2 Corintios 8:6 - Nuevo Testamento Toba Maskoy

⁶ Neksa aptaienta lhta amaika'a Tito ham apieseksek ketlhengkap, apkeliatekho lhna lhta nhan ellankesekhak patakkom ketlhengkap kakpota ellapaksek hata ma'a. Koka kolhvave nak neliatakhavek mokhom eniantak Tito ham kakpota elvatak patakkom na lhta apkellankesaikokhak ketlhengkap aniem'o apkelamelaiakmo po'ok.

2 Corintios 8:6 Referans Kwoze

2 Corintios 8:19

Apto lhta nhan apkeliekiesaikamok iglesias kakpota antangkok netlhelhma'ak neksa nenlhengama mota netsenta patakkom nema angkesekha kakpota angellankongvakhak engelialheng'a alaimommalhka nak qaselha apanko'ok, vanlha mota netlhengama nemmahai'a angelpasmok emmo'ok ma'a, nellak'avek na Eniapom Neten.

2 Corintios 8:4

Ma lhta elietnakhok ma'a hengelleltennaskaktamo mota apkenmahai'a apankavek ellangkok patakkom apkellankesekha kakpota elpasmok Eniapom Neten apkennemolhema m'a.

1 Pedro 4:10

Apkellangkek Eniapom Neten nemmopvana nak ellanhok qaselha ketlhengkap, eltaqmelkaso ta apkenmaikama kakpota nkoltaqmelkeskesek apkellangiemhaikama po'ok la'a.

Filipenses 4:18

Alhevangvaktek qaselha hellapaskeskama ketlhengkap apsenta koka Epafrodito hengke'e, heiekangvakme', nlekama nhan evalhok malha nta kto nak akmases la aimes nema akmeskama nak Eniapom Neten kakpota nkolkama nhan apvalhok ma'a.

2 Corintios 9:5

Ka nkeniem'ak allapaksek engelialheng'a kakpota ellankesekhak alpasmoma la apkelpeneskamo lhta apketlheianma have niapak ankek ellangkok hata ketlhengkap ma'a. Ntasek elpenaksek apkellankesekha amanie nelvekta ta ham kakpota elvetak asketlhelhma'a anmahai'o nkek apvalho'ok ketlhengkap ellankesokha. Koka apkellankesakho la ketlhengkap nelvakto ta ham, nkotlhenek hata nhan apvalho'ok asketlhelhma'ak hellai'a ko'o asvaktamo la ham.

Hechos 24:17

Nlhamakmek iantelhkapa asmaikamo mota mo'ok apkellavakha, netamen astaqhemo lhta mokhom askavakha' ehenke, asketsekho lhta nhan patakkom askellangkongvekho metka nak apkelletsekama, asketsekho lhta nhan qaselha nengaikamok anak Eniapom Neten.

Romanos 15:25

Koka kolhvave nak asmak'ak aniakhak Jerusalen kakpota aletsakhesek patakkom apkelpokkenammap ma'a.

2 Corintios 2:13

Koka ntama lhta evalhok ko'o m'a ngkanek ma lhta atak stema eialheng Tito, ka askelpaivesangko lhta m'a, asmeiakho lhta Macedonia.

2 Corintios 8:10

Iantelhkapa lhta ketlhengkap apkellenemo apkellankesekha patakkom akieplomo alleklemo apvalho'ok alhta m'a. Kolhva smak'ak allangkok aspaioma

2 Corintios 8:23

Koka aptemakha nhan Tito, alhelhma ko nhan mota m'a, nenmakmekama nempasmekha kakpota nkoltaqmelkeskesek apkellangiemhaikama ketlhengkap ham. Koka apqanet lhek engelialheng'a, apkellelto apkellapaskama iglesias, apkellai'o lhnak na Apveske m'a.