2 Corintios 6:8 - Nuevo Testamento Toba Maskoy

⁸ Moklhem'a aknem hengeleliahakhave lhta mota, hengeltaqmelkaske lhta nhan, mo'ok aknem alhto ka hengeltaqnevak ma'a, hennaqtevaske lhta nhan ma'a, hengelleltaiangko lhta nhan nenmopvanka'a ania'a, koka iokhalhme mota netlheianma ennengko'o.

2 Corintios 6:8 Referans Kwoze

1 Pedro 4:14

Aktakmelakho nkek apkeltaknommap la'a aniem'o apkelleliehekho Cristo, ngkanek Espíritu Eniapom Neten apankok nkelloka mota lhemek ketlhengkap ma'a.

Apocalipsis 3:9

Koka apkakhangkek ma'a moklhem'a apketlhenammakpo apankavek apkellelto judios, koka have m'a, apkellelto koka niekhe ankesekhelha Satanas ma'a. Alelteklhekkeskakhak hata ehenkek ko'o aptapno'ok napaqtek lheiap ma'a ngkanek askamelaiam na lheiap, lhamakho enenlhet hata nhan elvetak ma'a.

1 Timoteo 4:10

Ka ngkanek na ennengko'o nenteniaiangkavek eniempeiok nenmakmeiangka, nellammelhmek na hengellammelhmakha la'a ngkanek nietnek alel·halhnekama engelvalho'ok hengelpasmok hata Eniapom Neten apto metnenvaiam annelha, apto nhan hengelvonkeskama tep aplhamakho enenlhet'avok, tep ankek ma'a apkellelto la meliaskeiam.

Hechos 28:22

Nengeleltavek angeliohok aklheianma apvalhok lheiap aptaiangkolha m'a secta nak ngkanek lhamakho aiempek apketlhenammap ma'a —lhta aptangkok ma'a.

Hechos 24:5

Ka enenlhet anak meiholhma pankek ham, lhamakho iempehek aptepkeskama akmaska mota apkeliaiesekho nhan judios. Apto nhan apkemhama apmanie lhema apasmekama enenlhet'avok hengetlhekmoskama ngkolatsekama apkelvesai'a Nazarenos.

3 Juan 1:12

Lhamakho engelialheng'a apketlhengke mota aptemakha Demetrio, apto lhnak apiamolhma m'a, nelvet'ak na ennengko'o aptemakha have niapak ankek ma'a. Ennengko'o nhan netlhenak apto apiamolhma m'a, apiavek na lheiap nenlhenke mota qaselha have niapak anke mota nentangkok.

Hebreos 13:13

Ennengko'o nhan nkaimelhkek antangkok malha nelenteiapma m'a apiav'akha temma, angenmangkok na takha akientalhnema aniem'o neltaqnommalhka malha aktemo lhta apkaniemhaikama Jesús ma'a.

Romanos 3:8

Apketlheianmek na lhta mota moklhem'a ketlhengkap ntasek ellanangkok qaselha ngkollatsekama kakpota Eniapom Neten etneskasekha aktaqmanma m'a. Apketlheianmek na lhta astemo asketlhekmoskama ko m'a, apkellentepkasekama asvesai'a m'a, ntasek nkovak akientalhnema takhaplhet'ok enenlhet'avok anak ma'a.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 16:39

Kolhvavek ankek na lhta apkenmeiekhak apkelemhama apmaniaie apkakhangkolha Pablo kakpota nhan Silas kakpota ellasekhekhok ma'a, ka apkelentepkeskekho nhan ma'a nengaqlhengkasemmalhkelha, apkeleltemo lhna lhta enmeiakhak po'ok temma apiav'akha.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 6:3

Ntasek eliekiesangkok apieseksek anak ketlhengkap 7 enenlhet altaqmanma la apkeltemakha, nema la nhan apkeliamo, allaneiangko la nhan apvalho'ok Espíritu Santo kakpota etnangkok apkelhpankesaikamok ma'a.

Hechos 5:13

Apkelleliehekhavek na mota enenlhet'avok ma'a, koka mang na nkoliakvaiakmok elteteskamok ma'a.

Hechos 4:21

Koka apkelemhama apmaniaie mang nak nkonmopvanka'ak enaqtevaksek ngkanek aplhaniek nak enenlhet'avok apkeliavenkaseiangka apvesai'a Eniapom Neten aniem'o qaselha hempelapkeskama apkelanai'a, aptaqmelkeskaiam enenlhet nak ma'a, tep 40 iantelhkapa apankok nak ma'a enenlhet aptaqmalveiam. Apkellaskangkek nak eltemeskesama apkellaniemhaikama aptangkokho la mokhom ma'a, ka apkelpaqnemekho lhnak na m'a.

Juan 7:12

Ma lhta ellasak apketlheno enenlhet Jesús akieto aktaqmelankolha lhma m'a, apkelmalenioma lhta m'a ngkanek apkellak'ave lhta apkelemhama apmaniaie' judios ellenhok ma'a, lhta aptangkok enenlhet: —Apiave lhma' enenlhet anak ma'a, hela —lhta aptak. —Ma', meiholhma m'a, apmopvana ania'a m'a —lhta aptak po'ok enenlhet.

Marcos 12:14

lhna aptaiangkok apkellanemo m'a: —Hengetlhekmoskama, neniavek ennengko'o akto nak iokhalhme' apaivoma lheiap mamma apkai'akha. Mang na eteniak nkolekkeskasama apvalho'ok po'ok aptakha la aplheianma, vanlha akietemo nkek apketlhekmoskama henganemakha Eniapom Neten. Ka ngkanek nemmak'o nak angelelmalhnama lheiap, ¿ngkeltemengke nlho ley angelianmongkesek impuesto apveske iokhalhma ko Roma, nlho ka la mma', he? —lhna aptaiangkok.

1 Timoteo 3:7

Ntasek na etnek metno apketkok apkellai'o m'a apieseksek anak metnangko nak Jesucristo apkennemolhema kakpota nhan metlhenek ngkollatsekama aptemakha enenlhet, ngkanek malha apteiam kelha ngkotnek aveske keliaqhameio' al·hanma m'a.

2 Corintios 1:18

¡Koka have ennengko'o nentaiangkolha aktonak ma'a, hai, nlho ka la mma'! Apiavek Eniapom Neten have niapak ankek astakha nak alheianma.

2 Corintios 4:2

Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

2 Corintios 11:21

Smangkakkek ko'o asmak'o alhenek kolhvave nak, ennengko'o nlho lhta nhan ntase lhta niekhe antangkok angellanhok aptaiangkolha nak ma'a. Apkelammakpek ma'a aniem'o apkenmakmekama lhta apieseksek anak ketlhengkap, ko'o ta nhan nkalhkok evalhok niekhe heleltaikamok malha anema.

2 Corintios 12:16

Moklhem'a ketlhengkap apkeliavek moteniai'a lhta ko'o akianmoma asmakmekama, napokha lhna lhtoka hetlheianmak askeliennengkeskama asmahai'a apalesemma'.

1 Tesalonicenses 2:3

Netlhekmoseiangke lhta mota nhan akto haveniapak ankek, ma lhta nhan nkolhnaiangkok engelvalho'ok malha alposkama la qaselha kakpota nhan mankonmahai'ak angeliennengkesek.