1 Pedro 1:22 - Nuevo Testamento Toba Maskoy

²² Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Pedro 1:22 Referans Kwoze

1 Timoteo 1:5

Askeltavek na ko'o ennavaksek enenlhet'avok lheiap ham kakpota eliaqmongkasekhak mo'ok aptaiangkolha, nkovak na apkellasekhai'o po'ok aniem'o alalhnai'o apvalho'ok, altaqmanma atlhenaikama apvalho'ok kanhan meliaskeiam iokhalhme.

Hebreos 13:1

Etlhengkes hata mota apkellasekhammakpo apankavek apieseksek anak ketlhengkap ham, malha aptonak apkelialheng'a apankavek la'a.

1 Juan 4:12

Mamma enenlhet apvetai'o Eniapom Neten, koka nellasekhalhko la ennengko'o, eloka nhan nenieseksa ennengko'o, nkovenke pankok na hengasekhai'o m'a akvakmo aktakha nnelha akvanekamok.

1 Juan 4:7

Ketlhengkap elialheng'a askellasekhai'o ntasek angellasekhalhko mota ennengko'o, ngkanek nengasekhai'o nak nkeniemai'ak ma'a Eniapom Neten. Enenlhet apto la apkasekhai'o mota po'ok, apto nhan Eniapom Neten apketka m'a, apiekpelkek nahan.

1 Pedro 3:8

Hai', ka m'a, ¡mellaskesap ankek ame' apieseksek anak ketlhengkap! Elhneso ta mota nhan atlhenaikama apvalho'ok po'ok la'a, ellasekhakpo malha apkelialheng'a apankavek la'a, etnamok hata nhan apkeliamolhma kanhan nalhep'avek apvalho'ok.

Santiago 4:8

¡Elteteskakho ta Eniapom Neten, netamen elteteskatak hata nhan ketlhengkap ma'a! ¡Elieniesamo ta nhan apmeio'ok, malha alpaisengkeskama ngkollatsekama apkellanekamok ketlhengkap! ¡Elalhnasekha ta nhan apvalho'ok ketlhengkap hanet anak apvalho'ok!

1 Juan 3:23

Ka hengke'e apkanemakha nak antangkok Eniapom Neten: Mangeliaskamek apvesai'a Apketka Jesucristo, kakpota nhan angellasekhalhkok na nenieseksa nak ennengko'o ngkanek apkanemakha antangkok ma'a.

2 Tesalonicenses 1:3

Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.

1 Tesalonicenses 3:12

Nengeltavek na Apveske engankok elvanengkeskesek meliaskeiam lhamakho aknem ketlhengkap, eliavenkasangkok na apkellasekhammakpo apieseksek anak ham, kakpota nhan ellasekhok po'ok enenlhet, ka nentaiangkolha nak na ennengko'o nellasekhai'avek na ketlhengkap.

1 Juan 4:20

Apto la enenlhet aplheianma mota apkasekhai'o Eniapom Neten, koka aptaqnevakke mota enialheng la'a, apmopvana ania'a m'a. Apto la enenlhet apvetai'a mota enialheng man koka eniasekhak ma'a, mankapvankek na eniasekhok Eniapom Neten ma'a nkanek meta'ak ma'a.

1 Pedro 2:17

Eltaqmelkaso ta apkellanei'o po'ok, ellasekhakpo nhan apieseksek la apkelialheng'a, ellaho ta nhan Eniapom Neten, kanhan apiav'akha apveske la'a.

Hechos 15:9

Nennavek ennengko'o m'a metnangko nak judios anak, apkellalhnaskaskek apvalho'ok Eniapom Neten ma'a apkellelto nak meliaskeiam, nnavek na ennengko'o m'a.

1 Juan 3:11

Ampai'o lhta sekhek ankek aptaikamok meliaskeiam ketlhengkap, nheklhe mota ania'a apkellengai'a aktemakha nellasekhammalhkoho.

Filipenses 1:9

Askenmalhnema nhan Eniapom Neten elvanengkeskesek apkellasekhammakpo apieseksek anak ketlhengkap, kakpota nhan ellangko aknema apkeliamo kakpota eliangvomhok na

Efesios 4:3

Elienlhanmamok hata mota aptaikamok apkelpasmommakpo aniem'o Espíritu aniem'o nhan altaqmeliakama apvalho'ok anak.

Galatas 5:5

Ennengko'o koka alel·halhnekama engelvalho'ok aniem'o Espíritu ngkolhek hata hengeltemeskaso nengelpeivomo aniem'o mongiaskeiam, have niapak ma'a.

Apocalipsis 2:4

Lhema qaselha koka mankoleklemo evalhok apkelanai'a lheiap, apkelvateskakmek heiamelaiam mangkolhnok ma'a sekhe anke lhta.

1 Pedro 4:17

Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

Hebreos 11:8

Mang nak nanek na ei'askeiakmok Abraham aktemakha apaivoma Eniapom Neten apkanemo apkeltemo etiepok apnemakha m'a apkeltemo emhangkok mo'ok iokhalhma. Koka aplhengangkek noka apanke' neksa meihamo iokhalhma m'a.

Hebreos 9:14

Koka akto neten ankek ma'a ema apankok anak Cristo, avanke nkollalhnaksek alietnaikama apaqto'ok qaselha ngkollatsekama apkellanekamok, akmahai'o lhta mota nkolaqlakhak akietemelha nengetsepmakha m'a. Hai, apmesemmakpe lhta panke Cristo aniem'o Espíritu metnenvaiam annelha, malha aktemo lhta aktekioma nennaqtoskama metka nhan apiakteikama la'a kakpota hengeltemeskesek nellasennaikama Eniapom Neten apto mangkotnengvaiam annelha apkaniemhaikama.

