2 Pedro 2:2 - Nuevo Testamento Toba Maskoy

² Aplhaniek hata nhan Jesucristo apkennemolhema elpasengvomok apkeltemengveiakmo lhma m'a, hata nha nkoniemak apkeliaskama apatno'ok apketlheianma ngkolatsekama ania'a aktaqmanma akto have niapak anke nak.

2 Pedro 2:2 Referans Kwoze

Romanos 2:24

Lhnak nane ntemak lhennenga aktalhesammalhka Vakkahak Eniapom Neten apaivoma hengke'e: «Metnangko judios apnaqtevaskangke mota apvesai'a Eniapom Neten aniem'o ketlhengkap meliamolhma» lhna ntemak.

Judas 1:10

Koka apkeltaknevakkek enenlhet'avok anak ma'a qaselha nak melioho mokhom, mankollapvanka'ak na nkolketamama apvalho'ok malha aktonak kaselha nevhak la'a aktevasemmalhko nkek aniem'o aktekhanekamok qaselha.

Apocalipsis 13:14

Nkeliennenkaske lhta aplhamakho enenlhet'avok aniem'o allanai'a qaselha mongenatkeskama, nemo lhta aiangkoho naqtek ma'a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m'a kaselha nevhak akiavai'a lhta akiensaskama pelettav akvenaktema, aktaqmanveiam alhta nhan ma'a.

Judas 1:15

kakpota ellanhok aptemakha apkelanai'a aktaqmanma, ngkollatsekama aplhamakho enenlhet'avok, etlhenek apketselhnanemmap apkelelto nak apkellanekamok ngkollatsekama, apkeltaknongkongkek apvesai'a m'a», lhna ntemak akvetai'a apaqtek Enok ma'a.

2 Pedro 2:15

Apkelhakhangvakmek apkelieploma amai aktaqmanma, apketlhenengvakmek ma'a malha aktemo lhnak nanek apkeltennasemmap ania'a Balaam, Bosor apketka, apteniai'o lhnak nanek nkeskama patakkom aniem'o qaselha ngkolatsekama apkelanai'a,

1 Pedro 2:12

Eltaqmelkasakpo ta neksa apkellaniemhangka nlho mokhom hengke'e apieseksek enenlhet'avok anak apkeliaskeiam Eniapom Neten, eliematkesama ta ketlhengkap ma'a eleltangkok meliamolhma, koka netamen ma'a elvetangvomok hata apkellanekamok qaselha altaqmelo ketlhengkap ma'a, eliavenkaskesama ta apvesai'a Eniapom Neten akvo'o ta aknem nemakha hengiekpelkemelha.

Tito 2:8

eliatama ta nhan aktaqmanma apaivoma, metka la nenlheianveiam emmo'ok kakpota enmankangvomok ma'a apkellelto la apkenmahai'a elammelhek apketlhekmoskama, mankolhenalhkek hata akvesai'a ngkolatsekama hengetlhekmoskama enganko'ok anak.

Hechos 24:14

Vanlha ko'o askeliehekho Eniapom Neten apanko'ok nelieihengka, kakpota nhan asieplekama Alhnankok Amai. Koka enenlhet'avok anak apketlhengke mota Amai Alhnankok akto lhnak apasmekama enenlhet'avok ngkolatsekama hengetlhekmoskama. Ko'o koka askeliehekho nhan aklheianma vakkahak ley kakpota nhan vakkahak apanko'ok apkeleltennasemmap ania'a annenga.

Hechos 16:17

Ka ampo'o lhta akiepleiam Pablo kakpota nhan ennengko'o ngkelvana tkok, ma lhta nkasak akveneiam nentamna'ak ma'a, lhta ntak: —Ka enenlhet'avok anak ham apkellennengkasekama Eniapom Neten apto apnema nak netne kankoie, apkelva'ak apkenmahai'a etlhenek ania'a aktemakha nengelvongkasemmalhka ta tep —lhta ntak akveneiam ngkelvana tkok alhta m'a.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

2 Pedro 2:21

Apkeliangveiakme lhta niekhe amai anak akpeivomo, koka netamen apkelieniekhek ma'a, meleliehekho nhan henganemakha aktaqmelo allanemakha etnangko niekhe m'a, ntase lhta niekhe meliangvomhe' amai anak ma'a.

Tito 2:5

Nkollavanak na nkotlhenek av'alho'ok amanie anmahai'a la nkollanangkok qaselha m'a, kakpota nhan nkoltaqmelkasok atlhenaikama av'alho'ok, kanhan nkotnangkok aliamo nkoltaqmelkesek akhaiangkolha la'a, aliamolhma, alleliehekho nhan anakteiangka'a la'a kakpota m'a mangkolhek akiematkesangka ania'a aktaqmanma aniem'o Eniapom Neten.

