2 Corintios 4:8 - Nuevo Testamento Toba Maskoy

⁸ Niekhe akietnema ngkeskama akientalhnema, nietne koka nhan alel·halhnekama engelvalho'ok kakpota angenmaskeksek hata m'a, niekhe nhan akietnema altaikama engelvalho'ok, man koka hengelastengak ma'a.

2 Corintios 4:8 Referans Kwoze

2 Corintios 12:10

Avanhek na akpaihekha evalhok neksa moiennaktema la'a, neksa aimommalhka nhan qaselhaha, nema heiaqmasekama, neksa akvai'a akientalhnema aniem'o enenlhet apkenmahai'a henaqtevaksek aniem'o nhan moi'askeiam Cristo. Neksa moiennaktema apankek la'a, malha asiennaktema pankek ntakhak ma'a.

2 Corintios 7:5

Avanhe lhta nellengaiangko ampo'o lhta nelvai'o nak hengke'e Macedonia, ma lhta angeliamposammalhka, nellammelhke lhta qaselha akmahai'a hennaqtevaksek ma'a kanhan ai'a engelvalho'ok.

Juan 14:18

Molienievhek hata ketlhengkap have malha akto nak apkelieihekama nak, avatamok hato ka mokhom kakpota alhohok lheme ketlhengkap.

1 Corintios 10:13

Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

2 Corintios 6:12

Montangkok malha nellapekha la engvalho'ok napaqtavek ketlhengkap. Ketlhengkap koka apkellapakhak apvalho'ok nengaqtavek ennengko'o.

Galatas 4:20

Avanhe skeltemo mota alhek niekhe ham kakpota alpaqmetkesama metka askeliennai'oho, niemaskangkek koka evalhok aslengai'o ania'a apkeltemakha ketlhengkap.