2 Pedro 1:8 - Nuevo Testamento Toba Maskoy

⁸ Nkaimelhkek angellanesangkok akiekangveiakmo engelvalho'ok anak qaselha altaqmelo nak kakpota ngkotnekhak malha allentepekha m'a nkollanangkok qaselha altaqmelo. Koka mantangko la m'a, malha aqhemo ta ngkotnek neliangveiakmoho apveske engankok Jesucristo.

2 Pedro 1:8 Referans Kwoze

Tito 3:14

Lhamakho Jesucristo apkennemolhema la'a ntasek eltaqmelkeskesek apkellangiemhaikama po'ok, eliangvomhok na ellanangkok qaselha altaqmelo, elpasmok na po'ok alaimommalhka nak qaselha apanko'ok.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Juan 15:2

Apkeliaqtemenke mota aktengok metkelha la akielhna m'a, apkelalhnaskaskek na aktengok ngkeskama la akielhna kakpota nkoielhnangkok ma'a.

Hebreos 6:12

Moltok nkovak aknem aptaikamok mankonmahai'a enmakmama ketlhengkap, ntasek koka elvanangkok ma'a malha aptaiangkolha nak ma'a apkellelto ta apketlhevaikamok qaselha aplheianmo lhta Eniapom Neten aniem'o nhan ma'a meliaskeiam, metka nhan apkelpekheskama apkellailhema qaselha nkovak hata.

Filipenses 1:9

Askenmalhnema nhan Eniapom Neten elvanengkeskesek apkellasekhammakpo apieseksek anak ketlhengkap, kakpota nhan ellangko aknema apkeliamo kakpota eliangvomhok na

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Pedro 1:2

Askeltavek nkanantangkok altaqmanma apkellangiemhaikama kanhan altaqmelaikama apvalho'ok aniem'o apkeliangveiakmo Eniapom Neten kanhan Jesús Apveske engankok.

Filemon 1:6

Askenmalhneskaskek na Eniapom Neten lheiap mei'askeiam anak nkotlhekmosekhak hata nkek lheiap ma'a lhamakho qaselha nak altaqmelo nenmopvanka nak angellanangkok aniem'o nengamelaiam Cristo.

2 Tesalonicenses 1:3

Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.

Filipenses 2:5

Etnamo ta ketlhengkap aptemakha lhta mota Cristo,

2 Corintios 13:5

Ellanho ta apvalho'ok apankave ketlhengkap nnangke kelha niekhe aliennaktema meliaskeiam, nkotlheianvakhok hatelha nhan apvalho'ok mankolhnaikamok meliaskeiam Jesucristo.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

2 Corintios 9:14

Elelmalhneskesek hata nhan Eniapom Neten ma'a akieplomo apkellamelaiakmo ketlhengkap, aniem'o akiavai'a nkek qaselha altaqmelo apkelvetai'a aniem'o Eniapom Neten.

2 Corintios 8:2

Avanhe lhta apkellengaiangko niekhe m'a, koka nkakhemave lhtoka m'a nheklhe lhta alpaihekha apvalho'ok ma'a, niekhe aptaikamok metka qaselha apanko'ok, apkellankesaikokhek koka patakkom metka apkenmeiavkesammakpo apkellapaskeskamo Jesucristo apkennemolhema m'a.

1 Timoteo 5:13

Kanhan akpenesalhko la akpekkenammalhka akvesai'a m'a, nkovak kelha nhan mangkoiakvaiam nkomakmama, nkotnama kelha nhan amaika'a natemma la'a, nkomaleniongvomok kelha nhan akvanlha la natemma, ngvanengvakmek na akvet'akha la akientalhnema mo'ok, nlheianvakme nkek nahan.

1 Tesalonicenses 3:12

Nengeltavek na Apveske engankok elvanengkeskesek meliaskeiam lhamakho aknem ketlhengkap, eliavenkasangkok na apkellasekhammakpo apieseksek anak ham, kakpota nhan ellasekhok po'ok enenlhet, ka nentaiangkolha nak na ennengko'o nellasekhai'avek na ketlhengkap.

2 Corintios 8:7

Avanhek ankek apkellanekamok qaselha altakmanma ketlhengkap, ka kto nak meliaskeiam, aktaqmanma apkelpaqmetekama, apkeliangveiakmo, akmases apvalho'ok neksa apkenmakmekama, hengellasekhai'o nhan ennengko'o. ¡Elienlhanmamok hata nhan eliavenkasangkok tep mokhom patakkom apkellankesekha kakpota elpasmok po'ok aniem'o apkellasekhai'o!

Romanos 12:11

Metnamok apkel·halhemmap ellanangkok qaselhaha, eliennekho koka mota, elvaskap hata nhan ellasennama apveske engankok.

Juan 5:42

Askeliavek ko aptaiangkolha ketlhengkap, asiavek na mankolhnaiangkok nengasekhai'o nak aniem'o Eniapom Neten.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

2 Pedro 2:20

Lhennenga apkeliangveiakmo aptemakha Apveske engankok kanhan Hengvongkeskamo tep Jesucristo, alpaqnemekho nhan mangiamolhma, koka netamen ma'a apkellaiangko mokhom malha alpathetvekha la mokhom maniamolhma, aptaikokho mokhom na neten ankek meliamolhma, mangkolhnok ma'a sekhek anke lhta.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.