1 Pedro 2:6 - Nuevo Testamento Toba Maskoy

⁶ Ka aktemo nak aktalhesammalhka vakkahak Eniapom Neten apaivoma hengke'e: «Aspekkenkek lhema metaimong akto neten ankek aktaqmanma, nema aliekieskama nhan, akmennave nkek nahan. Apto la nhan mei'askeiam ma'a mankomankaksek hata m'a».

1 Pedro 2:6 Referans Kwoze

1 Pedro 2:4

Elteteskakho ta Apveske apto malha metaimong akietnema aktema alhnankok. Apkeltakheskamo lhta enenlhet, koka apkeliekieskakhe lhta m'a Eniapom Neten metaimog anak ngkanek akto lhta niekhe neten ankek akiaspommalhka m'a.

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

Marcos 12:10

Kotlheianvakho no apvalho'ok aktemakha aklheianma Eniapom Neten apaivoma, ka ntemak heng: «Metaimong alhta apkelhakhama apkellanekamok pa'at, koka ntakhek neten ankek akiaspommalhka m'a.

Romanos 10:11

Ka ntemak aktalhesammalhka Vakkahak Eniapom Neten apaivoma: «Enenlhet apto la mei'askeiam Eniapom Neten, meiennengkesek hata nhan ma'a», ntemak ma'a.

2 Timoteo 3:16

Koka lhamakho konne Vakkahak anak ma'a apvatepnapma Eniapom Neten, akmovana nkotlhekmoksek akto have niapak anke, kakpota nhan alvetaskeskama enenlhet'avok apkellanengko la ngkollatsekama. Akmovana nhan nkonnavaksek apkellanengko la qaselha ngkollatsekama kanhan atlhekmosekamok akto akpeivomo nkek,

Lucas 23:35

Man nantek enenlhet apkellanekama m'a, apkelvannaikama lhnak na apkelemhama apmaniaie Jesús, lhnak aptaiangkok: —Apkelvongkaske lhta tep enenlhet'avok, ma nak na evongkasekpo pankek tep apto nlho haveniapak Cristo Eniapom Neten apkapaskama —lhnak aptaiangkok ma'a.

2 Pedro 3:16

Lhamakho lhta mota vakkahak aptalheskama Pablo aktemakha mota m'a aklheianma m'a, nientelhe lhta niekhe aniangvomhok ma'a moklhem'a aptalheskama, koka apkelietnokhaskeiakme mota m'a enenlhet'avok anak malha metka apqatko'ok anak, kanhan apkellelto nak nkoliennaktema nak meliaskeiam, apkelietnokhaskeiakme mota nhan lhamakho aktemakha aklheianma nak Vakkahak Eniapom Neten Apaivoma, ka ngkanek elvetak hato ka akiaqmoiekha aniem'o meliamolhma apankavek ma'a.

2 Pedro 1:20

Askeltavek na aleltennaksek qaselha akto neten ankek akiaspommalhka nak, mangkolatsema elpeivesekha apanke lhema enenlhet apketlheianmo lhnak nanek apkeltennasemmap ania'a akietnemo nak ma'a vakkahak Eniapom Neten apaivoma.

Efesios 1:4

Amanie lhnak nanek apkelanai'a lhamakho qaselha lhma nkek ham, hengeliekieskangkek nak nanek na Eniapom Neten ennengko'o aniem'o nhan Cristo kakpota hengeltemeskesek na hengelpokkanma, angelloka metka neltemengveiakmo lhma' napaqtek ma'a. Avanhek ankek hengellamelaiam Eniapom Neten,

Hechos 1:16

—Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Lucas 20:17

Apkellanei'avek nak Jesús enenlhet'avok ma'a, lhnak aptemak: —Ka ntak aktalhesammalhka Eniapom Neten apaivoma hengke'e: «Metaimong alhta apkelhakhama apkellanekamok pa'at, koka ntakhek neten ankek akiaspommalhka m'a».

1 Pedro 2:8

ka metaimong anak akmovana ta nkolpelapongkesek ma'a». Hai', meleliahakho la ania'a aplhenammap Jesucristo ngkotnek hata malha alpelapongkeskama m'a, nietave ngkotnek ma'a.