2 Corintios 4:2 - Nuevo Testamento Toba Maskoy

² Man na angellanengkok qaselha la nelielhaskeskamo henmankaskama nak, man na nteniangkok na neliennengkeskama la'a, mangeliaqmongkasekhak na mo'ok aktemakha ania'a aktaqmanma nak netlheianma hengellaikamo lhta nhan Eniapom Neten ma'a. Apiavek koka nhan Eniapom Neten akto netlheianma iokhalhmek, apkeliavek na enenlhet'avok ka ngkeniemai'ak manghengeliaskamek ma'a.

2 Corintios 4:2 Referans Kwoze

2 Corintios 2:17

Moklhem'a enenlhet apkeleltennama ania'a aktaqmanma apkeleltema nkoltaqmelkeskesek apkellangiemhaikama apanko'ok apankavek, ennengko'o koka mantangkok ma'a. Eniapom Neten hengellapaskama, apiavek nahan metka nenteniaikamok enganko'ok engankavek qaselha altakmelkeskama la nellaniemhaikama, netlhenke mota qaselha have niapak ankek aniem'o nelpasmekha mota Cristo.

2 Corintios 5:11

Neliavek ennengko'o ntasek angellaho mota Apveske, angelienlhanmangkok na nellannengvaiam enenlhet'avok kakpota meliaskamek ma'a. Apiavek Eniapom Neten iokhalhmek netlheianma ennengko'o, askeltave niekhe nhan eliohok ketlhengkap.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

Efesios 5:12

Apkellaneiangkek ma'a qaselha apkelielhammakpo, avanhek henmankaskama m'a nenlheno la m'a.

2 Corintios 7:14

Askeltennaske lhta ko'o Tito akhaikama ko evalhok ketlhengkap, neksa apvekha lhna lhta nhan Tito ham apkelvetangvektamo lhna lhta have niapak ankek lhamakho aktemakha astakha lhta askeltennasekama ania'a asketlheianma ketlhengkap apkelvesai'a ham.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Efesios 4:14

Nkomaskok ma'a nentangko malha nematka nak mankoliennaktema apvalho'ok kolhvavek anke nak akiaqmoiekha mo'ok alketamekama apvalho'ok. Kolhvavek ankek na eiaqmonkasangkok mo'ok nematlhekmoskama ngkolatsekama apketsokmo la enenlhet apkenmopvanka'a nak heniennengkesek, koka malha al·hanemmalhka m'a.

2 Corintios 11:6

Niekhe moliatekama aktaqmanma ko'o, nietnek koka asiangveiakmo akiokho nkoie, apkeliavek ketlhengkap helvetai'ak na askelanei'o lhamakho qaselha

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

Romanos 6:21

¿Nkeltaqmelkeskeskangke nlho lhta apkellangiemhaikama ketlhengkap aniem'o apkellanekamok qaselha henmankaskama nak, he? Ma, vanlha lhtoka akmahai'o nkonnapok, nkolienievkesek na Eniapom Neten.

2 Corintios 6:8

Moklhem'a aknem hengeleliahakhave lhta mota, hengeltaqmelkaske lhta nhan, mo'ok aknem alhto ka hengeltaqnevak ma'a, hennaqtevaske lhta nhan ma'a, hengelleltaiangko lhta nhan nenmopvanka'a ania'a, koka iokhalhme mota netlheianma ennengko'o.