1 Timoteo 6:18 - Nuevo Testamento Toba Maskoy

¹⁸ Elelto nhan ellanangkok qaselha altaqmelo m'a, nkeskama nhan qaselha altaqmelo, ellamok hata nhan po'ok qaselha metka apkenmasma.

1 Timoteo 6:18 Referans Kwoze

Hebreos 13:16

Melvatesamo nkek na apkellanekamo mota qaselha altaqmelo, apkelpasmoma nhan po'ok, ngkanek qaselha nak ma'a akleklemelha apvalhok Eniapom Neten, malha nengaqhema la nentoskama nengaikamok anak ma'a.

1 Juan 3:17

Lhema enenlhet la nema apketsekama etak enialheng aimommalhka la nema akpasmoma, man koka epasmak ma'a aniem'o anmasmo qaselha apvalhok, mankoietnak na songkek nengasekhai'o nak aniem'o Eniapom Neten.

Romanos 12:8

Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.

Tito 3:8

Hai', have niapak ankek astemakha na mota asketlhekmoskamo lheiap, eltakhengveskakha ta mota m'a napaqtavek aplhamakho Jesucristo apkennemolhema kakpota eteniangko mota ellanangkok qaselha altaqmelo m'a. Hai', ntasek ma'a hengetlhekmoskama nak, avankek nkolpasmok aplhamakho enenlhet'avok.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Lucas 12:21

Hata ngkotnek ma'a enenlhet apkankesaikamo mota apketsekama qaselha apanko'ok, koka m'a mamma nkek apketsekama napaqtek Eniapom Neten.

Galatas 6:10

Etnamo ta alietakho la mota ellanangkok qaselha altaqmelo aplhamakho pankek enenlhet, koka nhan tep ankek alietemo m'a apkellelto nak apkelialheng'a aknaikamok anak meliaskeiam.

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

2 Corintios 8:9

Apkeliavek na ketlhengkap aptemakha lhta Cristo, malha aknema apketsekama lhta m'a, koka aptemongvai'ak hengke'e metka apketsekama aniem'o apkellamelaiam ketlhengkap, kakpota eltemeskeskak na ketlhengkap malha nema apkelletsekama la'a.

2 Corintios 8:12

Ka apkellangko la patakkom akieplomo alleklemo apvalho'ok, niekhe ketsek la'a, nlho ka la nhan akiavai'a patakkom aknangkolha la'a, nkollekkasama ta nhan apvalhok Eniapom Neten ma'a.

1 Corintios 16:2

Lhamakho ampakhasekha aknem semana ta eltaqmelkeskasangkok nekha atkok patakkom akianmoma la apkenmakmekama aktakha la akianmoma kakpota mankaimalhkek ellankesokhak asvakho ta ko ham.

3 Juan 1:11

Lheiap eialheng askasekhai'o, meieplavkesankek lheiap aptaiangkolha nak meliamolhma, ntasek koka eieplavkesek ma'a aptaiangkolha nak enenlhet apkeliamolhma nak. Enenlhet apkelan'o la qaselha aktaqmelo, koka apto apasmekha Eniapom Neten ma'a. Koka enenlhet apkelan'o la qaselha ngkolatsekama, metak Eniapom Neten.

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

1 Pedro 3:11

Eieniekhak na qaselha ngkolatsekama, elanak na qaselha altaqmelo, etenia mota nhan metka akmaska.

Hechos 11:29

Netamen nema altamesaikamok akieto Antioquia atlheianvekho lhnak apvalho'ok moklhem'a apkelleltakha la elpasmok kakpota ellapaskesek alpasmoma apkelialheng'a ko Judea.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Lucas 3:11

Ka apkellatemmoiangka lhnak mokhom Juan, lhna aptemak: —Apietnek hata nkek apqanet apkelaqlammap ketlhengkap, eniamok hata lhema po'ok metka la apkaqlammap. Nietnek hata nkek aptekamok ketlhengkap, eniamok hata nhan po'ok metko la aptoma —lhna aptemak apkellatemmoiangka Juan ma'a.

Efesios 4:28

Enenlhet apto apmenielhma la'a, ¡elvates! Emakmama koka akieplomo aptaqmelkasemmakpo kakpota ngkoitek patakkom apankok, epasmok na alaimelhkelha la'a enenlhet anak metka apkeletsekama.