2 Corintios 9:8 - Nuevo Testamento Toba Maskoy

⁸ Apvankek Eniapom Neten ellangkok ngkeskama nkek qaselha aktaqmanma kakpota mankaimalhke mota qaselha apanko'ok, nkoliekangvomok hata kakpota nhan elpasmok po'ok.

2 Corintios 9:8 Referans Kwoze

Efesios 3:20

Kolhva koka ntasek angeltakneskasangkok Eniapom neten apto apmopvana hengeltaqmelkeskesek nellaniemhaikama akiavai'a nkek, tep ankek ma'a nengellanemakha nkolhok alietnaikama engaqto'ok anak, tep ankek na m'a nengelelmalhnengka la'a aniem'o apmopvana nak aknema engvalho'ok anak.

Tito 3:14

Lhamakho Jesucristo apkennemolhema la'a ntasek eltaqmelkeskesek apkellangiemhaikama po'ok, eliangvomhok na ellanangkok qaselha altaqmelo, elpasmok na po'ok alaimommalhka nak qaselha apanko'ok.

2 Corintios 8:7

Avanhek ankek apkellanekamok qaselha altakmanma ketlhengkap, ka kto nak meliaskeiam, aktaqmanma apkelpaqmetekama, apkeliangveiakmo, akmases apvalho'ok neksa apkenmakmekama, hengellasekhai'o nhan ennengko'o. ¡Elienlhanmamok hata nhan eliavenkasangkok tep mokhom patakkom apkellankesekha kakpota elpasmok po'ok aniem'o apkellasekhai'o!

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 9:11

Nkolhnangkok hata nhan lhamakho aktemakha nkeskama qaselha ketlhengkap kakpota ellangkongvomok metka apkenmeiavkesammakpo qaselha apanko'ok. Ennengko'o toka angelletsakhak hata alpasmoma apkellankesaikokha lhta ketlhengkap, avanhek hata nhan etnangkok gracias Eniapom Neten engelialheng'a m'a apkellelto apketlhevai'a.

2 Corintios 8:2

Avanhe lhta apkellengaiangko niekhe m'a, koka nkakhemave lhtoka m'a nheklhe lhta alpaihekha apvalho'ok ma'a, niekhe aptaikamok metka qaselha apanko'ok, apkellankesaikokhek koka patakkom metka apkenmeiavkesammakpo apkellapaskeskamo Jesucristo apkennemolhema m'a.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

1 Pedro 4:10

Apkellangkek Eniapom Neten nemmopvana nak ellanhok qaselha ketlhengkap, eltaqmelkaso ta apkenmaikama kakpota nkoltaqmelkeskesek apkellangiemhaikama po'ok la'a.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

2 Corintios 8:19

Apto lhta nhan apkeliekiesaikamok iglesias kakpota antangkok netlhelhma'ak neksa nenlhengama mota netsenta patakkom nema angkesekha kakpota angellankongvakhak engelialheng'a alaimommalhka nak qaselha apanko'ok, vanlha mota netlhengama nemmahai'a angelpasmok emmo'ok ma'a, nellak'avek na Eniapom Neten.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.

2 Timoteo 3:17

kakpota nhan aplhamakho Eniapom Neten apkennemolhema la'a nkoliangveskeskamhok, nkolpenaksek aliangveskeskaiakmo enenlhet'avok kakpota ellanangkok lhamakho aktemakha qaselha altaqmelo.

2 Corintios 13:3

Elvetak hata nhan ketlhengkap Cristo heiapaskama kakpota alpaqmetkesek ketlhengkap, metka nkoiennaktema apiempek Cristo neksa apkellanei'o ketlhengkap, akieplomo apmopvana.

Filipenses 4:11

Niekhe aimommalhka qaselha ko'o, ntasek koka asiangvakmoie mpaihakhek evalhok ketsek la'a, evankek koka aiensepankok ketsek.

2 Timoteo 2:21

Ka apmak'o la etnek lheiap malha nema anmaikama aktaqmelo qaselha nak, aktaqmanma nkek, apokkanma koka Apveske m'a kakpota nkolanak altaqmelo qaselha m'a, mevhanengvom na ngkolatsekama nak hengetlhekmoskama ngkanek nkopaisengkese ta apvalhok lheiap ma'a.