2 Timoteo 2:2 - Nuevo Testamento Toba Maskoy

² Aplengai'a mota lheiap asketlhekmoskamo napaqtavek enenlhet'avok apentalhnema, etlhekmosa ta nha mota lheiap ma'a moklhem'a enenlhet apkellelto la apkeltakmelkasemmakpo kakpota nhan ma'a etlhekmosangkok na po'ok.

2 Timoteo 2:2 Referans Kwoze

1 Timoteo 4:6

Timoteo, askeltavek etlhekmoksek lheiap qaselha askeltennaso lhkek aplhamakho engelialheng'a ham, netamen nkovak hata aptema lheiap aptaqmanma apkasennaikama Cristo Jesús, apiennaktema aniem'o apkeliehekho mei'askeiam kanhan aktaqmanma apketlhekmoskama allaikamok malha nentoma al·haivekha apiempek kakpota nkankok apiennaktema.

1 Timoteo 6:12

Ka apvanko koka ennapakpok aniem'o apkenmasmo mei'askeiam anak, meniangko nhan ngkolhek aklekkaso akiennaktema apneniek mangkotnengvaiam annelha, ngkanek lheiap apto apkeliekieskama Eniapom Neten, apkelvetaskaskek na napaqtavek enenlhet'avok akietnema mei'askeiam lheiap.

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

Lucas 12:42

Koka lhna aptemak Apveske: —Ka asietkeskama lhkek aplhamakho apkellelto nak malha nema annengkasekama la apiamo panke apkeliehekho aptakha apkanemakha apveske apankok apkeltemo ellangkok aptekamok apketkak neptamen.

1 Timoteo 1:18

Timoteo, malha eietka lheiap, ka askaikamok lhek aspaioma kakpota elanak lheiap ma'a aktemakha apketlheianmo lhta sekhek ankek ngkotnek hata apketsekama ania'a, kakpota ellammelhek lheiap ma'a apkellelto nak apkellammelhmakha mongiaskeiam.

1 Timoteo 1:12

Gracias ko'o astemak Cristo Jesús apveske engankok aklheianmo apvalhok angvapvanak hata ko'o altennama ania'a aktaqmanma, heiaiangko nhan asiennaktema m'a.

1 Timoteo 4:14

Emama ta apmopvana aplhevai'a lhta neksa apnengkenaikamok apmeio'ok alhta takhaplhet metno apketko'ok aniemai'o lhtoka nhan ma'a Eniapom Neten aptema.

1 Corintios 4:2

Envanka'ak na angelvetaskesek enenlhet'avok nentaiangkolha nengeltaqmelkasemmalhko neksa nenmakmekama nenlhevai'a.

2 Timoteo 3:14

Lheiap koka elhengkes hata mei'askeiam akiennaktema apiangveiakmo lhta, ngkanek apiavek na lheiap ma'a akto have niapak ankek, ngkanek na enenlhet'avok apkeliamolhma apketlhekmosekamo lhta lheiap.

Colosenses 1:7

Epafras alhta apto apketlhekmoskama ketlhengkap qaselha nak ma'a, apto nhan nengellamelaiam netlhelhma'ak ennengko'o m'a, apto apkennengkasema apkasekhai'o Cristo apmakmekama nak apieseksek ketlhengkap ham.

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

1 Timoteo 5:22

Kolketamama ta apvalhok amanie nkek sekhek apmahai'a enengkenek apmeiok takhaplhet la enenlhet kakpota etneskesek apkemhama apmanie' m'a apieseksek Jesucristo apkennemolhema, koka mankolketamengka la apvalhok ma'a, etnek hata nhan lheiap malha apselhnanemmap aniem'o m'a enenlhet mangkolatsekama apmakmekama, etne ta mota alhnai'o apvalhok lheiap.

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

2 Corintios 3:5

Lhta nhan metko la hengelpasmoma Eniapom Neten, mongellapvanke nlho lhta nhan angellanangkok nenmakmekama nak enganko'ok engankavek.