2 Corintios 13:10 - Nuevo Testamento Toba Maskoy

¹⁰ Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 13:10 Referans Kwoze

2 Corintios 10:8

Ka nkanek smak'ak atnek mokhom allanak ketlhengkap, Eniapom Neten hengellangkek nelientalhnemo kakpota angeleltennasangkok ketlhengkap etnangkok na m'a, have niapak ankek ma'a, askeliatema metka askammalhko, metka nhan asmangkaktema. Mankonmahai'ak na annaqtevaksek ketlhengkap, vanlha koka nengeleltemavek angeltakmelkeskesek apkellaniemhaikamaha.

2 Corintios 2:3

Vanlha lhta askellapaskaso vakkahak alhta ham astalheskama kakpota mellaioseskasek evalhok asvaktamo la ham. Ntasek koka elpaiesekha mota evalhok ketlhengkap, asiavek na ko'o alpaihekho mota apvalho'ok ketlhengkap helvet'o la akpaihekha evalhok asvaktamo la ko'o ham.

Tito 1:13

Have niapak ankek ma'a aktemakha aplheianma m'a, ka ngkanek ntasek eliennahok lheiap aplhamakho apkellelto la apkelvanengvaiam ma'a kakpota eltaqmelkasekhok aptaikamok meliaskeiam ma'a,

2 Corintios 13:8

Mankonmahai'ak angellammelhek akto have niapak anke nak, nenmak'ak koka mota angellasekhok ma'a.

1 Corintios 4:21

¿Ko la apkeleltakha atnek asvaktamo ta ham apieseksek anak ketlhengkap, he. Aliamenvata, nlho ka allasekho kanhan nalhepek evalhok, he?

2 Corintios 13:2

Askeleltennaske lhta sekhe lhta astaiento lhta amaika'a ham aktemo hanet asvekta ham, atnek hata akiennaktema aspaioma askellanei'o apkellelto apkellanekamok anak ngkollatsekama, alhenekhok hata mokhom kolhvave nak, atnek hata askeliennai'o askellanei'o asto ta amaika'a mokhom ham.

1 Corintios 5:4

Neksa apkaknekha ta mokhom ketlhengkap ham akieplomo apvesai'a Apveske engankok Jesucristo, malha aknema ta nhan ngkotnek evalhok ko ham kakpota nhan apmopvana Jesucristo apveske engankok.

2 Corintios 6:6

Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

2 Corintios 10:4

Apkenmak'a mota elammelhek akientalhnema akieplomo apkeliennaktema apanko'ok apankavek, ennengko'o koka nelammelhkek akientalhnema akieplomo apmopvana Eniapom Neten, apmopvana enaqtevaskesek na aliennaktema kasekapok av'alho'ok.