2 Corintios 3:2 - Nuevo Testamento Toba Maskoy

² Ketlhengkap na apkellelto malha vakkahak nema aktalheskama aklheianma neliamolhma, neksa apkelvetai'a enenlhet'avok apkeltemakha apkeltakmelkasemmakpo ketlhengkap, nkotlhenek na apvalho'ok ennengko'o aktaqmanma nenmakmekama m'a.

2 Corintios 3:2 Referans Kwoze

1 Tesalonicenses 1:8

Apkelpaieske lhta nhan ania'a aktaqmanma ketlhengkap ma'a akieto Macedonia kanhan Acaya, lhamakho aiempek nnek alioho ketlhengkap akietnema meliaskeiam Eniapom Neten, mangkaimelhkak ennengko'o angetlhenama apkelvesai'a ketlhengkap ma'a.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Romanos 1:8

Gracias ko stak Eniapom Neten aniem'o Jesucristo ngkanek apketlhenammakpe lhma nkek ham meliaskeiakmo ketlhengkap Jesucristo.

2 Corintios 12:15

Nnavek na ko'o ntasek ankek aietepok lhamakho qaselha ehenkok anak kakpota nkoltaqmelkeskesek apkellangiemhaikama ketlhengkap, ntasek na nkovaiventak asmakmose aniem'o hellasennaikama ketlhengkap. Niekhe akvanekamok askellasekhai'o ketlhengkap, aselhtek koka nhan hellasekhai'o ketlhengkap.

2 Corintios 11:11

Nkotlhenek hatelha apvalho'ok ketlhengkap mollasekhai'o ngkanek molelmalhnekama qaselha alaimommalhkelha la ko'o, koka apiavek Eniapom Neten avanhek askellasekhai'o ketlhengkap.

2 Corintios 7:3

Momak'ak ko atlhenek apketselhnanemmap ketlhengkap, nkaqhok koka m'a nellamelakmek akno la mo'ok engelvalho'ok atlheianma, nlho ka la nkolhnemo mo'ok engelvalho'ok.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

2 Corintios 3:1

Nentangkolha lhta ennengko'o netlhenammalhko engankavek nengeliamolhma, man koka nkomahai'ak angetlhenalhkok enganko'ok engankavek ma'a, apkeliavek na enenlhet'avok nenmangkolha la'a nentaiangkolha nak. Mankaimelhkak angelletsoma vakkahak nema aktalheskama la aktemakha akvetammalhka neliamolhma kakpota angelvetaskeske ketlhengkap, nlho ka la mo'ok iokhalhma nenmak'akha la angenmangkok, mankaimelhkak angelletsoma vakkahak anak nema aktalheskama ngkanek hengeliekpelkavek enenlhet'avok ma'a.