2 Corintios 12:7 - Nuevo Testamento Toba Maskoy

⁷ Akvai'o lhta mota nhan apaskama Satanas kakpota hetvaksek ko'o, malha helielhaqlhema lhta mota ntemak ketama eiempehek kakpota mankovhek askammalhko aniem'o asvetai'a akvetai'a ehaqtek.

2 Corintios 12:7 Referans Kwoze

Galatas 4:13

sekha asvaiam alhta ham asketlhekmoskama ania'a aktaqmanma, nientelhe kanke lhta nemmaskema heiaqhema, lhta ngkanek alhnakhak iama akvangkakho ham.

1 Corintios 5:5

Ellamok hata enenlhet anak Satanas kakpota nkotvaksek apiokha nak, koka vanlha ta nkovongkasalhkak tep aphangok apvaktamo ta Apveske engankok Jesús.

1 Timoteo 3:6

Mankapvankek etnek metno apketkok aptema la kolhva mei'askeiam ngkanek mongkek kelha eniakpoho, netamen ngkolhek hata aktevaso m'a ka aktemo lhnak nanek aveske keliaqhameio'.

2 Corintios 11:20

Kanhan apkelvaskapak enenlhet'avok anak apkeliateiangko nak ellasennama m'a, apkelianmongkeskangkek na ketsek kianmoma ngkeskama koka apkenmakmekamaha, apkeliennengkeskangkek nahan, koneng na apkeltemeskeskamak, apkeltekpoikama nhan napaqta'a, koka apkellaiangkavek ketlhengkap ma'a.

1 Corintios 4:11

Ampai'o sekhe lhta akvakmo nenvanlha nak hengennapma mek, aknem hengennapma, metka nelentalhnema, avanhek na hennaqtevaskamo enenlhet'avok, metka nengaqhaiangkolha nhan.

2 Corintios 10:5

Apmopvana nhan enaqtevaskesek akpaivoma akmovana ania'a akmahai'a la nkoiennenkesek enenlhet, apmopvana nhan enaqtevaskesek apkelammakpo apankavek enenlhet'avok apkeliasekamo na lhma enenlhet apkenmahai'a nak eliekpelkok Eniapom Neten. Apvankek na eliaqmongkaskesekhak alketamekama apvalho'ok apkellammelhma la Cristo, eltemeskasekhak atlhenaikama apvalho'ok eleliehekhok Cristo m'a.

Lucas 13:16

Ko'o nhan nkaimelhkak alekkesek akmaska aiempek ngkelvana nak aptaven neptamen Abraham, 18 iantelhkapa ntemak malha aktetema Satanas, ntasek astaqmelkasakho aknem sabado nennekhelha nak —lhna aptemak Jesús apkellanemo m'a.

2 Corintios 10:10

Moklhem'a lhna mota hetlheianmak aliennai'o astalheskama, akiennaktema nhan, lhnoka napaqtavek la'a moiennaktema lhnak, moientalhnemo lhnak na.

2 Corintios 12:1

Akhemo alhenalhkok ehenkok ehenkek ko'o, nkaqhok koka aleltennaksek hata aktemakha lhta akvetai'a ehaqtek qaselha akielhammalhka nhan aniem'o Apveske.