2 Corintios 4:9 - Nuevo Testamento Toba Maskoy

⁹ Hengelmenlhenama nhan kakpota hennaqtevaksek ma'a, neliave koka nnengke mota hentaiangko netlhelhma'ak ma'a, niekhe malha nelpelapeiam aniem'o enenlhet hengeliengama, man koka hennaqtevaskamak ma'a.

2 Corintios 4:9 Referans Kwoze

Hebreos 13:5

Meliaspamo nke mota apkankesaikamok nkeskama qaselha apanko'ok. Kolpaihekha toka mota apvalho'ok aknangkolha la'a qaselha apankok ngkanek lhna aptemak Eniapom Neten hengke'e: «Moieniekhek hata lheiap, molvataksek hata nhan askelanekama», lhna aptemak.

2 Corintios 7:6

Eniapom Neten koka apto hengiatekho niapom, apkapaskama Tito hengke'e kakpota antangkok netlhelhma'ak hengeliatekhok nahan.

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Romanos 8:35

Mamma qaselha akmovana hengiengiavkesek nengasekhai'o Cristo, niekhe nellengaiangko akientalhnema, niekhe akmaska, nema henmenlhenaikama, mek, metka netsekama, qaselha nengai'a, neletsepma aniem'o pelettav akvenaktema, mamma qaselha nak ma'a akmovana hengiengievkesek nengasekhai'o Cristo.

2 Timoteo 3:12

Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús,