2 Pedro 2:10 - Nuevo Testamento Toba Maskoy

¹⁰ avanhek hata ngkotnek na nema aliaqmongkaskesekha apkellelto la apkeliaspongkoma apkellanekamok aliaspongkomakha apvalho'ok, apkeltaknongkoma nhan etnangkok apveske apanko'ok Eniapom Neten. Aliennaktema apvalho'ok ma'a, apkellatemmoktemo apkelveskai'e apanko'ok, mellai'o nhan nkoltaqneva qaselha alientalhnemo m'a neten,

2 Pedro 2:10 Referans Kwoze

Judas 1:16

Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.

Judas 1:10

Koka apkeltaknevakkek enenlhet'avok anak ma'a qaselha nak melioho mokhom, mankollapvanka'ak na nkolketamama apvalho'ok malha aktonak kaselha nevhak la'a aktevasemmalhko nkek aniem'o aktekhanekamok qaselha.

Judas 1:18

Neksa akmahai'a lhna lhta nkovak ma'a aptemongvanlha ta nnelha aknem, elvak hata enenlhet'avok apkeliematkesaikama mota, nkonmama ta nhan aliaspongkomakha nak apvalho'ok ma'a.

2 Pedro 3:3

Eltaqmelkaso ta apkellailhemo asmak'akha atnek alheianma, hata aimelhko ta ketsek aktemongvanlha nnelha aknem elvak hata enenlhet anmaikama aliaspongkomakha nak apvalho'ok meliamolhma, eliematkesama ta ketlhengkap ma'a,

Judas 1:4

¡Ellaho toka m'a enenlhet'avok meliamolhma nak apkelvai'o lhna lhta mota ham apieseksek anak ketlhengkap! Apkelpasmekhek na lhta ketlhengkap ma'a, apkeliennengkeskamo lhna lhta nhan. Apkellaneiangkek na lhta lhamakho aktemakha qaselha ngkollatsekama atlheianmo apvalho'ok metka apiaqmongkasekha Eniapom Neten aniem'o aktaqmanma nke nak aptemakha, menmaiangkok na takha m'a apto lhema aphapak Apveske engankok Jesucristo. Tep nak nanek nlheianmek Eniapom Neten apaivoma etlhevangkok hata nema aliaqmongkaskesekha apkeltemakha m'a.

Efesios 5:5

Koka apkellelto nak apkenmensangveiam alhma, apkelanai'a qaselha malha akpaiseiam, apvannaikamok na qaselha apanko'ok apteniai'a, apkeltakneskasekamok na qaselha akiokha allanemmalhka', metnangkek hata m'a apkennemolhema akieto nak aptaiangkelha apkelveskai'e Cristo kakpota nhan Eniapom Neten, have niapak anek astakha nak alheianma.

Lucas 19:14

Netamen nak ma'a, aplhengamo. Koka apkennemolhema apankavek ma'a apkelapaskamo lhnak apkellennengkasekama kakpota eleltennaskakhak apto neten apankek apveske m'a mo'ok apkellavakha meleltemo etneskasokhak apiav'akha apveske apanko'ok ma'a.

Hebreos 13:4

Eleliehekho ta mota apnaqteiangka'a, etlhengkes hata mota aktaqmanma nkek apkelpathetaikamo mota apnaqteiangka'a ngkanek eiekpelkok hata apkeltemakha Eniapom Neten apkellelto la apkellanaktema kanhan aptevaskama la aliemhapma.

Tito 1:7

Hai, lhema apkemhama apmanie la'a nkaimelhkek etnek metka la aplhenammap ngkanek Eniapom Neten aptemeskeskama m'a kakpota ellanama takhaplhet'ok apkellelto nak Jesucristo apkennemolhema, metnek apkammakpoho, metka aploma, metka nhan akieihama lhma, metka apkennapommap, metka nhan apielhammakpo elkangkok patakkom apteniai'a la akianmoma apmakmekama.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

1 Corintios 6:9

¡Ellaho ta m'a melietehek aptangkolha! Enenlhet la apkeltemengveiakmo lhma metnangkek hata apkennemolhema akieto nak aptemakha Apveske Eniapom Neten, apkellelto la apkellanaktema, apkeltakneskasekamok qaselha akiokha alanemmalhka, apnaqtevaskamo la aliemhapekamok, aptaikamok iama ngkelvana'ak, apkenmekha apkenno lheme', apkenmenielhaikamok, apkenmasmo qaselha apanko'ok, anmen ato'ok, apkeltaknevaikamaha, apkenmopvanka'a eliennengkesek po'ok. Ka lhamakho nak hengke'e metnangkek hata apkennemolhema akieto nak ma'a aptemakha Apveske Eniapom Neten.

Hechos 23:5

Ka apkatemmoiangka lhna lhta Pablo m'a, lhna lhta aptemak: —Ia', moihok ko'o apto apiav'akha sacerdote enenlhet anak, ka ntemak na vakkahak Eniapom Neten apaivoma hengke'e: "Metaqnevankek apveske apankok apnemolhema apanke" —lhna ntemak ma'a.

1 Tesalonicenses 4:7

Hengellavema ennengko'o Eniapom Neten kakpota angellanak qaselha altaqmelo, have qaselha alpaiseiam anak.

2 Corintios 10:3

Niekhe nellaniemhaikama apieseksek enenlhet apkellelto nak meleliehekhok Eniapom Neten, ennengko'o koka mok aktema nentaiangkolha.

Romanos 8:1

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús,

Efesios 4:19

Mmaskek na apkenmangko apkellanengko la ngkolatsekama alenteiapma apvalho'ok ma'a, metka apkenmangveiam apkellanengko la apkenmensangveiam alhma.

2 Timoteo 3:2

Moklhem'a ta etnangkok apkenmeiavkesammakpo apankavek qaselha apanko'ok, vanlha ta nhan etnangkok nkeskama apteniaikamok patakkom apanko'ok, etnangkok hata nhan apkelammakpo, etlhenakpok hata nhan apankavek aptaikamok neten apankavek melhno po'ok. Eltaknevak hata nhan Eniapom Neten apvesai'a, mellahek hata nhan ngkana'ak, metnangkek hata nhan gracias ellanhok ma'a, eltaknevak hata nhan lhamakho qaselha alleniem'o Eniapom Neten.

Lucas 11:25

Nkotaqhok netamen alhta mokhom apvalhok enenlhet, ka akvetangvaktamo la malha pa'at alhnasemmalhka konne kanhan nema aktaqmelkeskamo qaselha aknaikamok ma'a.