1 Pedro 2:1 - Nuevo Testamento Toba Maskoy

¹ Elvatesamok hata lhamakho aktemakha ngkollatsekama nak, neniennenkeskama, hanet engvalho'ok, neniasepkeskama emmo'ok apanko'ok kakpota nhan nentepkesaikama apvesai'a emmo'ok.

1 Pedro 2:1 Referans Kwoze

Efesios 4:31

Etnamok hata nhan malha apkel·hatsosaikamok anmaiosak'a apvalho'ok, apkelloma, annathesaikama, apkelelpalhemaikama nhan, apkeltaknongkoma po'ok kakpota nhan lhamakho aktemakha ngkolatsekama.

Santiago 1:21

Ntasek koka elvatesangkok ketlhengkap ma'a malha qaselha alpaiseiam anak kanhan ngkollatsekama nak, mantek ankek qaselha ngkollatsekama nak, ntasek koka enmankok takha m'a ania'a aktaqmanma nak nalhep'avek apvalho'ok nema atlhekmosekamo lhta, ngkanek nietnek akmovana m'a nkolvongkesek tep.

Santiago 4:11

Elialheng'a, melvannamankek po'ok apieseksek anak ketlhengkap ham, meliekpelko nkek nahan. Ka aptangko la ketlhengkap ma'a, malha nhan aptangkok apkelvannaikama ley, apkeliekpelkek nahan. Mangkolatsema etnangkok ketlhengkap ma'a ngkanek have hengiekpelkemo niapma'ak ketlhengkap, vanlha enenlhet apankavek apvanka'ak eleliehekhok ma'a.

1 Pedro 3:10

Ka ktemo nak na aktalhesammalhka vakkahak Eniapom Neten apaivoma hengke'e: «Enenlhet apkelto la enianiemhama aktaqmanma, akpaihekha apvalho'ok, nkaimelhkek elvataksek apkeliatekama ngkolatsekama kanhan metnek apmopvana ania'a.

1 Pedro 4:4

ketlhengkap koka mmaskek apkelpasengvakmo m'a neksa apkaqnaikama la m'a apkellanekamok anak nkeskama qaselha ngkollatsekama, ka ngkanek enenlhet anak meliamolhma elkenatkesek ketlhengkap kanhan eltaqnevama aniem'o melpasmakhak ma'a.

1 Pedro 4:2

kakpota nhan akiaspongkomakha la apvalhok, apvankek na elana mota qaselha akleklemelha la apvalhok Eniapom Neten.

Santiago 5:9

Ketlhengkap elialheng'a, melentepkasama nkek apkelvesai'a po'ok la'a ngkanek ketse nkaimelhkak apvektanlha ta hengiekpelkemo niapom, hata eliekpelkok apkeltemakha ketlhengkap ma'a.

Hebreos 12:1

Ka aplhamakma lhnak nanek enenlhet'avok alheno lhkek malha hengellanekama aptaiangkok ennengko'o m'a neksa nellaniemhaikama hengke'e. Ka ngkanek ntasek annengkenekha malha nelpatmekama akientalhnema la'a, ngkollatsekama nak nahan hengeliaseiangko mota lhma, kakpota anganiemhama metka akpekhai'a. Malha aktonak ma'a apkelpaivasemmap anak enenlhet apkeniema metka akpekhai'a ngkanek aholhek amai.

1 Timoteo 3:11

Nnavek na ngkelvana'ak la nkaimelhkek ngkolhek allak'o apieseksek enenlhet'avok, have nkotnangkok almalengioikama nkotlhenek mo'ok aktemakha, nkoliohok na nkonnavaksek aktemakha ngkollatsekama av'alho'ok, nkoliohok na nkollanangkok lhamakho qaselha altaqmelo.

1 Pedro 2:22

Mamma lhta aptemengveiakmo lhma Cristo, mamma nhan apiennengkeskama la po'ok.

Tito 2:3

Kanhan nkotnotko'ok anak ntasek nkoltaqmelkasalhkoho', metka alpaiesaikama ania'a akvesai'a mo'ok la'a, metka nhan akmaikama nkok anmen. Ntasek koka nkotlhekmosangkok aplhamakho kakpota nkollanangkok qaselha altaqmelo,

1 Corintios 14:20

Elialheng'a, metnamo nkek malha akto nak nematkak mankoliamo nak, etnamok koka malha apkeliavo nak apkenmopvanka'a nak nkolketamama apvalho'ok, etnamok hata nhan malha akto nak nematkak mankolteniaikamok anak ngkolatsekama.

