1 Pedro 2:24 - Nuevo Testamento Toba Maskoy

²⁴ Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Pedro 2:24 Referans Kwoze

Romanos 6:11

Kotlheng apkelvalho'ok ketlhengkap malha apkeletsepmo lhemek Cristo, ka nkeniemai'ak mankollapvankek mokhom eltemengvakho lhma. Vanlha koka apvanka'ak ellanangkok akleklemelha la apvalhok Eniapom Neten aniem'o apkelpasmekha m'a Cristo Jesús.

Apocalipsis 22:2

Apvalhok temma amai alhto ka alvata m'a, nekhav'ak alhta nhan nkemhamak iamet akiennaktema enneniek, moklhem'a pelten alhto ka alielhnemakha mota akielhna, 12 lhta mota akielhna. Ava lhtoka mota apkenmaikama etnangkok ponha apanko'ok kakpota nkoltaqmelkeskamok enenlhet'avok lhmankek ham.

1 Juan 2:29

Apkeliavek ketlhengkap Jesucristo apto apeivomo, ka lhamakho enenlhet anak apkellanekamok qaselha akpeivomo, apkellelto koka m'a Eniapom Neten apketkak.

Santiago 5:16

Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Romanos 6:2

¡Mma'! Mmaskek nellanengko ngkollatsekama, mankoietok angelieplavkesek mokhom nellanekamok ngkollatsekama.

Colosenses 3:3

Malha lhta ntema niekhe apkeletsepma ketlhengkap, apkelpokkenke lhta Eniapom Neten ketlhengkap kakpota elloka lhemek Cristo.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Romanos 7:6

Kolhva koka mmaskek hennakteto m'a ley ennengko'o, ngkanek malha neletsepmo lhemek Cristo. Envanka'ak angellasennama Eniapom Neten alhnankok nentemakha, aniem'o nhan hengelleltennasekamok Espíritu m'a, have m'a nentaiangkolha lhta lhennenga hengelleltennasekamok alhta ley.

1 Juan 3:7

Ketlhengkap eietkak apketkok, mellanko nkek eliennengkeskak ma'a. Enenlhet apto la apkelanai'a mota qaselha akpeivomo, koka apto apeivomo pankek ma'a malha nhan ma'a apto apeivomo.

Romanos 6:7

Enenlhet apto la apketsepmo lhemek Cristo, mmaskek akmangka ngkollatsekama nak.

Romanos 6:16

Apkeliavek ketlhengkap apkellelto nak nema allasennaikama nema apkelianmoma apkeleliahakhave mota apveske apanko'ok. Ka aptangko la aveske apanko'ok akvesai'a nak ngkollatsekama, eletsepok hata ketlhengkap ma'a, koka aptangko la apveske apanko'ok Eniapom Neten, elloka ta nha mota apkellanekamok qaselha akpeivomo.

2 Corintios 6:17

Lhnak nane aptemak mokhom Apveske: «Elentep hata apieseksek anak ham, elieniekha ta, menmangvomankek nan ma'a qaselha apanko'ok ma'a akmovana nak nkolpaisengkeskesek apvalho'ok. Netamen hata m'a anmok hata takha ko'o,

Hechos 5:30

Apkennapke lhta ketlhengkap Jesús neten iamet aktenneskama, koka Eniapom Neten apto Apveske apanko'ok nelieihengka'a aplhatekhaskeiakmok mokhom apieseksek apkenmaskengvaiakmo m'a.

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

Hebreos 12:13

Ellanamok hata nhan malha amai akpeivomo, metka aliekvatekamok la'a kakpota anmaska la apmanko'ok mankolaskesangkek hata apmanko'ok ma'a, nkoltaqmelekhak hata nhan apmanko'ok ma'a.

Hechos 13:29

Ka apkellaqhemo lhta nhan ma'a, ngvai'ak aknem aktemakha lhnak nanek apnaktalheskama apkeleltennasemmap ania'a. Netamen ma'a nemo nhan aklekvekho aphapak neten iamet aktenneskama, nemo nhan aklhengkeskaiakmo aphapak nemakha aklhengkeskaianlha enghapak.

Hechos 10:35

apto nhan ma'a apkellamelaiam enenlhet lhamakho apkellavakha apkellelto apkellai'o kakpota nhan apkellanai'a nak qaselha akpeivomo.

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

Colosenses 2:20

Neksa malha apkeletsepma lheme lhta Cristo ketlhengkap, apkelpaknengkaskesakhe lhta akmovana henganemakha aniem'o enenlhet. ¿Se kla ktemo aqnaktetemo nak mokhom henganemakha nak, he?

Romanos 6:22

Kolhva koka nnengkek alpaqnengkasekho neksa anmaikama ketlhengkap ngkollatsekama nak, aptangkokhek apkellasennaikama Eniapom Neten, apvanka'ak na elentepkeskesek elvanengkesek qaselha altaqmelo, kakpota nkolhnangkok na aliennaktema apnenio'ok nkotnengvaianlha nnelha.

Hechos 10:39

Nelvetai'ak ennengko'o m'a aktemakha apkelanai'a lhta Jesús akieto iokhalhma Judea kakpota nhan Jerusalen, netamen nemo lhta nhan aliaqlhaklhemo apmeiok apmankok neten iamet aktenneskama, apketsepmo lhta nhan ma'a.

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

Juan 19:1

Ka apkeltemo lhna lhta apveske Pilato ngkolhek aliaqpelhketangka Jesús ma'a.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Marcos 15:15

Ka apaqnemekho lhnak Pilato Barrabas, apkeltemo lhnoka ngkolhek aliakpelhketangka kaselha aiempek nema alanai'a Jesús ma'a, kakpota nhan ngkolhek aliaqlho apmeiok, apmankok neten iamet aktenneskama. Koka apkeltemavek nak ellamelekhok Pilato napaqtavek enenlhet'avok ma'a.

1 Corintios 15:3

Asketlhekmoske lhta ko'o ketlhengkap emanie nke lhta alhevai'a ania'a aktemakha apketsepma lhta Cristo aniem'o mongeleliehekho hengaskamakha Eniapom Neten: Ka ntemak na aklheianma vakkahak Eniapom Neten apaivoma m'a.

Colosenses 2:14

Nietnengkek nak nanek lhennenga lhema vakkahak henganemakha aktalhesammalhka aknaikamok malha neliaqmoikamok la'a, koka Eniapom Neten alhta malha apiaqlhakvekha neten iamet aktenneskama m'a, aptevasekho nhan ma'a.

Hebreos 10:5

Ka ngkanek Cristo aptemo lhta mota aplheianma neksa apvai'a lhta hengke'e nalhepop anak, lhta aptemak: «Meltemok lheiap ellangkok apnaqtoskama apkennapekamok enenlhet kanhan qaselha nengaikamok anak, vanlha koka apkeltemo allangkok asiokha nak.

Hebreos 10:10

Hai, apmahai'a etnek hengelpokkanma Eniapom Neten kakpota antangkok apkennemolhema m'a aniem'o Jesucristo apkaiangko lhta apankek apiokha kakpota ematong lhema aktema koka m'a.