2 Pedro 1:17 - Nuevo Testamento Toba Maskoy

¹⁷ Neksa nellengai'a lhta apaivoma Eniapom Neten apto eniapma'ak, neksa lhta nhan apommatema neten akvaivantamo lhta nhan apaivoma, ai'o lhta m'a, aktemeskeskamo lhta nhan akiavai'a nkek apvesai'a Jesús, lhta ntak: «Ka eietka ham askamelaiam, apto nhan askeliekieskama ko'o», lhta ntak ma'a.

2 Pedro 1:17 Referans Kwoze

Marcos 9:7

Ka akvai'o lhnak na iephopai'a peskeska ankok, apkellengai'o lhnak nema aliatekama aiseksek iephopai'a, lhna ntemak: —Ko'o eietka ham, avanhek ankek askamelaiam, ellasekho ta nhan ketlhengkap —lhna ntemak ania'a m'a.

Lucas 3:22

apvaiventamo lhnak Espíritu Santo takhaplhet ma'a. Malha konemmaktek na ntemak, aklengammalhko lhnak nema aliatekama neten, lhna ntemak heng: —Lheiap eietka askamelaiam, apaiesakhek evalhok lheiap —lhna ntemak nema aliatekama.

Marcos 1:11

Netamen apkellengai'o lhnak enenlhet'avok ma'a nema aliatekama aniemai'o neten, lhna ntemak hengke'e: —Lheiap eietka askamelaiam, apaiesekha mota evalhok —lhna ntemak ma'a nema aliatekama.

Juan 3:35

Ka Eniapom anak ma'a apkamelaiam Apketka, apkankek apmopvana takhalhet'ok qaselha lhmankek ham.

Juan 5:26

Eniapom anak nietnek apmopvana kakpota ellangkok aliennaktema apnenio'ok enenlhet'avok, apkanke lhta nhan Apketka apmopvana kakpota ellangkok hata aliennaktema apnenio'ok enenlhet.

2 Juan 1:3

Askeltavek ko'o Eniapom Neten kanhan Apketka Jesucristo eltaqmelkeskesek apkellangiemhaikama ketlhengkap ham, elietnahok na napaqta'a, ellangkok na altaqmelaikama apvalho'ok alleniem'o m'a aktonak haveniapak ankek kanhan nengasekhai'o.

Lucas 10:22

Netamen nak ma'a lhna aptemak apkellanemo Jesús aplhamakho enenlhet'avok ma'a: —Hellaiangkek lhamakho qaselha ko'o Tata, mamma enenlhet apiekpelkemo Apketka nak, vanlha koka Eniapom apiekpelkemo m'a. Mamma nhan enenlhet apiekpelkemo Eniapom anak ma'a, vanlha koka apto Apketka apankek apto apiekpelkemo m'a kanhan apkeliekpelkemo m'a apkellelto la enenlhet'avok apkeliekieskama Apketka —lhna aptemak Jesús.

2 Corintios 1:3

Eliavenkaskesama ta mota apvesai'a Eniapom Neten, Apiapom ma'a Apveske engankok Jesucristo, apto nhan ma'a niapom nenietnai'o nenga'at kakpota nhan akpaihengvaiam engvalhok.

2 Corintios 11:31

Eniapom Neten apto apiapom Apveske engankok Jesús, nietavek aniavenkaskesama apvesai'a m'a, apiavek na motnema asmopvana ania'a alheno lhkek.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Juan 6:39

Apkeltemo altakmelkesek enenlhet'avok anak hellaikamo lhta, netamen akvakmo ta nnelha lhmankek ham, anaklhatekhaskamok hata apieseksek apkenmaskengvaiakmo.

Juan 20:17

koka Jesús lhna lhta aptemak apkanemo: —Mma', manghemangva', movakhak mokhom ko'o apnakha Tata. Koniakha koka koleltennaskakha askeltamesaikamok alhta, aniakhak hata apnakha Tata, ka Apiapma'ak na m'a, Eniapom Neten ehenkok, Eniapom Neten apanko'ok na m'a —lhna lhta aptemak.

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 14:11

Meliaskem koka ko'o ka nhan Eniapom nengelelto enlhema, koka apkeliaskakmo la aspaioma nak, meliaskamek koka nhan aniem'o lhamakho qaselha askelanai'a nak.

Juan 6:37

Lhamakho apkellelto lhta Eniapom hellaikamok apkeltemo altakmelkesek, helioktanie lhta ko'o, moltaqhesehek hata nhan ma'a.

Romanos 15:6

Netamen hata nhan ma'a aplhamakho ta eliavenkaskesama Eniapom Neten apvesai'a, apto apiapom apveske engankok Jesucristo.

Juan 5:20

Eniapom apkamelaiam Apketka, apvetaskaskek aptakha la apkelanai'a. Netamen eteskesek hata mokhom qaselha mongvetai'o nkek ma'a, nkolpelapkesek hata apvalho'ok ketlhengkap apkelvet'o ta m'a.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.