2 Corintios 1:24 - Nuevo Testamento Toba Maskoy

²⁴ Mankonmahai'ak ennengko'o antangkok malha apkelveskai'e la'a angellelpalhengkasama kakpota etnangkok meliaskeiam ketlhengkap, vanlha koka nengeleltavek angelpasmok kakpota nkolpaihekhak apvalho'ok ketlhengkap ham nkanek melleihaie' aniem'o meliaskeiam.

2 Corintios 1:24 Referans Kwoze

1 Pedro 5:3

Metnamo nkek na ellanhok aptemakha nak apveske apkellaikamo nak akientalhnema nke apkenmakmekama enenlhet, elvetaskesakpo ta nhan apankavek aptaikamok apkeltakmelkasemmakpo napaqtavek ma'a.

1 Corintios 15:1

Ketlhengkap elialheng'a askeltavek ko atlhenkeskakhok apvalho'ok aktemakha lhta askeltennaikama ania'a aktaqmanma apieseksek ketlhengkap ham, apkenmaiangke lhta takha, nkoihek na aptaikamok meliaskeiam akvakmo nenvanlha nak.

2 Corintios 5:7

Mongapvankek angvetak ma'a, koka mongeliaskeiam anak hengellangkek neliennaktema kakpota angelloka mota,

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Romanos 11:20

¡Koka ellaho ta ketlhengkap ma'a! Apkeliaqtemenammakpe lhta malha aktengok alhta lhennenga aniem'o aliaskeiam, ka akno aliepetkeskakmo nhan ketlhengkap ma'a aniemai'o nhan meliaskeiam. Koka apkelakpo la ketlhengkap,

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

1 Corintios 3:5

Koka Apolos kanhan ko'o Pablo nengelelto vanlha mota hengellasennaikama Eniapom Neten kakpota angetlhekmosangkok ketlhengkap meliaskamek Cristo. Moklhem'a lhta ennengko'o nellan'ak nenmakmekama apkeltakha la Apveske engankok.

Romanos 1:12

Hata asvaktamo ta ham, angeliatalhkak hata aniem'o mongeliaskeiam anak.

2 Corintios 11:20

Kanhan apkelvaskapak enenlhet'avok anak apkeliateiangko nak ellasennama m'a, apkelianmongkeskangkek na ketsek kianmoma ngkeskama koka apkenmakmekamaha, apkeliennengkeskangkek nahan, koneng na apkeltemeskeskamak, apkeltekpoikama nhan napaqta'a, koka apkellaiangkavek ketlhengkap ma'a.