2 Corintios 4:1 - Nuevo Testamento Toba Maskoy

¹ Eniapom Neten apto apiamolhma hengellanei'o ennengko'o, hengellaiangko nhan nenmakmekama nenlheianma ania'a aktaqmanma. Ka nkeniemai'ak mamma nhan manghengeliaqvaiam la angelpaiaksek ania'a aktaqmanma.

2 Corintios 4:1 Referans Kwoze

2 Tesalonicenses 3:13

Koka ketlhengkap engelialheng'a nengeleltavek ellanangko mota qaselha altaqmelo.

Galatas 6:9

Ka ngkanek na ketlhengkap mel·halhiengvomek apkellanekamok qaselha altaqmelo netamen hata m'a akieto la aktaqmelakha aknem avanhek hata ngkotnek apnaklhekamok akielhna altakmanma metko la alvannammalhka apvalho'ok.

Efesios 3:13

Ka nkanek ntasek mankollaiosek apvalho'ok ketlhengkap aniem'o apkellengai'a aslengaiangko akientalhnema henke'e, aslengangkek ko aniem'o asmahai'a alpasmok ketlhengkap, koka ntasek malha alammalhko apvalho'ok hellanghok ketlhengkap ham.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

2 Corintios 4:16

Niekhe akmaskema neliennaktema neliokha nak, koka mankolhnankok anmaiosak'a engvalho'ok anak, ngkanek neliavek engelvalho'ok anak nkanantangkek na lhamakho aknem aliennaktema.

Apocalipsis 2:3

Metka lhta nhan apekheskama lheiap ka nhan apvaskapma neksa akientalhnema aniem'o heiasennaikama, ma lhtoka heiamasangvakmok heieplekama m'a.

Hebreos 12:3

Hai, kolketamama ta apvalho'ok ketlhengkap aptemakha Jesús aplengaiangko akientalhnema aniem'o apkammelhma enenlhet'avok apkellanekamok ngkollatsekama. Nkolvakho ta mota apaqto'ok ketlhengkap ma'a kakpota mankovhek ma'a mankoliakvaiam akvakmo aptangkokho meliennaktema,

2 Corintios 3:6

Hengellangke lhta nhan Eniapom Neten nenmopvanka'a angelpaiaksek hata ania'a aktemakha alhnankok annemo mo'ok apvalho'ok apkenmahai'akha etnangkok ma'a aniem'o nhan Espíritu apto nhan hengaikamok akiennaktema enneniek, koka have aniem'o m'a ley henlheianma nak ammatong hata.

1 Pedro 2:10

Lhennenga lhta ketlhengkap have lhta apkennemolhema Eniapom Neten, koka kolhvave nak aptangkek apkennemolhema m'a, ma lhta nhan elietnai'ok napaqta'a ketlhengkap ma'a, kolhva koka apkelietnai'avek napaqta'a ketlhengkap ma'a.

1 Timoteo 1:13

Niekhe lhennenga astaqnongkongke lhta apvesai'a m'a, asmenlhenaiangka lhta, askeltaknongkomo lhta nhan apkellelto apkellasennaikama apankok ma'a. Koka apiose lhta helanei'o Eniapom Neten ngkanek ma lhta nkoietnemak moi'askeiam anak, ma lhta nhan aihamok nkoietemo astemakha m'a.

2 Corintios 5:18

aniem'o Eniapom Neten, apkapaskamo nhan apketka kakpota ellasekhaskesekhok mokhom ma'a. Netamen na hengellapaskama ennengko'o kakpota angellasekhaskesekhok enenlhet'avok kanhan Eniapom Neten.

2 Corintios 3:12

Ka nkanek alel·halhnekama engelvalho'ok angelvetak hata aktaqmanma, angetlhenek na qaselha nak metka nellai'a napaqtavek ketlhengkap ham.

1 Corintios 7:25

Manheiangkok henganemakha apankok Eniapom Neten ngkelvana'ak metka nak anakteiangka, koka evankek aleltennasangkok ehenkok ehenke, ntasek hellailhoho nkanek asiamolhma ko'o aniem'o apietnai'o neha'at Eniapom Neten.

Lucas 18:1

Apketlhekmoskangkek nak Jesús apkeltamesaikamok aktemakha mota nenmalhnongkoma metka nenhalhemmalhka, lhna aptema Jesús lhema apietkeskama:

1 Corintios 3:5

Koka Apolos kanhan ko'o Pablo nengelelto vanlha mota hengellasennaikama Eniapom Neten kakpota angetlhekmosangkok ketlhengkap meliaskamek Cristo. Moklhem'a lhta ennengko'o nellan'ak nenmakmekama apkeltakha la Apveske engankok.