1 Timoteo 5:14

Askeltavek ko'o atko'ok la lhentampak'a nkoliemhapekhak mokhom, nkolvetekhak atkak, nkollavanak na nkoltaqmelkesek nahan, netamen nkotno emmo'ok mankoimatkesama ta m'a lhentampak'a nak,

Hechos 19:9

Koka moklhem'a judios nkolleihak ankek nak apvalho'ok, man na nkomahai'ak etnangkok meliaskeiam ma'a. Ka apkelempai'o lhnak apkeliematkesaikama Alhnankok Amai napaqtavek aplhamakho enenlhet'avok ma'a. Netamen Pablo apteiapmo lhnak m'a nemaknekhelha, ka aplaqlekho lhnak na nema altamesaikamok akieto escuela apankok lhema enenlhet apvesai'a Tirano, ka apketlhekmoskamo mota nhan Pablo m'a

Hechos 18:26

Lhema aknem na ntemak apketlhekmoskamo akleklemo nkek apvalhok akieto apkaqnekhelha judios ma'a, ka allengai'o lhnak Aquila kakpota nhan Priscila, aliantemo mok ankavek ma'a, apkelpeiveskasekho m'a akietemo nke amai apankok Eniapom Neten.

Hechos 14:2

Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 13:10

lhnak aptemak apkanemo: —Meihamolhma nak lheiap apmopvana ania'a, aveske keliaqhameio' atka. Mankonmahai'ak ellana qaselha aktaqmanma, apkelaptengkasekama qaselha akpeivomo aniem'o m'a Apveske.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Marcos 13:22

ngkanek elvak hata apkelietkesammakpo Cristo, kakpota nhan apkeleltennasemmap ania'a apkenmopvanka'a ania'a. Ellanangkok hata qaselha mongenatkeskama kakpota nhan qaselha hempelapkeskama kakpota eliennengkesek aplhamakho enenlhet'avok lhmankek ham, nkomahak hata nhan eliennengkesek aptangko nak nema aliekieskama.

Marcos 12:14

lhna aptaiangkok apkellanemo m'a: —Hengetlhekmoskama, neniavek ennengko'o akto nak iokhalhme' apaivoma lheiap mamma apkai'akha. Mang na eteniak nkolekkeskasama apvalho'ok po'ok aptakha la aplheianma, vanlha akietemo nkek apketlhekmoskama henganemakha Eniapom Neten. Ka ngkanek nemmak'o nak angelelmalhnama lheiap, ¿ngkeltemengke nlho ley angelianmongkesek impuesto apveske iokhalhma ko Roma, nlho ka la mma', he? —lhna aptaiangkok.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

2 Pedro 2:12

Koka enenlhet'avok anak meliamolhma mankollapvanka'ak nkolketmok apvalho'ok, mankolatsema nhan apkelpakmeiasma apkellan'o neksa meliamo qaselhaha, ka ngkanek nkonnapekhok hata nkavek meliamolhma apankavek ma'a, malha kaselha nevhak la'a akieploma nak aktekhanekamok akmangkolha la'a ngvakmek ma'a al·hanemmalhkelha, mmatnek na m'a.

Hechos 22:4

Asmenlhenaikama lhta mota lhennenga aklhamakho apkellavakha apkellelto apkelvesai'a Alhnankok Amai kakpota annapok ma'a. Askelpathetmo lhta nhan ngkelvana'ak kakpota nhan apkelennava'ak askellaklhengkeskekho nhan nenmammalhkelha.

2 Pedro 2:7

Koka vanlha lhnoka apvongkeskamo tep Eniapom Neten Lot ma'a ngkanek apto apeivomo, aiosek nak na nentemak apvalhok apvetai'o apkeltemakha apkellanekamok ngkollatsekama meltaqmelkasemmakpo' apkennemolhema m'a.

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Judas 1:7

Apkellengaiangkek nak nek na akientalhnema enenlhet'avok ma'a ko Sodoma kanhan Gomorra kanhan mo'ok apkellavakha nekhav'ak apkennemolhema. Apkellaneiangko lhnak na ne mota apkellanaktema manganemmalhkelha nak antangkok, apkenmekho lhnak nanek na apkenno lhemek ma'a. Lhnak na nek na nkeniemai'ak ma'a apketlhevaiangko nema aliaqmongkasekha aptaiangkolha akieplomo talha metka aksepanai'a kakpota nhan ngkotnek nema allaskama aplhamakho enenlhet'avok ellanangkok aktemo nak ma'a.