1 Timoteo 5:21 - Nuevo Testamento Toba Maskoy

²¹ Askeltave etnek lheiap napaqtek Eniapom Neten, Jesucristo, kanhan ángeles apkeliekieskama, eliehekhok henganemakha astakha lhkek askano, etne apeivomo napaqtavek aplhamakho enenlhet'avok, etne ta nhan apneskamo mo'ok apkellanei'o po'ok.

1 Timoteo 5:21 Referans Kwoze

2 Pedro 2:4

Mang nak nanek enmekhok takha Eniapom Neten ángeles apkellanekamok ngkollatsekama, apkelhakhangveiakmo m'a akieto nkospanei'akha talha, apnaktangveiakmo nhan lhema av'alhok ienaqtesakha lhma, koka m'a apkelel·halhanmek nkovak aknem aliekpelkammalhkelha ta nentaiangkolha.

2 Timoteo 4:1

Askeltavek ko etnek lheiap napaqtek Eniapom Neten kanhan Cristo Jesús apto ta nhan apvekta kakpota etnek apveske, eliekpelkok hata nhan aktemakha apkellanekamok aktaqmanma nlho ka la ngkollatsekama apkellelto nak aphalhnanko'ok kakpota nhan apkenmaskengvaiakmo,

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,

Judas 1:6

Apkakhaiangkek nak nanek na ángeles meleliehekho Eniapom Neten, melietemo lhnak nanek apkellanemmakpelha etnangkok ma'a, apkelieniekho lhnak nanek na apkellomakha. Ka ngkanek Eniapom Neten apkelhakhamo lhnak nanek aiseksek ienaqtesakha lhma apnaktamo. Apkakhangkek mokhom ma'a nenvanlha nak akvaiakmo ta nhan aknem akientalhnengvaiam aliekpelkammalhkelha nhan nentaiangkolha.

2 Timoteo 2:14

Etlhenkeskeskakho ta mota apvalho'ok enenlhet'avok lheiap hengke'e hengetlhekmoskama nak, eleltennasamok hata apkellanemakha etnangkok napaqtek Eniapom Neten metka apkellatemommap apieseksek anak ma'a, koka aqhemo m'a, vanlha koka akmovana nkoveskak aknaqtevaskama apkellelto la apkellailhemo.

2 Corintios 5:16

Lhennenga lhta nhan ennengko'o nketlheianmek engelvalho'ok malha aktonak enenlhet apkeliaskeiam anak Cristo, kolhva koka nenvanlha nak mmaskek ma'a, kolhva koka nketlhenkek engelvalho'ok apkeltemakha la antangkok Eniapom Neten.

Apocalipsis 14:10

Koka enenlhet anak ma'a einek hata metka apiekai'a vino aniem'o aploma Eniapom Neten, ka vino nke nak apeneskamo lhta nohaikok aploma m'a, elhkak hata nhan akiaqmoiekha aptemakha akieplomo talha kanhan azufre napaqtavek ángeles apkelpokkenammap kakpota nhan Nepkesek Apketkok.

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

1 Tesalonicenses 5:27

askeltavek ko'o akieplomo asientalhnemo heiaikamok Apveske elietsatangkok vakkahak anak aplhamakho elialheng'a ham.

Lucas 20:21

Lhnak aptaiangkok apkellanemo m'a: —Hengetlhekmoskama, neniavek ennengko'o akto nak iokhalhme apaivoma lheiap mamma apkai'akha, mang na eteniak nkollekkeskasama apvalho'ok po'ok aptakha la aplheianma. Vanlha akietemo nkek apketlhekmoskama henganemakha Eniapom Neten, ka nemmak'o nak angelelmalhnama lheiap,

Lucas 9:26

Koka allennavengko la etlhenek asvesai'a kanhan asketlhekmoskama nak, nkonnevhok hata nhan ma'a Enenlhet Apketka nak etlhenek apkelvesai'a ketlhengkap apvaktamo ta akieplomo lhamakho aktemakha apmopvana aniem'o Apiapom, apketlhelhma'ak hata nhan ángeles apkelpokkenammap.