2 Corintios 7:11 - Nuevo Testamento Toba Maskoy

¹¹ Allaiosei'o lhna lhta apvalho'ok ketlhengkap neksa apkelietsatekamok vakkahak alhta astalheskama akiennaktema aspaioma askellaikamok, koka aniem'o nhan Eniapom Neten anmaiosak'a apvalho'ok ketlhengkap kakpota eliaqmongkasekhak mo'ok apvalho'ok neksa apnaqtevaskama asvesai'a hetlheianma ko'o, nketlheianvekhek na lhta nhan apvalho'ok asiamolhma ko'o, ka helatemmokkeskamo lhna lhta nhan alhenammalhka ko'o meleltemo alhenalhkak mokhom, apkellai'avek na lhta nhan ketlhengkap ma'a. Apkenmahai'avek nak helvet'ak, henmasmek nahan napokha, apkeliaqmongkaskesekho lhna lhta apkellelto apkenmahai'a henaqtevaksek. Kolhva koka nlheianvakhak evalhok melvanekhok ketlhengkap ma'a qaselha ngkolatsekama nak.

2 Corintios 7:11 Referans Kwoze

Romanos 14:18

Enenlhet apto la apkelanai'a lhamakho qaselha nak koka apto apiamolhma apkasennaikama Eniapom Neten, nlekavek apvalhok ma'a, enmankok na takha enenlhet'avok ma'a.

2 Timoteo 2:15

Elienlhanmo ta apkelanai'a akpeivomo lheiap kakpota mangkomangkaksek aktemakha apmakmekama, etlhekmos hato ka akietemo nkek ania'a akto iokhalhme kakpota elhenek Eniapom Neten aktaqmanma apmakmekama.

2 Corintios 7:7

Atse lhta apvalhok apvo'o Tito hengke'e, apsantamo ania'a apkelvesai'a ketlhengkap, apkenmahai'o lhna lhta hengelvetak ennengko'o. Nkellaioseskeskangkek na lhta apvalho'ok ketlhengkap aniem'o atlheianma mota apvalho'ok ko'o, avanhek na lhta nhan altaikama apvalho'ok aniem'o ko'o m'a. Koka avanhek na akpaihekha evalhok asleng'o ania'a apsenta Tito.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!

Judas 1:23

elvongkes hata nhan tep eleiveskakhak apkellelto nak apkakhaikamo nak aiseksek talha, ellapioso ta nhan ellanhok ma'a meliamolhma nak. ¡Koka ellaho'! Melpasengvom ankek ma'a apkellanengko la ngkollatsekama ngkanek akvakho apkelentalhnema malha aliepetkai'a la meliamolhma m'a.

1 Pedro 2:2

Malha aptonak nematka nak kolhva apteiam la'a niaksek emahak neme, melles hata nhan enmahangkok ketlhengkap malha aptekamok aktaqmanma nke allaikamok la aliennaktema apvalho'ok kakpota nkovanamok meliaskeiam, ngkolhek na alvongkaso tep ma'a

1 Pedro 1:17

Eliekpelkok hata Eniapom Neten aptangkolha la enenlhet apkellanekamok aktaqmanma nlho ka la ngkolatsekama. Mellanhe' aptemakha enenlhet, apneskamo po'ok koka apkellanei'o m'a. Ka apketlheno la ketlhengkap apiapma'ak Eniapom Neten, nkaimelhkek na ellahok ma'a neksa apkellangiemhaikama hengke'e nalhepop anak,

Hebreos 4:1

Nheklhek mokhom aklhengama Eniapom Neten apeneskamo lhnak nanek apaivoma angelentelhek hata akieto iokhalhma m'a neniamposammalhkelha. ¡Koka ellaho ta m'a eltemengvakho lhma ngkanek melentelhek hatelha ketlhengkap m'a!

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Efesios 5:11

Melvanekho nkek na aptaiangkolha ngkollatsekama enenlhet'avok anak apkellelto nak apkelloma malha ienaqtesakha lhma, ntasek koka etlhenek ma'a aptangkolha la apkellanekamok ma'a.

Efesios 4:26

Hata nhan apkellavo la ketlhengkap, mellanko nkek nkoiavangkok akvakmo apkellan'o ngkolatsekama, melvenaktesamo nkek na aknem

2 Corintios 13:7

Kolhva koka ennengko'o nengelelmalhneskaskek Eniapom Neten elpasmok ketlhengkap mellanankek hata mokhom qaselha ngkolatsekama, have nkollaqhama engelvalho'ok engankavek aniem'o netlhekmosekamok ennengko'o, nkaqhok nkotlhenek apvalho'ok enenlhet akhemo nenmakmekamaha apieseksek anak ketlhengkap, vanlha koka nengeleltavek ellanangkok qaselha altaqmelo ketlhengkap.

