1 Pedro 1:17 - Nuevo Testamento Toba Maskoy

¹⁷ Eliekpelkok hata Eniapom Neten aptangkolha la enenlhet apkellanekamok aktaqmanma nlho ka la ngkolatsekama. Mellanhe' aptemakha enenlhet, apneskamo po'ok koka apkellanei'o m'a. Ka apketlheno la ketlhengkap apiapma'ak Eniapom Neten, nkaimelhkek na ellahok ma'a neksa apkellangiemhaikama hengke'e nalhepop anak,

1 Pedro 1:17 Referans Kwoze

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

Hebreos 12:28

Ennengko'o nhan netlhevaiangkok nema aktema nak Aveske mangkomovana nak ngkomaskengvomok ka ngkanek ntasek antangkok gracias Eniapom Neten, angellasennama nhan akieplomo nellai'o kakpota nkopaihekhak apvalhok ma'a,

Efesios 1:17

Askelmalhneskaskek Eniapom Neten apto Apveske Jesucristo Apveske engankok, ellanesangkok apvalho'ok nenianveiakmo kakpota m'a nkoveskak aktemongveiam iokhalhmek ankek apkeliangveiakmo aptemakha m'a.

Galatas 2:6

Koka apkelientalhnakha apkelemhama apmaniaie nemo allai'o, ma lhta elleltok aiaqmongkasekhak mo'ok asketlhekmoskama, nkaqhok koka nema allai'akha la enenlhet'avok apkelemhama apmaniaie m'a ngkanek nennemo emmo'ok napaqtek Eniapom Neten.

Romanos 11:20

¡Koka ellaho ta ketlhengkap ma'a! Apkeliaqtemenammakpe lhta malha aktengok alhta lhennenga aniem'o aliaskeiam, ka akno aliepetkeskakmo nhan ketlhengkap ma'a aniemai'o nhan meliaskeiam. Koka apkelakpo la ketlhengkap,

1 Pedro 2:11

Ketlhengkap elialheng'a askellamelaiam, have apkellavakha hengke'e lhmankek ham, malha akiakvatakho la apsavhekho apkellangiemhaikama ka ngkanek angvapiosalhkok allanhok askeltemo enmankok aliaspongkomakha nak apvalho'ok, nnaqtevaskaskek songkek apvalho'ok ma'a.

Hebreos 4:1

Nheklhek mokhom aklhengama Eniapom Neten apeneskamo lhnak nanek apaivoma angelentelhek hata akieto iokhalhma m'a neniamposammalhkelha. ¡Koka ellaho ta m'a eltemengvakho lhma ngkanek melentelhek hatelha ketlhengkap m'a!

Colosenses 3:25

Koka apkellanengko la nkoietemo, etlhevangkok hata nhan akiaqmoiekha ngkolatsekama apkeltemakha, moklhem'a ta nhan etlhevangkok aktakha la akietemo nkoie ngkanek Eniapom Neten apto apneskamo mo'ok hengellanei'o ennengko'o lhmankek ham.

Efesios 6:9

Ketlhengkap apkelveskai'e, eltaqmelkaso ta nhan apkellanei'o apkenmakmesaikama, meniamo nkek ngkolatsekama apaivoma, nkotlheng apvalho'ok apkennavek po'ok apnema Apveske apanko'ok apnek ma'a neten, nennavek emmo'ok napaqtek ma'a.

Efesios 3:14

Ka nkeniemai'ak ma'a askelteklheklhemo ko'o etapno'ok nalhepop napaqtek Eniapom,

1 Pedro 3:15

elpokkenkes apvalho'ok ketlhengkap Apveske Eniapom Neten, elpeneso ta mota ankok apkellatemmoikama la'a metka apkeliennai'o kanhan nalhep'avek apvalho'ok aktemakha akietnema alel·halhnekama apvalho'ok Eniapom Neten.

2 Corintios 5:6

Hai, neliavek ennengko'o ngkotnek hata m'a. Neksa nellaniemhaikama neliokha nak hengke'e nalhepop anak, taiepek ankek Apveske m'a.

2 Corintios 1:2

Nengeleltavek ennengko'o Eniapom Neten kakpota nhan Apveske engankok Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ma'a.

2 Corintios 7:11

Allaiosei'o lhna lhta apvalho'ok ketlhengkap neksa apkelietsatekamok vakkahak alhta astalheskama akiennaktema aspaioma askellaikamok, koka aniem'o nhan Eniapom Neten anmaiosak'a apvalho'ok ketlhengkap kakpota eliaqmongkasekhak mo'ok apvalho'ok neksa apnaqtevaskama asvesai'a hetlheianma ko'o, nketlheianvekhek na lhta nhan apvalho'ok asiamolhma ko'o, ka helatemmokkeskamo lhna lhta nhan alhenammalhka ko'o meleltemo alhenalhkak mokhom, apkellai'avek na lhta nhan ketlhengkap ma'a. Apkenmahai'avek nak helvet'ak, henmasmek nahan napokha, apkeliaqmongkaskesekho lhna lhta apkellelto apkenmahai'a henaqtevaksek. Kolhva koka nlheianvakhak evalhok melvanekhok ketlhengkap ma'a qaselha ngkolatsekama nak.