1 Timoteo 3:7 - Nuevo Testamento Toba Maskoy

⁷ Ntasek na etnek metno apketkok apkellai'o m'a apieseksek anak metnangko nak Jesucristo apkennemolhema kakpota nhan metlhenek ngkollatsekama aptemakha enenlhet, ngkanek malha apteiam kelha ngkotnek aveske keliaqhameio' al·hanma m'a.

1 Timoteo 3:7 Referans Kwoze

2 Corintios 8:21

Hai, skelienlhanakmavek ko'o mota alanak akpeivomo napaqtek Apveske, napaqtavek na enenlhet'avok.

2 Timoteo 2:26

kakpota nhan ma'a apvanka'ak nkolpaqnemekhak neksa anmama malha al·hanemmalhka la ankok aveske keliaqhameiok aniem'o altemo ellanak akmahai'akha nkek la m'a.

Colosenses 4:5

Etnamok hata nema apkeliamo napaqtavek ma'a enenlhet'avok anak metnangko Jesucristo apkennemolhema, elelientemap neksa aklhengama aknem.

1 Timoteo 6:9

Koka apkellelto la aptengiaikamo mota nkeskama patakkom apanko'ok, nkovak na aklheianma apvalho'ok eltok eniankesangkok qaselha apanko'ok la'a, koka nkovak na aktevasekha nkek ma'a, malha ta nhan ngkotnek anmama al·hanemmalhka m'a nkonnaqtevaksek hata nhan aplhamakho akvakmo apsavhekpo m'a.

1 Tesalonicenses 4:12

kakpota melelmongkalhnamaha! Netamen ellahok hata mota apkellelto nak apkeliaskeiam Eniapom Neten.

2 Corintios 6:3

Mongeltemongvaiakmo lhma ennengko'o neksa nelpaieskama ania'a aktaqmanma kakpota melieniekhek aptaikamok meliaskeiam enenlhet'avok netlhekmosekamok alhta.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.

Hechos 6:3

Ntasek eliekiesangkok apieseksek anak ketlhengkap 7 enenlhet altaqmanma la apkeltemakha, nema la nhan apkeliamo, allaneiangko la nhan apvalho'ok Espíritu Santo kakpota etnangkok apkelhpankesaikamok ma'a.

Tito 2:8

eliatama ta nhan aktaqmanma apaivoma, metka la nenlheianveiam emmo'ok kakpota enmankangvomok ma'a apkellelto la apkenmahai'a elammelhek apketlhekmoskama, mankolhenalhkek hata akvesai'a ngkolatsekama hengetlhekmoskama enganko'ok anak.

Tito 2:5

Nkollavanak na nkotlhenek av'alho'ok amanie anmahai'a la nkollanangkok qaselha m'a, kakpota nhan nkoltaqmelkasok atlhenaikama av'alho'ok, kanhan nkotnangkok aliamo nkoltaqmelkesek akhaiangkolha la'a, aliamolhma, alleliehekho nhan anakteiangka'a la'a kakpota m'a mangkolhek akiematkesangka ania'a aktaqmanma aniem'o Eniapom Neten.

1 Tesalonicenses 5:22

koka eltakneva m'a ngkollatsengka nlho nema atlhekmoskama.

1 Timoteo 5:14

Askeltavek ko'o atko'ok la lhentampak'a nkoliemhapekhak mokhom, nkolvetekhak atkak, nkollavanak na nkoltaqmelkesek nahan, netamen nkotno emmo'ok mankoimatkesama ta m'a lhentampak'a nak,

1 Corintios 5:12

Mankoietok ko'o atlhenek aktaqmanma aptaiangkolha nlho ka la ngkolatsekama enenlhet'avok anak metnangko nak Jesucristo apkennemolhema, Eniapom Neten hato ka etlhenek ma'a. Koka apvanka'ak ketlhengkap etlhenek altaqmanma aptaiangkolha nlho ka la ngkolatsekama Jesucristo apkennemolhema lhemek ham apieseksek anak, ka ngkanek ntasek elentepkesek enenlhet ngkolatsekama nak aptemakha.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Marcos 4:11

Ka apkellatemmoiangka lhnak Jesús, lhna aptemak: —Nnek allangko eliangvomhok ketlhengkap qaselha akielhammalhka aktemakha aptema Apveske Eniapom Neten. Koka enenlhet'avok anak melpalhakvaiam nnek akmangka nema akietkeskama.

3 Juan 1:12

Lhamakho engelialheng'a apketlhengke mota aptemakha Demetrio, apto lhnak apiamolhma m'a, nelvet'ak na ennengko'o aptemakha have niapak ankek ma'a. Ennengko'o nhan netlhenak apto apiamolhma m'a, apiavek na lheiap nenlhenke mota qaselha have niapak anke mota nentangkok.

1 Timoteo 3:6

Mankapvankek etnek metno apketkok aptema la kolhva mei'askeiam ngkanek mongkek kelha eniakpoho, netamen ngkolhek hata aktevaso m'a ka aktemo lhnak nanek aveske keliaqhameio'.