2 Corintios 9:2

Nkanek asiave ko'o anmahai'o nkek apvalho'ok ketlhengkap ma'a. Askeleltennaske lhta engelialheng'a nak hengke'e Macedonia nkalhkek na ko evalhok aniem'o ketlhengkap ko Acaya, iantelhkapa lhta apkelpeneskamo apkelpakmeiasma ellankeskasekhak hata alpasmoma kakpota ellapaskesek engelialheng'a mo'ok nekha la'a. Apkenmak'a alhta nhan ketlhengkap elietkesangkok aptaiangkolha ko Macedonia aniem'o apkelvetai'a alpaikehka apvalho'ok ma'a neksa apkellankesaikokha alpasmoma po'ok.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

2 Corintios 2:6

Apkeliaqmongkaskesekhek koka ketlhengkap aptemakha m'a enenlhet alhta, metka toka mokhom aptaikokha m'a.

1 Corintios 12:25

Kakpota nkolpasmalhkok ma'a, akmovana nhan nkopasmok mo'ok aknaiangko nak moklhem'a m'a neniokha nak.

1 Corintios 5:2

Apkelammakpe mota ketlhengkap apkelanei'o m'a enenlhet anak, koka nietavek nkolaioseskesek apvalho'ok, elentepkesek na m'a enenlhet anak aptevasekha iama ngken.

Romanos 11:20

¡Koka ellaho ta ketlhengkap ma'a! Apkeliaqtemenammakpe lhta malha aktengok alhta lhennenga aniem'o aliaskeiam, ka akno aliepetkeskakmo nhan ketlhengkap ma'a aniemai'o nhan meliaskeiam. Koka apkelakpo la ketlhengkap,

Hechos 17:16

Apkelel·halhanmek nak Pablo Silas kakpota nhan Timoteo akieto m'a Atenas, ka apkaniemhaiangka lhnak apieseksek temma m'a, apvetangveiakmo lhnak ngkeskama qaselha akiokha apkellanekamok, avanhek ankek nak akiephesekama aploma Pablo m'a.

Juan 2:17

Neksa apkelvetai'a lhta apkeltamesaikamok ma'a, atlheianvakho lhta apvalho'ok aktalhesammalhka Vakkahak Eniapom Neten apaivoma, lhna ntemak: «Nietnokhasavek evalhok asvetangvaktamo apkellanengko qaselha ngkolatsekama apnemakha lheiap», ntemak ma'a.

Marcos 3:5

Nnatheskangkek nak Jesús, aiosek na ntemak apvalhok apvetai'o aliennaktema apvalho'ok enenlhet'avok ma'a, lhna aptemak apkanemo enenlhet akiaqsekha apmek ma'a: —¡Epeivesekha no apmek! —lhna aptemak. Apkasekhai'avek nak, ka aktaqmelekho lhnak apmek ma'a.

2 Corintios 7:9

Netamen atlheianvekho lhna lhta apvalho'ok mankolietemo aptaiangkolha, ka apkeliaqmongkasekho lhna lhta nhan mo'ok apvalho'ok ketlhengkap ham. Mpaiesakhe lhta nhan evalhok ko'o m'a anmaiosei'o lhna lhta apvalho'ok, aniemai'o koka m'a Eniapom Neten kakpota eliaqmongkasekhak na mo'ok apvalho'ok ketlhengkap ham, mannaqtevaskamak ennengko'o ketlhengkap.

Romanos 3:5

Koka ntase kelha niekhe mangeliamolhma nak kakpota nkolvetaskesek enenlhet'avok vanlha apankek Eniapom Neten apto apeivomo. Koka hengeliaqmongkaskesakho la nentemakha nak mongeliamolhma, malha mepeivomo nhan ma'a. Koka astakha lhkek alheianma etnangko mota enenlhet elpaqmetek,

1 Tesalonicenses 4:6

Menaqtevaskamanke lhma, meliennengkes na po'ok aktemakha m'a qaselha ngkolatsekama lhkek, nellaskangke lhta ennengko'o m'a akiavai'a nkek la apiaqmongkasekhak Apveske.

1 Timoteo 5:20

Koka eliennaho ta ellanhok lheiap ma'a apkellelto nak melvatesaikamok apkellanekamok ngkollatsekama napaqtavek aplhamakho enenlhet'avok la'a kakpota elagak apkellelto apkellengai'a m'a.

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.