1 Pedro 4:6 - Nuevo Testamento Toba Maskoy

⁶ Ka apkeletsepma nak nnengke lhta nhan aleltennaskamo ania'a aktaqmanma neksa lhta apkellangiemhaikama hengke'e nalhepop anak, nietne mota apkeletsepma aniem'o enenlhet apankave nak, koka netamen apkeletsema nkelloka mota apkel·hango'ok aniem'o Eniapom Neten.

1 Pedro 4:6 Referans Kwoze

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

1 Pedro 3:19

Akmeiekho lhta nhan aleltennaskekho akiephongveiam aiseksek ma'a enghangok aklhatmommalhka

Galatas 5:25

Koka nellaniemhangka la aniem'o Epiritu, ntasek angankoho heniantemama akmak'akha la heniantemok ma'a.

Galatas 2:19

Asielhanmekama lhta mota ley ko'o, kolhva koka askelvateskangkek ma'a, malha asketsepma astemak, kolhva koka neksa askaniemhaikama asielhanmekama m'a Eniapom Neten, malha niekhe nhan askelhnammalhko la lhemek neten iamet aktenneskama Cristo,

Apocalipsis 14:18

Netamen ma'a aptepke lhta mokhom po'ok ángel akieto alvanlhemmalhkelha qaselha, apmopvana lhta nnak talha m'a. Apkavengka lhta nhan ma'a apiennakteso apaivoma apto lhta apmaikama iama pelettav akhalhema, lhta aptak apkano: —¡Eliaqtemen uva akielhna avakheiok nalhepop anak ham, iama pelettav akhalhema nak nema ahantek anko ie, ataiantak ham! —lhta aptak ángel.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.