2 Corintios 11:2 - Nuevo Testamento Toba Maskoy

² Have astema ehenkek askeliatekama nak, Eniapom Neten koka heiaikamok akiavai'a nkek askenmasmo mota altakmelkesek ketlhengkap kakpota meltemengvakhe lhma apankavek ham kakpota elpasmekhak na Cristo, malha kto nak ngkelvana atkok la metka nema akmangveiam alienlhaneiakmo nak akvakmo aliemhapo atava la aktema.

2 Corintios 11:2 Referans Kwoze

Juan 3:29

Neksa aktaqmelaikama lhma aliemhapma la'a, neten ankek apiaspommap apokkenammap anak aliemhapma, nkoliemhapok apmahai'akha. Apketsevasavek na m'a apto aptaiangkolha la aplhelhma nengaqte, mpaihakhek na apvalhok apleng'o apkeltennaikama m'a. Nnavek na ko'o lha, mpaihakhavek ankek evalhok kolhvave nak,

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

Filipenses 1:8

Apiavek koka Eniapom Neten avanhek heliepvaiam asmahai'a alvetekhak ketlhengkap ham aniem'o akiavai'a askellamelaiam aniem'o nhan Cristo Jesús.

Romanos 7:4

Nnavek na ketlhengkap ma'a elialheng'a, mamma akmovana ley takhaplhet'ok ngkanek malha apkeletsepmo lheme lhta Cristo, apto nhan nema aklhatekhaskeiam apieseksek apkenmaskengvaiakmo. Kolhva koka aptangkokhak apkelpasmekhak Cristo, apvanka'ak na ellanangkok qaselha akleklemelha la apvalhok Eniapom Neten.

2 Corintios 4:14

Neliavek na ennengko'o m'a apto aplhatekhaskeiam neksa apketsepma Jesús, hata nha ngkotnek ennengko'o m'a annaklhatekhangvomok hata m'a, ketlhengkap nahan, netamen angelvakhak hata nhan napaqtek ma'a.

1 Corintios 4:15

Tokha m'a mantek apkellelto apketlhekmosekamok apanko'ok ketlhengkap ham, koka ko'o malha lhema asto apiapma'ak apankavek, alheianvai'a lhta ania'a aktaqmanma apieseksek anak ham, ka aptaiangko lhta nhan apkennemolhema apankave nak Cristo,

Galatas 4:11

¡Ntaikama evalhok malha aqhemo ntemak akientalhnema alhta asketlhekmosekamok ham!

1 Tesalonicenses 2:11

Apkelvetai'a lhta nhan neliatekho ketlhengkap kanhan nelpaieskaiakmo apvalho'ok moklhem'a ketlhengkap malha apto nak lhema apiapom nematka aptaqmelkeskaiam la apvalhok apketka, nengeleltennaso lhta nhan etnangkok aptaiangkolha apkelpeivomo ngkanek apkellelto apkennemolhema Eniapom Neten, apto lhta nhan apkellavekama kakpota eltemengvomok ma'a apkelveskaie' kakpota nhan apkelientalhnemo.

Apocalipsis 14:4

Apkellelto lhta nhan metka apkelpaisengkeskama apkeliokha menmangveiam na ngkelvana, metka nhan apkellanei'o ngkelvana. Vanlha lhta mota apkelieplekama Nepkesek Apketkok apmangkolha la'a. Apkellelto lhta nhan nema alvongkeskama tep apieseksek enenlhet'avok kakpota nhan malha apkenmesemmakpo apankavek apkeliokho Eniapom Neten kakpota nhan Nepkesek Apketkok. Malha kto nak qaselha nenmeskama amanie nak nenvetai'a nentoskama kanhan akielhna.