2 Timoteo 3:12 - Nuevo Testamento Toba Maskoy12 Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús, Gade chapit la |
Etlhevangkok hata aklhamakma qaselha apanko'ok hengke'e, ka akto nak apkakhaiangkolha, apkelialheng'a kanhan apkelialheng'a ngkelvana'ak, ngkana'ak, apketkak, lhepop apanko'ok nahan, koka mangkolhek hata nhan allamelangka m'a. Netamen hata m'a apmaniaie nak etlhevangkok aliennaktema apnenio'ok mankotnengvaianlha nnelha.
Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.
Elelmalhneskes hata nhan eltaqmelkeskesek apkellangiemhaikama gobernadores kanhan apkelveskai'e kakpota hengeltaqmelkeskesek na nengellaniemhaikama m'a, angelloka metka akmaska kanhan metka aktaikama engvalhok, angelleliehekho mota nhan Eniapom Neten, angeltakmelkasalhkok na akietemo nkoie nentaiangkolha.
Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.
Asketlhekmoskangkek helieplekama nak apaivoma lheiap, apkeltaknevakkek koka enenlhet meliamolhma nak ngkanek po'ok aptema aptangkok hengke'e helieplekama nak, ko'o nhan mok aktema astemakha. Have askeltemo eliantengvatak lheiap akpelapkeskama takhalhet lhepop anak hengke'e neksa akvai'a ta akientalhnema, askeltavek koka eltaqmelkesek lheiap.