1 Timoteo 6:11 - Nuevo Testamento Toba Maskoy

¹¹ Koka lheiap apto Eniapom Neten apkasennaikama, enieniamo ta kakpota mankomama m'a qaselha ngkolatsekama nak, elana toka akpeivomo, qaselha aktaqmelo, koietna mei'askeiam, nengasekhai'o emmo'ok, eliephekho ta apvaskapma neksa aplengaiangko akientalhnema, etne ta nhan nalhepek anko ie napaqtavek enenlhet'avok.

1 Timoteo 6:11 Referans Kwoze

2 Timoteo 2:22

Koka enienieta lheiap neksa akvai'a apvalhok atsepma apneniek aniem'o apketkok, etenia toka mota akpeivomo qaselhaha, mangiaskeiam anak, nengasekhai'o nhan. Etne ta nhan metka akmaska apkelpasmakho la aplhamakho apkellelto nak apkellasennaikama Apveske akieplomo nhan alalhnai'o apvalho'ok.

2 Timoteo 3:17

kakpota nhan aplhamakho Eniapom Neten apkennemolhema la'a nkoliangveskeskamhok, nkolpenaksek aliangveskeskaiakmo enenlhet'avok kakpota ellanangkok lhamakho aktemakha qaselha altaqmelo.

1 Timoteo 4:12

Meniangko nkek na ngkolhek aktemeskesantamo koneng lheiap aniem'o apketkok mokhom lheiap, eliatama toka akietemo nkek aplheianma, eltaqmelkasakpo ta nhan, elto ta nhan nkalhnok apvalhok anak, koiet hata nhan mei'askeiam kanhan apkasekhai'o po'ok kakpota aplhamakho enenlhet'avok elvanangkok aptemakha lheiap.

Hebreos 12:14

Ellasekhakpo mota aplhamakho, ellanamok hata nha mota qaselha altaqmelo ngkanek vanlha apkellelto la apkeliamolhma apankave nak apvanka'ak hata m'a elvetangvomok Apveske.

1 Corintios 10:14

Ka nkanek ma'a elialheng'a askellamelaiam, ntasek enieniangkok ma'a naqtek qaselha akiokha alanemmalhka.

1 Pedro 3:11

Eieniekhak na qaselha ngkolatsekama, elanak na qaselha altaqmelo, etenia mota nhan metka akmaska.

1 Corintios 6:18

Enieniamo ta m'a naqtek nelanaktema nak, ngkanek apnaqtevaskama apankek apkeliokha aniem'o m'a, mangkolhnok aklhamakha nak ngkollatsekama apkellanekamok mankonaqtevaskasak apkeliokha nak ma'a.

1 Timoteo 5:10

kanhan apketlheianma la enenlhet alanai'a qaselha altaqmelo, ka kto nak altakmelkeskama la atkak, kanhan aktaqmanma mota anmaikamok takha amaika'a, alienieskeskama nhan apmanko'ok apkellelto nak apkelpokkenammap, alpasmoma mota apkellengaiangko akientalhnema, allelto lhta nhan allanekamok lhamakho aktemakha qaselha altaqmelo.

1 Corintios 14:1

Ketlhengkap elialheng'a, elienlhanmamok hata apkellasekhai'o po'ok, elienlhanmamok hata nhan nenmopvanka'a nak aniem'o Eniapom Neten, koka akto nhan neten ankek akiaspommalhka m'a nenlheianma ania'a aniem'o Eniapom Neten.

Romanos 14:19

Hai', angellanangkok hata lhamakho nke nak kakpota nkovak altaqmelaikama engelvalho'ok kakpota nkovanamok lhemek aliennaktema engelvalho'ok aniem'o nelpasmommalhko.

1 Timoteo 6:20

Lheiap Timoteo, etaqmelkes hata nema aikamok anak apmakmekama, mepasengvoma nkek na ngkolatsekama la apkelpakmetkesammap, meniailhengvomho nhan mankoietemo nak apketlhekmosekamok apkeleltaiangko nak akvesai'a Nenianveiakmo akto Have niapak ankek ma'a,

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.

2 Timoteo 2:21

Ka apmak'o la etnek lheiap malha nema anmaikama aktaqmelo qaselha nak, aktaqmanma nkek, apokkanma koka Apveske m'a kakpota nkolanak altaqmelo qaselha m'a, mevhanengvom na ngkolatsekama nak hengetlhekmoskama ngkanek nkopaisengkese ta apvalhok lheiap ma'a.

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.