1 Pedro 1:6 - Nuevo Testamento Toba Maskoy

⁶ Avanhek alpaiesekha apvalho'ok ketlhengkap ania'a nak, niekhe apkelvetai'a moklhem'a aknem aliepkonma, koka iakvatakho nkek ma'a.

1 Pedro 1:6 Referans Kwoze

Santiago 1:2

Ketlhengkap elialheng'a, nkolpaihekha ta apvalho'ok neksa akvai'a la akientalhnema koka akmahai'a nkoiepkonek

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

Romanos 12:12

Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

Romanos 5:2

Kolhva envanka'ak angelteteskakhak na apnakha m'a, angelletsevasama nhan aniem'o m'a. Nkelpaihakhek engelvalho'ok kolhvave nak ngkanek alel·halhnekama engvalho'ok angelvakhak hata apnakha m'a kakpota nhan ma'a ampasmekhak hata qaselha altaqmanma Eniapom Neten apanko'ok.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Juan 16:22

Nnavek na ketlhengkap, nkeliepvamengkek kolhvave nak, koka helvetakho ta mokhom nkolpaihekhak hata apvalho'ok, mamma ta nkomaskeksek alpaihakho ta apvalho'ok ma'a.

Romanos 5:11

Nkelpaihekhavek koka engelvalho'ok kolhvave nak ngkanek hengenmekho mokhom takha Eniapom Neten aniem'o Apveske engankok Jesucristo.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Lucas 10:20

Molpaihekhankek apvalho'ok aniem'o apkelentepkeskama kasekapok av'alhok ma'a, koka ntase' nkolpaihekhak apvalho'ok ngkanek nnankek apkelvesai'a ketlhengkap vakkahak ma'a neten —lhna aptemak Jesús.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

Santiago 4:9

¡Kollaiosenvom koka apvalho'ok aniem'o meliamolhma, elleklhangvama ta nhan, enmaskeskam hata nhan alpaihekha apvalho'ok anak, etneskasokha ta nhan anmaiosak'a apvalho'ok!

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

Santiago 1:9

Enialheng la metka qaselha apankok ntasek nkotaqmelama apvalhok ma'a ngkanek apto neten apankek napaqtek Eniapom Neten.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

2 Corintios 6:10

Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

Filipenses 4:4

¡Kolpaihekha ta mota apvalho'ok aniem'o apkelpasmekha Apveske, hai, kolpaihekha ta mota apvalho'ok!

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

Romanos 9:2

Avanhek ankek akmaiose evalhok, aslengaiangko nhan

Filipenses 2:26

avanhek na aliepvaiam apvalhok hengke'e apmahai'a elvetekhak ketlhengkap ham, avanhek na aktaikama apvalhok apleng'a alhta ania'a anmaiosak'a apvalho'ok ketlhengkap ngkanek nemmaskema lhta ngkaqhemak hengke'e.

Lucas 2:10

koka lhna aptemak ángel: —Mellaga', asketsantengkaskek ania'a aktaqmanma kakpota nkolpaiesekhak apvalho'ok enenlhet'avok alhma nkek ham.

Lucas 1:47

Mpaihakhek evalhok aniem'o Eniapom Neten apto hevongkeskama tep.

1 Pedro 3:17

Ka apkelto la Eniapom Neten ntase niekhe m'a elvetak akientalhnema aniem'o apkellanekamok qaselha altaqmelo, have aniem'o apkellanekamok qaselha ngkollatsekama.