1 Pedro 5:10 - Nuevo Testamento Toba Maskoy

¹⁰ Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Pedro 5:10 Referans Kwoze

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

2 Tesalonicenses 3:3

Eniapom Neten apto have niapak ankek apaivoma, elpasmok hata m'a kakpota nkoliennak meliaskeiam ketlhengkap, enmeivok hata nhan neksa akmahai'a la nkovak ngkolatsekama.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

1 Timoteo 6:12

Ka apvanko koka ennapakpok aniem'o apkenmasmo mei'askeiam anak, meniangko nhan ngkolhek aklekkaso akiennaktema apneniek mangkotnengvaiam annelha, ngkanek lheiap apto apkeliekieskama Eniapom Neten, apkelvetaskaskek na napaqtavek enenlhet'avok akietnema mei'askeiam lheiap.

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

1 Corintios 1:9

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

2 Pedro 1:3

Apmopvana nak Eniapom Neten hengeliekpelkeskaskek apto neten apankek nema apmopvana, elanak na qaselha hempelapkeskama, hengellavema lhta kakpota hengellangkok lhamakho qaselha alaimommalhkelha la'a angellanangkok na aktaqmanma.

1 Pedro 1:15

Apkellavekama lhta Eniapom Neten ketlhengkap kakpota etnangkok apkeliamolhma apankek, ellanangkok qaselha altaqmelo, ka aptemo nak ma'a apiamolhma apankek ma'a.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

2 Tesalonicenses 2:14

Apkellavekama lhta Eniapom Neten aniem'o nhan ania'a aktaqmanma neleltennaskama sekhe lhta kakpota elpasengvomok ma'a apientalhnemo apveske engankok Jesucristo.

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

Romanos 15:5

Askeltavek ko'o Eniapom Neten apto niapom metka nenpekheskama nak kanhan ma'a akpaieskaiam engvalhok, elpasmok ketlhengkap kakpota elloka lhemek annemo mo'ok apvalho'ok, aptemakha lhta mota nhan Cristo Jesús.

1 Juan 2:25

nkolhnangkok hata nhan aliennaktema apnenio'ok mankotnengvaianlha nnelha apeneskamo lhta aplheianma apkeleltennasekamok.

Hebreos 9:15

Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 9:11

Amanie lhnak nanek apkenmahai'a epalemmak m'a, mamma mokhom apkellanekamok qaselha ngkolatsekama, nlho ka la aktaqmanma, koka Eniapom Neten apkeltennaskangkek nak nanek Rebeca apselhiek eniasennama ta metno apketkok. Ka ntemak na aktalhesammalhka Vakkahak Eniapom Neten apaivoma: «Avanhe skamelaiam Jacob aselhtek Esaú», lhna aptemak Eniapom Neten. Apvankek Eniapom Neten apmak'akha la eliekiaqsek enenlhet, nkaqhok meliamolhma la'a nlho ka la apiamolhma kakpota emakmesama apmak'akha la enmeksek apkellanei'oho.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

Romanos 9:24

Koka ietangvalhva nak ennengko'o niekhe m'a nengelelto judios kakpota nhan metnangko nak judios nenlhamakho nengelelto hengellavekama Eniapom Neten.

1 Corintios 1:10

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

1 Pedro 4:10

Apkellangkek Eniapom Neten nemmopvana nak ellanhok qaselha ketlhengkap, eltaqmelkaso ta apkenmaikama kakpota nkoltaqmelkeskesek apkellangiemhaikama po'ok la'a.