1 Pedro 3:9 - Nuevo Testamento Toba Maskoy

⁹ Meliaqmongkasekha nkek apnaqtevaso la po'ok, meliaqmongkasekhangkek na apiamenvo la po'ok, ntasek koka ellangkok aktaqmanma apaivoma m'a ngkanek Eniapom Neten hata eltaqmelkeskesek apkellangiemhaikama ketlhengkap.

1 Pedro 3:9 Referans Kwoze

Romanos 12:17

Nnek hata nkek aknaqtevaso ketlhengkap, meliaqmongkasekha nkoie', ntasek koka elienlhanmanko mota eltok nkoltaqmelek apkellangiemhaikama po'ok.

Romanos 12:14

Meliematkesa nkek apkellelto nak apkenmenlhenaikama ketlhengkap, ntasek koka elleltok nkoltaqmelek apkellangiemhaikama m'a.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.

Efesios 4:32

Ellanamok koka altaqmelo qaselha, elietnaho napaqta'a po'ok, eltemeskesama ta nhan apankavek aptevasko la po'ok apieseksek anak ketlhengkap, ka aptemakha lhta Eniapom Neten aptemeskesaiangka lhta apankek meliamolhma lhta ketlhengkap aniem'o apkelpasmekha Cristo.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Hebreos 6:14

lhnak nanek aptemak Eniapom Neten: «Avanhek hata ngkotnek astaqmelkeskeskama apkaniemhaikama lheiap, apentelhek hata etnek aptavana'ak neptamen, have niapak ankek astakha nak askano lheiap», lhnak nanek aptemak ma'a.

Lucas 18:18

Lhema apkemhama apmanie' lhnak apaqmetkeskai'ak Jesús, lhna aptemak: —Hengetlhekmoskama apiamolhma', ¿ko la atnek ko'o kakpota ngkoitek akiennaktema enneniek mankotnengvaianlha nnelha, he? —lhna aptemak.

Lucas 10:25

Lhema hengetlhekmoskama ley Moises apkenmalhnengvai'o lhnak Jesús apmahai'a eiepkonek, lhna aptemak: —Hengetlhekmoskama, ¿ko la atnek ko'o kakpota ngkoitek akiennaktema eneniek nkotnengvaianlha nnelha? —lhna aptemak.

Romanos 8:30

Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

Marcos 10:17

Neksa apmahai'ak eniempekhak nak aplhengama Jesús ma'a, apketkaiakmo lhnak na apketkok apkenmangkolha ma'a, apkelteklhekvai'o lhnak aptapno'ok napaqtek ma'a, lhna aptemak apkanemo: —Hengetlhekmoskama apiamolhma, ¿ko la atneskesek avomok akiennaktemakha enneniek mangkotnengvaiam annelha, he?

Galatas 3:14

Ntemenke lhta m'a kakpota nkovak na takhaplhet'ok metnangko nak judios apaivoma apeneskamo lhnak nanek Eniapom Neten eltaqmelkeskesek apkellangiemhaikama Abraham, netlhevai'ak ma'a Espíritu apankok Eniapom Neten aniem'o mongeliaskeiam Cristo Jesús.

Hebreos 12:17

Apkeliavek ketlhengkap netamen nak nanek ma'a avanhek nak apteniai'a Esaú akvakmo apveno apkeltemo eniangkok apiapom ennak neten ankek aktaqmanma apaivoma apkaikamok ma'a. Koka aptakheskamavek nak nanek apiapom ma'a, mamma lhnak nanek na etneskesek ma'a.