2 Corintios 5:17 - Nuevo Testamento Toba Maskoy

¹⁷ Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

2 Corintios 5:17 Referans Kwoze

Juan 3:3

Koka lhna aptemak Jesús apkatemmoiangka: —Have niapak anke, apmak'o la etengvomok lheiap aptemakha nak Apveske Eniapom Neten nkaimelhkek amanie etiemok mokhom, malha nematka sekha apteiam la'a —lhna aptemak.

Galatas 6:15

Kolhva alhnankok nentaiangkolha nak koka akto neten ankek akiaspommalhka m'a, mangkolhnok aliaqtemenammalhka nak nekhatkok apkellammelhakha, nlho ka la nhan metka nak aliaqtemenammalhka m'a.

Romanos 8:1

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús,

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

Juan 15:5

Ko'o asto iamet uva, ketlhengkap koka m'a malha aktengok anak. Mang hata nkek helieniakhak helpasmekama ketlhengkap, ngkotnek hata ngkeskama akielhna. Koka helieniakho la helpasmekama, ngkotnek hata metka akielhna, ngkolhek hata nhan aliaqtemeno m'a, nkoliemak hata, ngkolhek na ankesakho kakpota nkoklhalhkak aiseksek talha.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Romanos 7:6

Kolhva koka mmaskek hennakteto m'a ley ennengko'o, ngkanek malha neletsepmo lhemek Cristo. Envanka'ak angellasennama Eniapom Neten alhnankok nentemakha, aniem'o nhan hengelleltennasekamok Espíritu m'a, have m'a nentaiangkolha lhta lhennenga hengelleltennasekamok alhta ley.

2 Corintios 5:16

Lhennenga lhta nhan ennengko'o nketlheianmek engelvalho'ok malha aktonak enenlhet apkeliaskeiam anak Cristo, kolhva koka nenvanlha nak mmaskek ma'a, kolhva koka nketlhenkek engelvalho'ok apkeltemakha la antangkok Eniapom Neten.

Juan 3:5

Ka apkatemmoiangka lhnak Jesús: —Nkaimelhke' nak etiemok aniem'o Espíritu kakpota nhan iemmen, kakpota etalhnengvomok ma'a aptemakha nak apveske Eniapom Neten, akto have niapak ankek ma'a.

Efesios 2:15

Apmaskeskakme lhta nhan henganemakha ankok anak ley, hanet apkellavakha lhta niekhe, aptemeskasakhe lhtoka malha lhema apkellavakha alhnankok apkelpasmekha nhan ma'a Cristo. Apsoiakmo lhta nhan altaqmelaikama apvalho'ok apieseksek anak ma'a.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Juan 15:2

Apkeliaqtemenke mota aktengok metkelha la akielhna m'a, apkelalhnaskaskek na aktengok ngkeskama la akielhna kakpota nkoielhnangkok ma'a.

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Juan 14:20

Netamen akvakmo ta aknem asvaktamo mokhom hengke'e, eliangvakhok hata ketlhengkap ko'o kakpota nhan Tata nelelto enlhema, ko'o kakpota nhan ketlhengkap nelpasmommalhko m'a.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

1 Corintios 13:11

Neksa astema nematka lhta ko'o, askeliatekama, nkelketamekama lhta nhan evalhok kakpota nhan asiekpelkemo malha lhta astemak nematka la'a, netamen aksavhommalhko astema nematka aniem'o asvanekamok.

2 Corintios 5:19

Apkapaskangkek Eniapom Neten Cristo kakpota etnek apkellasekhaskesekho aplhamakho enenlhet'avok ma'a, etneskesama nhan apankek apkeliekai'a meleltemakha etnangkok ma'a. Hengellapaskama nhan ennengko'o kakpota angelleltennaksek ania'a nak.

2 Corintios 12:2

Asiekpelkemelha ko'o lhema enenlhet mei'askeiam Cristo, nemo lhna lhta akiantemekho akvakho hanetolhema av'alho'ok neten, ngvakmek 14 anio m'a. Apiokho kelha m'a nlho ka la aphangok, Eniapom Neten apiavek ma'a.

Filipenses 4:21

Askeltavek na angvapaksek aklheianma evalhok aplhamakho apkelpokkenammap meliaskeiam Jesucristo ham, apkellapaskek na atlheianma apvalho'ok engelialheng'ak asketlhelhma'ak anak hengke'e,

Romanos 16:7

Nlhenkek na evalhok aspaivoma lhema Andronico kakpota nhan Junias, allelto lhta amaniaie nkavek nkoliaskeiam Jesús, alhaiek koka ko'o, asnaktemommalhko lhta nhan lhemek ko m'a, avanhek anke lhta nhan apkelleliehekho mota nema allapaskamo m'a.

Romanos 16:11

Nlhenkek na evalhok aspaioma lheme' Herodion kakpota nhan apkennemolhema apankek Narciso, apkellelto nak meliaskeiam Apveske.

Romanos 16:3

Askapaskek na aklheianma evalhok Priscila kakpota nhan Aquila, helpasmoma lhta neksa askeltennaikama ania'a aktaqmanma aplhenammap Cristo Jesús.

Romanos 16:9

Nlhenkek na evalhok Urbano, apto nhan netlhelhma'ak nenmakmesaikama Cristo, kakpota nhan nlhenkek evalhok askamelaianlha Estaquis.

Romanos 16:10

Nlhenkek na evalhok Apeles, aplhenammakpo lhta mota apto have niapak ankek mei'askeiam Cristo. Nlhenkek na evalhok apkennemolhema apankek Aristobulo.

Lucas 5:38

Koka ntasek aniatmok vino alhnankok iempehek alhnankok nahan.