1 Timoteo 4:13 - Nuevo Testamento Toba Maskoy

¹³ Neksa hel·halhanma ko'o lheiap ham ntasek elietsete mota napaqtavek Jesucristo apkennemolhema Vakkahak Eniapom Neten Apaivoma, eliatekho ta mota nhan ma'a, etlhekmosamo ta nhan.

1 Timoteo 4:13 Referans Kwoze

Hechos 6:4

Angetlhengkesek hato ka mota ennengko'o nelpaqmetkeskama Eniapom Neten, angeltennasangkok na ania'a aplhenammap Jesús —lhnak aptaiangkok ma'a.

Tito 2:15

Hai', ka hengke'e ntase mota etlhekmoksek lheiap. ¡Eliatekhok, ennaves nahan akieplomo apientalhnemo, meniangko nhan lheiap ngkolhek aktemeskesantamo koneng!

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

1 Timoteo 4:6

Timoteo, askeltavek etlhekmoksek lheiap qaselha askeltennaso lhkek aplhamakho engelialheng'a ham, netamen nkovak hata aptema lheiap aptaqmanma apkasennaikama Cristo Jesús, apiennaktema aniem'o apkeliehekho mei'askeiam kanhan aktaqmanma apketlhekmoskama allaikamok malha nentoma al·haivekha apiempek kakpota nkankok apiennaktema.

Hechos 17:11

Apkeltakmelkasemmakpo apankavek nak ma'a judios, havek lhnak aptangko nak judios ko Tesalonica, apkelleltakmelkeskamavek nak apkellailhemo apketlhekmoskama Pablo. Apkelleliaiangka lhnak na Vakkahak Eniapom Neten Apaivoma kakpota elvetak have niapak ankek aptemakha apketlhekmoskama Pablo.

Juan 5:39

Apkeltakmelkasavek niekhe apkelietsatekamok Vakkahak Eniapom Neten Apaivoma ketlhengkap, ngketlheianmek apvalho'ok elvetangvomok hata m'a aliennaktema apnenio'ok mankotnengveianlha nnelha, koka helheianme' ko'o vakkahak anak aktalhesammalhka.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

1 Corintios 14:3

Koka enenlhet apto nak aplheianma ania'a apkaikamok aniem'o m'a Eniapom Neten apkelpaqmeiasma apanke nak, apkeltakmelkeskaskek apkellangiemhaikama m'a, apkeliatakhavek nahan, apkelpaieskeskakmek na apvalho'ok Jesucristo apkennemolhema.

1 Corintios 14:6

Ka kto nak ma'a, asmeianto la ham apieseksek anak asto la amaika'a, akhemo ta ngkotnek aliatama mo'ok nempaivoma melioho ketlhengkap, meliehek hata nhan ania'a akielhammalhka aliatamaha, metlhokiek hata nhan apkeliangveiakmo, meliehek hata nhan ania'a aniem'o Eniapom Neten, meliehek na aktemakha asketlhekmoskama.

Romanos 12:8

Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.

2 Timoteo 3:15

Ampai'o lhta aptemakha nematka apiangveiakmo lheiap ma'a Vakkahak anak aktaqmanma Eniapom Neten Apaivoma, akmovana nhan nkotlhekmoksek lheiap ma'a aktemakha apvongkasemmap tep aniem'o nhan mei'askeiam Cristo Jesús.