2 Corintios 6:10 - Nuevo Testamento Toba Maskoy

¹⁰ Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.

2 Corintios 6:10 Referans Kwoze

Juan 16:22

Nnavek na ketlhengkap, nkeliepvamengkek kolhvave nak, koka helvetakho ta mokhom nkolpaihekhak hata apvalho'ok, mamma ta nkomaskeksek alpaihakho ta apvalho'ok ma'a.

2 Corintios 8:9

Apkeliavek na ketlhengkap aptemakha lhta Cristo, malha aknema apketsekama lhta m'a, koka aptemongvai'ak hengke'e metka apketsekama aniem'o apkellamelaiam ketlhengkap, kakpota eltemeskeskak na ketlhengkap malha nema apkelletsekama la'a.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

Hebreos 10:34

Apkelietnai'ave lhta nhan napaqta'a aplhatmommap la'a, nkelpaihekhe lhta nhan apvalho'ok neksa nemo al·hatsoskeskama qaselha apanko'ok ngkanek apkeliavek ketlhengkap nnaiangkek qaselha apanko'o metka akmaskengvaiam ma'a neten.

1 Timoteo 4:8

Aselhtek apkelvetai'a aktaqmanma apiempeiok ma'a apkellelto nak apkelleivesammap la'a, koka m'a akto neten ankek aktaqmanma apkellelto nak apkellanekamok la qaselha akpeivomo, apeneskangke lhta nhan lhema apaivoma Eniapom Neten ma'a eleltaqmelkeskesek neksa apkellangiemhaikama hengke'e nalhepop anak, kanhan alhaiek ma'a neten,

Filipenses 4:4

¡Kolpaihekha ta mota apvalho'ok aniem'o apkelpasmekha Apveske, hai, kolpaihekha ta mota apvalho'ok!

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Filipenses 2:17

Meliaskeiam anak ketlhengkap malha niekhe ntak akmatnama nak nentoskama nengaikamok Eniapom Neten, ka asketsepo la ko'o neksa helasennaikama ketlhengkap, ema ehenkok malha ntakhak nema aliangkenaikama nak takhalhet qaselha nema akmeskama Eniapom Neten, hata akto ta askaniemhaikama m'a nkaqhok hato ka ngkotnek ma'a nkopaihekhok ankek hata evalhok lhemek ketlhengkap ma'a.

Romanos 11:12

Ka kno la altakmelkeskaso apkellangiemhaikama metnangko judios anak aniem'o meleliehekho judios kakpota nhan apalleiam, tep ankek hata ngkotnek altakmanma apkellangiemhaikama metnangko judios akvo'o ta aknem Eniapom Neten apkenmekho takha m'a judios.

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

2 Corintios 4:7

Ka ania'a aktaqmanma nak malha akto nak qaselha akmennave nke aknaiangko nak neniokha nkoliennaktema malha aktonak nialpa ngvengka, apvanka'ak elvetak enenlhet'avok akmovana m'a aniem'o Eniapom have aniem'o ennengko'o.

2 Corintios 2:4

Neksa astalheskama lhta vakkahak alhta avanhe lhta aktaikama evalhok akvakmo asveno nhan ngkanek ma lhta nkomak'ak allaioseskesek apvalho'ok ketlhengkap aniem'o askeliennai'o aspaioma astalheskama vakkahak, vanlha koka askeltemo allelpeiveskasekhak kakpota ellapvanak etnangkok apkelpeivomo aniem'o nhan ko'o askellasekhai'o ketlhengkap.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 12:15

Kolpaihekho ta lhemek apvalho'ok apkellelto la alpaihekha apvalho'ok, eliapqalh hata nhan lheme' apkellelto la apiapqalhema.

Hechos 5:41

Ka apkellenteiapmo lhnak nema alapaskamo napaqtave apkelientalhnakha apkelveskaie, nkelpaihekhek nak apvalho'ok ngkanek apkellengaiangkek nak akmaska aniem'o apketlheianma Apvesai'a m'a.

Lucas 6:21

Aktaqmelakho nkek ketlhengkap allaqhemo mek, ngkanek eliapqanmekhak hata. Aktaqmelakho nkek ketlhengkap apkeliapqalhema nak, ngkanek ellaktemmekhak hata.

1 Timoteo 6:18

Elelto nhan ellanangkok qaselha altaqmelo m'a, nkeskama nhan qaselha altaqmelo, ellamok hata nhan po'ok qaselha metka apkenmasma.

1 Tesalonicenses 5:16

Kolpaihekha koka mota apvalho'ok,

Hechos 3:6

Koka lhna aptemak Pedro apkanemo: —Mamma ko'o patakkom kanhan oro, vanlha koka asmak'ak atnek angvana akieplomo apvesai'a Jesucristo ko Nazaret: ¡Etnemekha neten, elheng ma'a! —lhna aptemak Pedro.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

Efesios 3:16

Askelelmalhneskaskek askeltemo ellangkok aliennaktema nkek apvalho'ok ketlhengkap aniem'o Espíritu apankek ma'a, aniem'o nhan apto apiavai'a apankek ma'a.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

2 Corintios 4:15

Lhamakho nellengaiangko nak akientalhnema nelvetai'a aniem'o nelienlhanmekamok kakpota nkoltaqmelkeskesek apkellangiemhaikama ketlhengkap ham, etlhevangkok hata nhan aktaqmanma nke nak apkellanei'o Eniapom Neten. Ka aplhamengko la enenlhet ma'a, netamen elhamangkok hata nhan aptaikamok gracias Eniapom neten ma'a, nkotlheianvakhok hata nhan apvalho'ok Eniapom Neten apto akietnema akiavai'a apmopvana.

1 Corintios 1:5

Apkellangkek na Eniapom Neten akiavai'a nkek apkeliangveiakmo kanhan apkenmopvanka'a etlhenek apvesai'a m'a aniem'o nhan apkelpasmekha Cristo Jesús ketlhengkap.

Romanos 9:2

Avanhek ankek akmaiose evalhok, aslengaiangko nhan

Romanos 8:32

Apkeltave lhta Eniapom Neten eniangkok apketka kakpota enietsepok hengeliaqmoiekha ennengko'o, have niapak anke hengellangkok hata nhan alaimommalhkelha la qaselha ennengko'o.

Hechos 16:25

Neplhet pelhasep na lhta aptemak ma'a, apkelelmalhneiangko lhna lhta Eniapom Neten kakpota nhan apkennekmaseiangko himnos Eniapom Neten Pablo kakpota nhan Silas, ka apkellengai'o lhnak na apkeltemo lheme apkellaqlhengkasemmap ma'a.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.