1 Pedro 1:2 - Nuevo Testamento Toba Maskoy

² Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

1 Pedro 1:2 Referans Kwoze

2 Tesalonicenses 2:13

Ketlhengkap elialheng'a apkellamelaiakmek Apveske, vanlha mota ennengko'o nentaikamok gracias Eniapom ngkanek apkeliekiesaiangkek tep nak nanek apmaniaie apankavek ma'a kakpota elvongkesek tep aniem'o Espíritu apkeltemeskeskamo nhan apkelpokkenammap ma'a aniem'o lhta meliaskeiam ketlhengkap ma'a ania'a akto have niapak.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

Hebreos 12:24

Apkelteteskekhek na ketlhengkap ma'a Jesús apto lhta hengetsantengkeskama alhnankok annemo mo'ok apvalho'ok apkenmahai'akha etnangkok. Apkenmaiangkek na takha ema apankok ma'a akto alalhnaskama engelvalho'ok ma'a, ka ema nak akteniaikama mota altakmelkeskama nellaniemhaikama, have m'a aktemo lhnak nanek ema apankok Abel.

Romanos 11:2

Tep nak nanek apkeliekieskamo Eniapom Neten Israelitas kakpota etnek apkennemolhema, man koka nhan eltaknongkomak kolhvave nak. Kotlheianvakho no apvalho'ok ketlhengkap apkeltennasemmap ania'a Elias apketlheianmo lhnak nanek ko Israelitas apkellaneiangko ngkollatsekama napaqtek Eniapom Neten, lhna aptemak:

2 Pedro 1:2

Askeltavek nkanantangkok altaqmanma apkellangiemhaikama kanhan altaqmelaikama apvalho'ok aniem'o apkeliangveiakmo Eniapom Neten kanhan Jesús Apveske engankok.

Hechos 2:23

Koka ketlhengkap apkellangkongvaiakme lhta Jesús enenlhet'avok meliamolhma kakpota ennapok neten iamet aktenneskama m'a, apiamavek koka Eniapom Neten apmanie panke' akmak'akha ngkotnek ma'a.

Romanos 16:26

Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

Marcos 13:27

Ellapaksek hata nhan ángeles alhma nkek ham, nelhkeiha, nepieiam, tep aknem kanhan mankolha aknem kakpota eniankesekhak apkellelto nema aliekieskama.

Marcos 13:20

Koka Apveske eiakvatesok hata aknem apkellengaiangko enenlhet'avok ma'a kakpota mesavhakpek apkeletsepma, ngkanek avanhek apkellamelaiam enenlhet apkellelto lhta apkeliekieskama.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Romanos 16:19

Koka aplhamakho enenlhet apkelvet'ak ketlhengkap apkellelto apkelleliehekho apveske engankok, avanhek ankek apkelpaiesekha evalhok. ¡Etnamok hata mota nema apkeliamo elieplavkesek qaselha altaqmelo nak, meltamok koka m'a nema apkeliamo elieplavkesek qaselha ngkolatsekama nak!

Romanos 8:33

Mamma apketlhenammap la apkellelto nak Eniapom Neten apkeliekieskama, ngkanek Eniapom Neten apto apkeltemeskeskama apkelpeivomo m'a.

Lucas 18:7

Eniapom Neten hata nhan epasmok ma'a apto enenlhet apkeliekieskama apkelienlhaneiakmo la'a apkenmalhnonkoma mota aknem anke kanhan pelhasep, melailhek hata nhan m'a,

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

Hebreos 11:28

Mei'askeiam na Moises apkelanei'o aktaqmelaikama lhma akvesai'a Pascua, apkeltemo lhnak nanek na ngkolhek alleltelhnangkok ema atno'ok apanko'ok apkakhaiangkolha ko israelitas kakpota menaqtevaksek ángel netsepma niapom apketkak apalleiam apmaniaie.

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

Romanos 1:7

Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Hechos 15:18

Lhna aptemak Apveske apto apkelvetaskeskamo lhamakho qaselha lhennenga m'a».

Judas 1:2

Askeltavek na evaivesentak takhaplhet'ok akiavai'a nke nenietnai'o nenga'at anak, aktaqmelaikama envalhok kanhan nengasekhai'o nak ham.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

Colosenses 3:12

Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

2 Corintios 10:5

Apmopvana nhan enaqtevaskesek akpaivoma akmovana ania'a akmahai'a la nkoiennenkesek enenlhet, apmopvana nhan enaqtevaskesek apkelammakpo apankavek enenlhet'avok apkeliasekamo na lhma enenlhet apkenmahai'a nak eliekpelkok Eniapom Neten. Apvankek na eliaqmongkaskesekhak alketamekama apvalho'ok apkellammelhma la Cristo, eltemeskasekhak atlhenaikama apvalho'ok eleliehekhok Cristo m'a.

Romanos 11:28

Ellailhono ketlhengkap metnangko nak judios, mantek israelitas kolhvave nak apkellelto apkellammelhekha ania'a aktaqmanma nenvanlha nak, koka nkeltaqmelkaskesakhek apkellangiemhaikama ketlhengkap ma'a. Koka apkellamelakmek mokhom Eniapom Neten ma'a israelitas ngkanek apkeliekieskama lhta apkelieihengka neptamna'ak,

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

Marcos 13:22

ngkanek elvak hata apkelietkesammakpo Cristo, kakpota nhan apkeleltennasemmap ania'a apkenmopvanka'a ania'a. Ellanangkok hata qaselha mongenatkeskama kakpota nhan qaselha hempelapkeskama kakpota eliennengkesek aplhamakho enenlhet'avok lhmankek ham, nkomahak hata nhan eliennengkesek aptangko nak nema aliekieskama.

2 Juan 1:13

Nketlhenkek apvalho'ok atkak anak nialheng lheia, akto Eniapom Neten apkeliekieskama. Amen.

2 Juan 1:1

Ko'o asto metno apketkok nlhenkek evalhok lheia akto amhama amanie kanhan atkak, Eniapom Neten apkeliekieskama lheia. Have niapak ankek askellamelaiam ketlhengka, have vanlha nhan ko'o askellamelaiam lheia, apkellamelaiakmek na ha'e aplhamakho apkellelto nhan apkeliangveiakmo akto nak have niapak anke.

1 Pedro 1:14

Eniapom Neten apketkak ketlhengkap, ka ngkanek ntasek eleliehekho mota ma'a, melieplavkesek mokhom aliaspongkomakha lhta apvalho'ok aptaiangkolha lhta mota nhan lhennenga meliamelha lhta Eniapom Neten.

1 Pedro 1:19

koka apianmongkeskamak ma'a ema apankok aknema akmovana Cristo, nemo lhta angkongvaiakmo kakpota ematong malha aktemo nak nepkesek apketkok la'a metka nkek apiaqteikamaha.

1 Pedro 1:20

Tep nak nek Eniapom Neten apeneskamo aklhenaikama apvalhok eniapaksek hata Cristo, mellaneiakha lhnak lhamakho qaselha lhmankek ham, koka nenvanlha nak apvai'ak ma'a kakpota hengeltaqmelkeskesek nellaniemhaikama, ketsek na nkaimelhkak aknem aktemakha ta nnelha.