2 Timoteo 3:16 - Nuevo Testamento Toba Maskoy

¹⁶ Koka lhamakho konne Vakkahak anak ma'a apvatepnapma Eniapom Neten, akmovana nkotlhekmoksek akto have niapak anke, kakpota nhan alvetaskeskama enenlhet'avok apkellanengko la ngkollatsekama. Akmovana nhan nkonnavaksek apkellanengko la qaselha ngkollatsekama kanhan atlhekmosekamok akto akpeivomo nkek,

2 Timoteo 3:16 Referans Kwoze

Romanos 15:4

Lhamakho aktemakha nak aktalhesammalhka Vakkahak Eniapom Neten Apaivoma kakpota hengetlhekmoksek ennengko'o m'a, akpaieskaiam engvalho'ok, hentemeskeskama nhan metka nempekheskama, hengaikamok na al·halhnekama engvalho'ok angelvetak aktaqmanma.

Hebreos 4:12

Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

Marcos 12:24

Ka apkellatemmoiangka lhnak Jesús ma'a, lhna aptemak: —Melietemo ketlhengkap ngkanek meliangveiakmo aktemakha nak aktalhesammalhka Vakkahak Eniapom Neten Apaivoma kanhan apmopvana nak.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

2 Timoteo 2:25

etnek na meientalhnemo ennavaksek apkellelto nak apkellammelhma la apketlhekmoskama, koka Eniapom Neten hatelha enianak eliaqmongkasekhak mo'ok apvalho'ok ma'a kanhan eliangveskeskamhok akvesai'a nak akto have niapak,

Hechos 20:20

Koka nheklhek alhengkeskama asketlhekmosekamok ketlhengkap napaqtavek enenlhet'avok kakpota nhan apkakhaiangkolha apankavek, kakpota nkoltaqmelek apkellaniemhaikama ketlhengkap ma'a.

Juan 3:20

Lhamakho apkellelto nak apkellanekamok ngkollatsekama, apkeltaknevakkek apommatma nak. Melteteska'ak na atsai'o lhma kakpota melvetakpek neksa apkellanekamok qaselha ngkollatsekama m'a.

Hechos 18:25

Apsavhongvaiakmek nak na ania'a aplhenammap Apveske kakpota nhan aklekkasekama apvalhok neksa apkeltennaikama, ka nhan alhnakho nkek apketlhekmoskama aptemakha Apveske. Vanlha lhnoka nhan apiavek aktemakha apkellavkeskama konne iemmen Juan enenlhet'avok.

Romanos 2:20

Nketlhenkek na apvalho'ok apvanka'ak etlhekmosangkok metka nak apkeliangveiakmo kakpota nhan malha nematkak aniem'o ley apanko'ok akto nema neniamo, akto nhan have niapak anke.

Galatas 3:8

Alhnakho nkek aklheianma vakkahak Eniapom Neten apaivoma ngkolhek hata altemeskaso apkelpeivomo metnangko nak judios meliaskakmo la Cristo, lhnak na nek aptemak Eniapom Neten apkanemo Abraham: «Lhamakho enenlhet'avok metnangko nak judios ngkolhek hata altakmelkaskeso apkellangiemhaikama m'a aniem'o lheiap», ntemak ma'a.

Hebreos 3:7

Ka nkeniemai'ak na ntasek angelleltakmelkaso angellailhok aktemakha aplheianma Espíritu Santo aktalhesammalhka Vakkahak Eniapom Neten apaivoma, ka aptemak hengke'e: «Apkelleng'o la Eniapom Neten apaivoma aknema anak,

1 Corintios 12:7

Moklhem'a koka ennengko'o nhan nnak hengellangko nenmopvanka'a aniem'o Espíritu kakpota angeltakmelkeskesek apkellangiemhaikama m'a emmo'ok.

Juan 10:35

Apkeliave niekhe ketlhengkap akto have niapak aktemakha aktalhesammalhka Vakkahak Eniapom Neten Apaivoma, apketlheianmo lhnak nanek Eniapom Neten apkellelto dioses apkellelto lhnak nanek apketlhevaikamok apaivoma m'a.

Hechos 1:16

—Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Romanos 4:23

Ka aktemo na aklheianma Eniapom neten apaivoma m'a aptemeskesammakpo apeivomo Abraham. Koka have vanlha Abraham,

Hebreos 11:1

Ka mongiaskeiam anak aktemeskeskama iokhalhmek ankek nkovak hata m'a qaselha alel·halhanmo mota engelvalho'ok, aktemeskeskama nhan have niapak ankek akietnema m'a qaselha mongelvet'o mokhom.

Romanos 3:2

Hai', avanhek ankek aktemeskesaikamok neten apankavek ma'a aniemai'o m'a apkellaikamok apaivoma Eniapom Neten ma'a.

Hechos 28:25

Ma lhta nhan nkolhok mo'ok apvalho'ok ma'a, ka apkellempo lhta nhan apkelieniekha napokha m'a, koka lhta aptak Pablo apkellano: —Have na niapak aptemakha aplheianma Espíritu Santo aniem'o apmaikama apkeltennasemmap ania'a Isaias aptaiangkolha nelieihengka'a, lhnak nanek aptemak apkanemo m'a:

Marcos 12:36

Koka David, Espíritu Santo lhnak nanek apmaikama, aptemo lhnak nanek hengke'e: «Lhta aptak Apveske apkano Apveske ehenkok ma'a: Elhnata neheqha akiennakha akvakmo ta asavho askakheskekta koneng apmankok apkelammelhmakha lheiap», lhnak nanek aptemak ma'a.