Hebreos 6:10

Ngkanek Eniapom Neten apto apeivomo panke', melelvangkamek na ketlhengkap ma'a apkelpasmomo lhta, apkellasekhai'o lhta nhan apkelpokkanma nak akvakmo nenvanlha nak.

2 Corintios 6:6

Apkeliave mota ketlhengkap neltaqmelkasemmalhkoho, neliave na akto have niapak anke iokhalhme, apkeliavek na ketlhengkap metka nelpekheskama kakpota nhan nalhep'avek engelvalho'ok angellanhok emmo'ok, apkeliavek na ketlhengkap apnaikamok engelvalho'ok Espíritu Santo, nengellasekhai'o nhan emmo'ok iokhalhmek engelvalho'ok.

Juan 15:17

Alhenekhok hata mokhom, ¡ellasekhakpo ta mota apieseksek anak ketlhengkap! —lhta aptak Jesús.

1 Pedro 3:1

Ketlhengka' ngkelvana'ak koleliehekho ta mota anakteiangka'a. Apno la atava' metno Jesucristo apnemolhema koliehekho ta nhan ma'a kakpota etnengvomok na Jesucristo apnemolhema aniem'o apvetai'a aktakmelkasemmalhko aptava, mankaimelhkak akiatekamok la enialhok ania'a aktaqmanma,

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

2 Timoteo 1:14

Etaqmelkes hata aktemakha aktaqmanma hengetlhekmoskama aplhevai'a lhta lheiap, Espíritu Santo apkakhangkek apvalho'ok aplhamakho Jesucristo apkennemolhema epasmok hata nhan lheiap ma'a.

1 Timoteo 5:2

Eltaqmelkes hata nhan alvaneiam malha aktonak ngken apankek la'a. Eltaqmelkes hata nhan ngkelvana atko'ok malha aktonak apkelialheng'a apankek la'a, mankotsep ankek na apneniek ma'a.

1 Timoteo 4:12

Meniangko nkek na ngkolhek aktemeskesantamo koneng lheiap aniem'o apketkok mokhom lheiap, eliatama toka akietemo nkek aplheianma, eltaqmelkasakpo ta nhan, elto ta nhan nkalhnok apvalhok anak, koiet hata nhan mei'askeiam kanhan apkasekhai'o po'ok kakpota aplhamakho enenlhet'avok elvanangkok aptemakha lheiap.

1 Timoteo 1:3

Askeltavek mokhom altakhengveskakhak astakha lhta askano lheiap ma'a akieto ham Efeso neksa asmahai'a aniakha lhta m'a Macedonia, lheiap hato ka ntasek elhek kakpota ennavaksek mankolietemo nak apketlhekmosekamok, lhta stahak.

2 Tesalonicenses 2:13

Ketlhengkap elialheng'a apkellamelaiakmek Apveske, vanlha mota ennengko'o nentaikamok gracias Eniapom ngkanek apkeliekiesaiangkek tep nak nanek apmaniaie apankavek ma'a kakpota elvongkesek tep aniem'o Espíritu apkeltemeskeskamo nhan apkelpokkenammap ma'a aniem'o lhta meliaskeiam ketlhengkap ma'a ania'a akto have niapak.

Galatas 3:1

Asketlhekmoske lhta ko'o alhnakho nke aktemakha lhta apketsepma Jesucristo neten iamet aktenneskama kakpota antangkokhak nengelpeivomo napaqtek Eniapom Neten ma'a, koka ketlhengkap apkelvatesaiangkek ania'a aktaqmanma nak. ¡Malha apiolhma meihamolhma ntemak apnaqtevaskama apqatko'ok anak ketlhengkap Galatas, mamma apqatko'ok!

Galatas 5:7

Apkelieplavke lhta ketlhengkap malha amai aktaqmanma ¿Se lhta aliaseiangko lhma m'a kakpota elvatesangkok, he?

Romanos 2:8

Koka eienientak hata apiaqmongkasekha aploma takhaplhet'ok apkellelto apkenmeiavkesammakpo pankek qaselhaha, apkellammelhma nhan akto akpeivomo, koka apkellasekhavek ma'a mankopeivomo nak.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Juan 17:17

Etneskesamok apkelpokkanma lheiap aniem'o apaivoma akto have niapak ankek.

Juan 15:3

Apkelalhnai'o ketlhengkap aniem'o aspaioma askeleltennaskama.

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

Juan 17:19

Aspokkenammalhko nak kakpota atlhekmosangkok helieplekama lheiap apaivoma akto aktaqmanma nkek, kakpota etnangkok na apkelpokkanma apkellasennaikama la lheiap.

Santiago 1:21

Ntasek koka elvatesangkok ketlhengkap ma'a malha qaselha alpaiseiam anak kanhan ngkollatsekama nak, mantek ankek qaselha ngkollatsekama nak, ntasek koka enmankok takha m'a ania'a aktaqmanma nak nalhep'avek apvalho'ok nema atlhekmosekamo lhta, ngkanek nietnek akmovana m'a nkolvongkesek tep.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

1 Pedro 3:20

aniem'o lhnak na nek mankoleliehekhok Eniapom Neten ma'a, neksa aploma lhnak nanek Noé. Mepekheskamo lhnak nanek na Eniapom Neten epenaksek loma nemmen akiavai'a m'a Noé, apkelvaiakmo lhnak nanek na tep 8 enenlhet apkelvaivekamok neksa akmamai'a akiavai'a.