2 Timoteo 1:6 - Nuevo Testamento Toba Maskoy

⁶ Asmak'ak angvangkok ko'o lhema aspaioma lheiap, enialaivasekho ta mokhom malha talha lhta aplhevai'a apmopvana lheiap aniemai'o lhta m'a Eniapom Neten apkaikamok neksa asnengkanma lhta emeiok apietseksek lheiap.

2 Timoteo 1:6 Referans Kwoze

1 Timoteo 4:14

Emama ta apmopvana aplhevai'a lhta neksa apnengkenaikamok apmeio'ok alhta takhaplhet metno apketko'ok aniemai'o lhtoka nhan ma'a Eniapom Neten aptema.

1 Tesalonicenses 5:19

Menmangvom apmak'akha la etnek Espíritu,

2 Pedro 3:1

Elialheng'a askellamelaiam, hanet astalhesekho ntak vakkahak anak asmahai'a aleltennasangkok kakpota nkolketamangkok apvalho'ok akto akpeivomo nke.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

2 Pedro 1:12

Vanlha mota askeltemo nkotlhengkeskakho apvalho'ok asketlhekmoskama nak akto have niapak ankek, asiave niekhe ko'o apkeliavek ketlhengkap hengetlhekmoskama nak, apkelleliehekhavek nak metka nnelha,

Hechos 19:6

Ka apnengkanmo lhnak na apmeio'ok apietsekso'ok Pablo m'a, apvai'o lhnak na takhaplhet'ok Espíritu Santo. Ka apkelpaqmeteiangka lhnak nkotnakho apkelpaqmeiasma ania'a kanhan apketlheianmo ania'a aniem'o Eniapom neten,

2 Timoteo 2:14

Etlhenkeskeskakho ta mota apvalho'ok enenlhet'avok lheiap hengke'e hengetlhekmoskama nak, eleltennasamok hata apkellanemakha etnangkok napaqtek Eniapom Neten metka apkellatemommap apieseksek anak ma'a, koka aqhemo m'a, vanlha koka akmovana nkoveskak aknaqtevaskama apkellelto la apkellailhemo.

1 Timoteo 4:6

Timoteo, askeltavek etlhekmoksek lheiap qaselha askeltennaso lhkek aplhamakho engelialheng'a ham, netamen nkovak hata aptema lheiap aptaqmanma apkasennaikama Cristo Jesús, apiennaktema aniem'o apkeliehekho mei'askeiam kanhan aktaqmanma apketlhekmoskama allaikamok malha nentoma al·haivekha apiempek kakpota nkankok apiennaktema.

Lucas 19:13

Amanie lhnak apmahai'a elhong ma'a, apkankesekho lhnak 10 apkenmakmesaikama, ka apkellaiangko lhnak na moklhem'a 10 patakkom aliaqiema nema altema minas, lhna aptemak apkellanemo: "Enmakmesama ta patakkom anak akvakmo aknem asvaktamo ta mokhom", lhna aptemak apkellanemo m'a.

Judas 1:5

Smak'ak atlhenkeskeskakhok na apvalho'ok ketlhengkap ma'a apnaqtevasekho lhnak nanek Eniapom Neten Israelitas apkellelto la apkeliaskeiam neksa apkel·hatsoskekha lhnak nanek ma'a akieto Egipto.

Hebreos 6:2

Mankaimelhkak ketlhengkap ma'a ngkolhek altaqhengveskeskakho nema atlhekmosekamo lhta ampakhasekha nke lhta aktemakha m'a nema henlavkeskama nak konne iemmen ankok, aktemakha nak apkakhesekamok apmeio'ok apietsekso'ok apkellelto Jesucristo apkennemolhema, aktemakha nhan nema apnaqlhatekhaskeiam apkenmaskengvaiakmo, aktemakha nhan nema ta aliekpelkemo emanie nak.

Hechos 6:6

Ka apkeliantemekho lhnak napaqtavek nema allapaskamo m'a, apnengkenaiangko nhan apmeio'ok takhaplhet'ok ma'a, apkelelmalhneskeskamo nhan.