2 Timoteo 1:8 - Nuevo Testamento Toba Maskoy

⁸ Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

2 Timoteo 1:8 Referans Kwoze

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Marcos 8:38

¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

2 Timoteo 2:9

asvet'ak nahan akientalhnema akvakmo nhan akno henakteto cadenas akieto nengaqlhengkasemmalhkelha malha aktonak enenlhet la meihamolhma, koka Eniapom Neten apaivoma nak mankaqlhengkasemmalhkak ma'a.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

Efesios 3:1

Ka nkeniemai'ak ma'a nemo nak heiaqlhengkeskamo nemmammalhkelha aniem'o askasennaikama Cristo Jesús kakpota altakmelkeskesek apkellangiemhaikama ketlhengkap metnangko nak judios.

Filipenses 3:10

Asmak'ak aiavenkasangkok mokhom asiangveiakmo Cristo, asmak'ak na annangkoho nema akmovana aklhatekhaskeiakmo lhnak Cristo apieseksek apkenmaskengvaiakmo, ntasek na annangkok akientalhnema akvakmo asketsepo aptemo lhta nhan apkaniemhaikama m'a Cristo,

Lucas 9:26

Koka allennavengko la etlhenek asvesai'a kanhan asketlhekmoskama nak, nkonnevhok hata nhan ma'a Enenlhet Apketka nak etlhenek apkelvesai'a ketlhengkap apvaktamo ta akieplomo lhamakho aktemakha apmopvana aniem'o Apiapom, apketlhelhma'ak hata nhan ángeles apkelpokkenammap.

2 Timoteo 1:16

Askeltavek koka Apveske elietnok napaqta'ak apkennemolhema Onesiforo ngkanek lhamakho lhta mota hepasmoma m'a, ka asiennaiekho lhta nhan m'a neksa askaklhengkasemmalhka, ma lhta nhan emangkaktemak helanei'o ko'o m'a.

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

2 Timoteo 2:3

Evaskap hata nhan akvo'o la akientalhnema ngkanek lheiap apto malha soldado nema apiamo apkasennaikama la nhan Cristo Jesús.

1 Tesalonicenses 3:4

Neksa nengakhengveiam alhta apieseksek anak ketlhengkap ham nelpenesave lhta neleltennaskama nkovak hata akientalhnema, ntemengkek na lhta m'a apkelvetai'a ketlhengkap.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Efesios 3:13

Ka nkanek ntasek mankollaiosek apvalho'ok ketlhengkap aniem'o apkellengai'a aslengaiangko akientalhnema henke'e, aslengangkek ko aniem'o asmahai'a alpasmok ketlhengkap, koka ntasek malha alammalhko apvalho'ok hellanghok ketlhengkap ham.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

2 Timoteo 4:17

Apveske lhtoka hepasmoma, heiaiangko nhan asiennaktema kakpota apaiaksek aklhamakho nkek ania'a aktaqmanma napaqtavek na aplhamakho metnangko nak judios, hevongkeskanke lhta nhan tep malha lhta ntemak iama akmeiva nak akmahai'a heiaqhek ma'a.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Romanos 9:33

Lhnak nane ntemak aktalhesammalhka Vakkahak Eniapom Neten apaivoma hengke'e: «Aspekkanmek ko lhema metaimong akieto iokhalhma Sion, aplhaniek hata nkolpelapongkesek ma'a, koka meliaskakmo la m'a, mankoliennenkesek hata m'a», lhna ntemak aktalhesammalhka m'a.

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Apocalipsis 1:2

Netamen ma'a Juan aplhenekho mokhom aptemakha apaivoma Eniapom Neten kanhan Jesucristo, aplhenekho nhan ma'a aklhamakho qaselha apvetai'a m'a.

1 Corintios 1:6

Nnankek na ania'a apvalho'ok mankomaskengvaiam aplhenammap apvesai'a m'a.

Juan 19:35

Apto lhta apvetai'a m'a aktemakha akvetammalhka m'a have niapak ankek na aptemak aplheianma, metka apmopvana ania'a, aplheianmak ma'a kakpota nhan meliaskamek ketlhengkap.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

Efesios 4:17

Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

2 Corintios 6:7

Apkeliavek na nelpaieskama ania'a akto have niapak anke kakpota nhan hengaikamok nenmopvanka'a aniem'o Eniapom Neten. Nelapkaselhkek, nelammelhkek hengellammelhmakha la'a malha akieplomo nenmaikama nennapommalhka nak anko'ok akvesai'a akpeivomo.

Romanos 8:36

Ka ntak na Vakkahak aktalhesammalhka Eniapom Neten apaivoma: «Aniem'o lheiap nelieplekama, nentekievke mota, hengeltemeskaskek malha nepkesek nema akiantemekha ta aptekiomakha» ntemak ma'a.

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

1 Timoteo 2:6

apkaiangkave lhta nhan apmatnamo kakpota hengel·hatsoskakhak neksa hengenmaikamok maniamolhma nenlhamakho. Ka ania'a nak akvetammalhko m'a, apkelientemongkeskeskamo lhta nhan aplheianma Eniapom Neten ngkotnek hata aktaqmanma aknem aklheianmakha nhan apvalhok ma'a etnehek.

Colosenses 1:11

Nelelmalhneskaskek na Eniapom Neten etneskesangkok apkeliennaktema aniem'o akiavai'a apmopvana m'a, kakpota ellapvanak elvaskapok metka apkelpekheskama akvo'o la akientalhnema. Netamen hata m'a nkolpaihekhak hata apvalho'ok ma'a,

2 Timoteo 1:10

Kolhva koka nelvetai'o nhan apiamolhma apankek Eniapom Neten aniem'o apvai'o m'a Cristo Jesús apto hengelvonkeskama tep, aptevaskamo nhan akmovana nengetsepma nak, hengellaiangko m'a aliennaktema ennenio'ok nkotnengvaianlha nnelha aniem'o nhan ania'a aktaqmanma nak nellengai'a.

2 Timoteo 2:8

Koietnama ta apaqtek lheiap aktemakha lhta apkaniemhaikama Jesucristo, apto aptaven neptamen David, aplhatekhangveiakmo lhta nhan apieseksek apkenmaskengvaiakmo m'a, ka ania'a aktaqmanma nak alheianmo na mota ko'o,