2 Corintios 6:11 - Nuevo Testamento Toba Maskoy

¹¹ Engelialheng'a ko Corinto, nelletsavhavek lhek neleltennasekama iokhalhmek ankek ma'a, malha nenmaieskama engvalho'ok la'a napaqtavek ketlhengkap.

2 Corintios 6:11 Referans Kwoze

Filipenses 1:8

Apiavek koka Eniapom Neten avanhek heliepvaiam asmahai'a alvetekhak ketlhengkap ham aniem'o akiavai'a askellamelaiam aniem'o nhan Cristo Jesús.

2 Corintios 12:15

Nnavek na ko'o ntasek ankek aietepok lhamakho qaselha ehenkok anak kakpota nkoltaqmelkeskesek apkellangiemhaikama ketlhengkap, ntasek na nkovaiventak asmakmose aniem'o hellasennaikama ketlhengkap. Niekhe akvanekamok askellasekhai'o ketlhengkap, aselhtek koka nhan hellasekhai'o ketlhengkap.

2 Corintios 2:4

Neksa astalheskama lhta vakkahak alhta avanhe lhta aktaikama evalhok akvakmo asveno nhan ngkanek ma lhta nkomak'ak allaioseskesek apvalho'ok ketlhengkap aniem'o askeliennai'o aspaioma astalheskama vakkahak, vanlha koka askeltemo allelpeiveskasekhak kakpota ellapvanak etnangkok apkelpeivomo aniem'o nhan ko'o askellasekhai'o ketlhengkap.

Apocalipsis 22:12

—¡Hai, kolhvavek hata avatamok ham! Atsantengkesek hata alianmoma kakpota allangkongvatak moklhem'a enenlhet aptangkolha la apkellanekamok.

Filipenses 4:15

Askempai'akha lhta sekhek ankek alhengama akieto m'a Macedonia kakpota apaiaksek ania'a aktaqmanma, vanlha lhta mota ketlhengkap ko Filipos hellapaskeskama hepasmoma la'a, mamma lhta mo'ok la iglesia hellapaskeskama m'a.

Galatas 3:1

Asketlhekmoske lhta ko'o alhnakho nke aktemakha lhta apketsepma Jesucristo neten iamet aktenneskama kakpota antangkokhak nengelpeivomo napaqtek Eniapom Neten ma'a, koka ketlhengkap apkelvatesaiangkek ania'a aktaqmanma nak. ¡Malha apiolhma meihamolhma ntemak apnaqtevaskama apqatko'ok anak ketlhengkap Galatas, mamma apqatko'ok!

Efesios 6:8

Askeltavek ko'o eliangvomhok ketlhengkap nema allasennaikama nema apkelianmoma, nlho ka la nhan metka nema apkelianmoma, moklhem'a ta ellangkok akianmoma Apveske akietemo nkek aniem'o la aktaqmanma apkenmakmekama.

Hechos 18:1

Netamen nak ma'a, apteiapmek nak Pablo natemma Atenas apmeiekho lhnak natemma Corinto.

Hechos 18:8

Apkemhama apmanie nemaknekhelha apvesai'a Crispo kakpota nhan apketkak mang nak na eliaskeiakmok Apveske, kakpota nhan mantek enenlhet'avok ko Corinto, ka aknemo lhnak na allavkesaiangko konne iemmen ma'a.

Galatas 4:12

Ketlhengkap elialheng'a askeltavek etnangkok astemakha nak ko'o, ka stemak ko'o aptaiangkolha nak ketlhengkap. Ma lhta henaqtevaskamak ko'o

Efesios 6:19

Ko'o nhan helelmalhneskes kakpota heiangkok aspaioma Eniapom Neten asmopvana apaiaksek ania'a aktaqmanma akielhammalhka apeneskamo lhta apaivoma m'a, akieplomo asteniai'o eiempek, metka askai'a nhan aspaieskama ania'a aktaqmanma.