3 Juan 1:7 - Nuevo Testamento Toba Maskoy

⁷ Apketlhengke mota m'a apkenmak'akha la enmankok kakpota elpaiaksek ania'a aktaqmanma aplhenammap Jesucristo, man koka enmankok takha nema alpasmoma la alleniem'o enenlhet melioho nak Eniapom Neten.

3 Juan 1:7 Referans Kwoze

Apocalipsis 2:3

Metka lhta nhan apekheskama lheiap ka nhan apvaskapma neksa akientalhnema aniem'o heiasennaikama, ma lhtoka heiamasangvakmok heieplekama m'a.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

2 Corintios 12:13

Ma lhtoka alelmalhnekama akianmoma la asmakmekama apieseksek anak ketlhengkap ham, koka mo'ok alhta iglesias hellaiangke lhta akianmoma asmakmekama apieseksek ma'a, ketlhengkap koka manghellaiangkok. ¡Eltemeskesama ta apankavek ketlhengkap hellanei'o aniem'o lhta malha akiavai'a asnaktevaskama ketlhengkap molelmalhneiangka lhta akianmoma asmakmekama ham!

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

1 Corintios 9:18

Koka nema akpaiesekha na mota evalhok ka malha akianmoma asmakmekama, nietave niekhe anmok akianmoma asmakmekama, koka momak'ak ko'o anmok takha m'a.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

Hechos 8:4

Koka apkellelto lhnak nema alhpankeskama m'a, apketlheianveiakmo lhnak ania'a aktaqmanma apkelvaianlha la m'a.

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Juan 15:21

Nkotnek hata akvai'a m'a nema akmenlhenaikama nak ko'o songkek askeltamesaikamok ketlhengkap, enenlhet meliamolhma nak ma'a meliekpelkak apto heiapaskama ko'o.

Hechos 20:33

Apkeliavek ketlhengkap metka askelelmalhnekama lhta askeleltalhnema la'a kakpota nhan patakkom.

Hechos 20:35

Vanlha mota asketlhekmoskama askeleltemo eleliephekho enmakmama kakpota elpasmok enenlhet metka nak apkelletsekama, aptemakha lhta mota aplheianma Apveske Jesús, lhna aptemak: "Aktaqmelakho nkek apkaikamo nak po'ok qaselhaha, melhnok ma'a apto aplhevai'a qaselhaha".

Filipenses 2:9

Ka nkeniemai'ak etneskesek Eniapom Neten neten apankek ma'a, apteniaskeskamo nhan apvesai'a neten ankek apiaspommap ma'a apieseksek aplhamakho enenlhet'avok,

3 Juan 1:8

Ka ngkanek nkaimelhkek ennengko'o nelpasmoma la m'a neksa apkelpaieskama ania'a aktaqmanma akto nak have niapak ankek ma'a.