2 Corintios 5:12 - Nuevo Testamento Toba Maskoy

¹² Have nhan neleltemo eltaqmelkasama nelvesai'a hengetlhenek, vanlha koka nengeleltemo angetlhengkeskakhok apvalho'ok aktaqmanma nentaiangkolha ennengko'o kakpota nkolalhkok apvalho'ok ketlhengkap ham hengellanhok ennengko'o. Etlhenek hata nhan nelvesai'a m'a napaqtavek enenlhet'avok apketlhenammakpo nak apankavek apkeliamolhma aniem'o apkelammakpo m'a, mok apatno'ok koka m'a, moka ngkollatsema nhan apvalho'ok.

2 Corintios 5:12 Referans Kwoze

2 Corintios 3:1

Nentangkolha lhta ennengko'o netlhenammalhko engankavek nengeliamolhma, man koka nkomahai'ak angetlhenalhkok enganko'ok engankavek ma'a, apkeliavek na enenlhet'avok nenmangkolha la'a nentaiangkolha nak. Mankaimelhkak angelletsoma vakkahak nema aktalheskama la aktemakha akvetammalhka neliamolhma kakpota angelvetaskeske ketlhengkap, nlho ka la mo'ok iokhalhma nenmak'akha la angenmangkok, mankaimelhkak angelletsoma vakkahak anak nema aktalheskama ngkanek hengeliekpelkavek enenlhet'avok ma'a.

2 Corintios 10:18

Koka akhemo m'a angelalhkok enganko'ok engankavek, ntasek koka Apveske nak nkalhkok apvalhok aniem'o nenmakmesaikama m'a.

2 Corintios 12:11

Astek ko malha la anema aniem'o anmalhko evalhok ehenkok ehenke, have nhan asto neten ehenke, ketlhengkap koka nkelleniemai'ak mankollekkasekama apvalho'ok hellanhoho, ka nkeniemai'ak na nkalhkok evalhok ehenkok ehenkek aniem'o asmakmekama apieseksek anak ketlhengkap. Snavek na ko'o m'a nema allapaskamo lhta apkellelto lhta neten apankavek apkenmakmeiangka lhta nhan apieseksek anak ketlhengkap.

2 Corintios 10:12

Moklhem'a ketlhengkap apkelietkesakpek po'ok melhnemo, apketlhenkek na aptangko neten apankavek, koka malha metka apqatko'ok la ketlhengkap ma'a, ennengko'o koka manghengeliaqvakmok antangkok ma'a.

2 Corintios 10:8

Ka nkanek smak'ak atnek mokhom allanak ketlhengkap, Eniapom Neten hengellangkek nelientalhnemo kakpota angeleltennasangkok ketlhengkap etnangkok na m'a, have niapak ankek ma'a, askeliatema metka askammalhko, metka nhan asmangkaktema. Mankonmahai'ak na annaqtevaksek ketlhengkap, vanlha koka nengeleltemavek angeltakmelkeskesek apkellaniemhaikamaha.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

2 Corintios 10:7

Moklhem'a lhna mota ketlhengkap apketlheianme mota have niapak apkelpasmekha Cristo, ennengko'o nhan nelpasmekha m'a, iokhalhmek ma'a, nkotlheianvakho ta mota apvalho'ok ma'a.

Filipenses 1:26

Aniantak hata mokhom ham apieseksek anak ketlhengkap, nkolpaihekhak hata apvalho'ok helvet'o ta aptemakha Cristo hepasmoma m'a.