlheianmo na mota enenlhet ka aptaiangkok ma'a: "Ntasek antavangkok nentekamok, anienangkok nahan nkanek sosekha kelha angeletsepok", ka aptaiangkok ma'a.

Hechos 20:17

Nengakhangke lhta m'a na temma Mileto, ka apkelto lhta Pablo ngkolhek aleltennaskakho metnangko apketko'ok iglesia akieto Efeso elelhiemok apnakha m'a.

Hechos 18:24

Apvekho lhnak na temma Efeso lhema judio apvesai'a Apolo, iokhalhma Alejandria lhnak apkeniemai'ak ma'a. Apvanke pankek nak elpengkamok enenlhet'avok ngkanek avanhek nak apiangveiakmo Vakkahak Eniapom Neten Apaivoma.

Hechos 16:14

Lidia lhta akvesai'a lhema ngkelvana, ko Tiatira lhna lhta m'a, ietamopai'a apmennave lhta alhakhama apkelelqama'ak alhto ka iama apkel·hanaktema. Nkai'avek na lhta mota Eniapom Neten ma'a, nkailhangke lhta nhan apketlhekmoskama Pablo aniem'o Apveske aptemeskeskamak ma'a.

Colosenses 2:1

Asmak'ak aleltennasama ketlhengkap avanhek ko'o askeliephaiekho asmakmekama aniem'o helasennaikama ketlhengkap kakpota nkoltaqmelek apkellangiemhaikama ham, ka nhan ma'a elialheng'a apkakhangko Laodicea, kakpota nhan aplhamakho apkellelto nak mangheliekpelkemelha nak.

Apocalipsis 1:20

Kolhva smak'ak alpeiveskasekhak aktemakha lhkek apvetai'a, 7 iav'a lhkek apietkesammap 7 ángeles apketlhelhma'ak amota 7 iglesias, koka 7 alhvo'ok lhek alapommatkeskama apietkesammap ma'a 7 iglesias.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a:

Apocalipsis 2:24

Koka ketlhengkap ham ko Tiatira apkellelto nak melieplavkeskama atlhekmosekamok ngkelvana nak, meteniaikamok na atlhekmosekamok akvesai'a qaselha akielhammalhka konne ankek aniem'o m'a ankok Satanas, vanlha askeltavek ko allangkok lhema aspaioma.

Apocalipsis 3:4

Koka asiavek na ko ham Sardis apkakhangkek enenlhet mellanekamok qaselha ngkolatsekama, malha nhan melpaisengkeskama la apkelentalhnema. Koka enenlhet'avok anak nkelietemavek ankek hetnangko ta apketlhelhma'ak ma'a, apkenmopai'a apankek hata nhan apkelentalhnema m'a.

Apocalipsis 22:10

Lhta aptak mokhom heiano ángel: —Meilhaskeso nkek ania'a nak akmak'akha ta ngkotnek akietno nak aktalhesammalhka vakkahak anak, nkanketva'ak aknem nkovak hata m'a.

Apocalipsis 22:16

Ko'o Jesús askapaskek ángel ehenkok kakpota eleltennaksek ania'a nak aplhamakho iglesias. Ko'o asto aptaven neptamen apveske David annenga, asto nhan malha iav'a apiavai'a apkapommatema nak atsai'a —lhta aptak Jesús.