Romanos 1:29

Nkellaneiangkek apvalho'ok nkolietemo, ngkollatsekama, apkeliaspekamok qaselhaha, apkeliasepkeskama po'ok, alietnema apkeliemongke lhma', apkennapommap po'ok, apnaqtevaskamo po'ok, apkeliaskemaikamaha.

Lucas 6:42

Mankapvankek epasmok lheiap apialheng elekkesek ketsek la akielhaklhema apaqtek ngkanek na nietnek lheiap akiavai'a akielhaklhema apaqtek. ¡Hengiennengkeskama niapom lheiap! Nkaimelhkek elkok sekhek apanke akiavai'a akielhaklhema kakpota m'a apvankek elekkesek ketsek akielhaklhema la apialheng.

2 Corintios 12:20

Askak'ak ko'o m'a etnangkok asvaktamo ta ham ello'ok hellanhoho, ko'o telha nhan heliasangko lhma ketlhengkap asvaktamo ta ham. Askak'ak na ko alvetangvetak apkellatemommap, kno nak apkeliasepkeskama, apkelloma, atlhenammalhko nke apvalho'ok apanko'ok apankavek. Apkelentepkasekama apvesai'a po'ok aptaikamok apkenmopvanka ania'a, etlhenama apvesai'a po'ok aptakha la'a, elakpoho, lhamakho qaselha ngkolatsekama aptaiangkolha.

Apocalipsis 14:5

Mamma nhan anmovanka ania'a apatno'ok, metka nhan alpaiseiam apvalho'ok napaqte Eniapom Neten.

1 Pedro 2:16

Ketlhengkap mmaskek nema allasennaikama nema apkelianmoma, kolhva koka apvanka'ak apkenmak'akha la ellanangkok qaselhaha, ¡koka ellaho ta m'a, mellanamo nkek ngkollatsekama ngkanek ketlhengkap apkellelto Eniapom Neten apkellasennaikama!

Santiago 4:5

Ka ngkanek akietnemo nak Eniapom Neten apaivoma aklheianma, ntemak hengke'e: «Avanhek ankek apkamelaiam Eniapom Neten akieplomo apkenmeiavekama engelvalho'ok anak ennengko'o hengellaikamok», ntemak ma'a.

Santiago 3:14

Koka akloma la apvalhok aniem'o apiasepkeskama, kanhan apkenmeiavkesammakpo pankek qaselhaha, akhemo ngkotnek ma'a anmalhko apvalhok ngkanek have aknema apiamo m'a, apmopvana ania'a nhan ma'a.

1 Tesalonicenses 2:3

Netlhekmoseiangke lhta mota nhan akto haveniapak ankek, ma lhta nhan nkolhnaiangkok engelvalho'ok malha alposkama la qaselha kakpota nhan mankonmahai'ak angeliennengkesek.

1 Corintios 5:8

Hai, ntasek antangkok aktakmelaikama lhma la Pascua akieplomo panes metka apkeliepheskama, apkelvesai'a nak iokhalhmek anke, have niapak nahan. Menmama nkek alena apiepheskama aphapavok anak, apkelvesai'a koka m'a apnaqtevaskama mota po'ok, ngkolatsekama nhan.

Juan 1:47

Ka apketlhengamo lhnak ma'a, apvetai'o lhnak Jesús aplheiakmo Natanael, lhnak aptemak Jesús: —Ka enenlhet aplhekmo nak ha'e apto Israelita apanke, mamma aptaikama nhan apmopvana ania'a —lhna aptemak Jesús.

Lucas 11:44

¡Ketlhengkap la ie fariseos! Malha nemakha aknengkanveianlha enghapak, apkellelteianmakhavek enenlhet'avok takhalhet neksa meliamo —lhna aptemak Jesús apkellanemo Fariseos.

Lucas 12:1

Apvakhengvai'avek nak enenlhet'avok apentalhnema Jesús apkenmangkelha' m'a, apkeliengemmakpek nak na m'a, lhnak aptemak Jesús apkellanemo apkeltamesaikamok: —¡Ellaho ta harina apiepheskama apanko'ok anak Fariseos akvesai'a hengiennenkeskama!

Marcos 12:15

Koka apiamavek nak Jesús apkenmahai'a etselhnanak ma'a aniem'o hengiennengkeskama niapma'ak ma'a, lhnak aptemak: —¿Se lha ntak apkenmak'o nak heliepkonek ke, he? ¡Ngva no lhema patakkom akiaqiema nak kakpota alanho'! —lhna aptemak.