1 Juan 5:7 - Nuevo Testamento Toba Maskoy

⁷ Apkanet'olhema lhtoka nhan apkelvetaiangko m'a, apketlheianma nhan.

1 Juan 5:7 Referans Kwoze

Hechos 5:32

Ennengko'o nhan nelvetaiangko m'a lhamakho qaselha nak, apvetaiangkek na Espíritu Santo m'a apkellaiangko lhta Eniapom Neten aplhamakho enenlhet apkelleliehekho la'a —lhna aptaiangkok nema alapaskamo m'a.

Juan 1:1

Tep nak nanek ampai'osekha apnengkek nak nanek ma'a Apaivoma. Apnengkek nak na napokha Eniapom Neten, apnemo pankek nak na m'a.

Hechos 2:33

Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

1 Juan 5:6

Neksa apvai'a lhta Jesucristo hengke'e nalhepop anak nietnengke lhta hanet qaselha akvetammalhka m'a aniem'o iemmen kanhan ema, have vanlha iemmen, kanhan ema'. Espíritu lhta aplheianma m'a apto nhan apvetaiangko m'a, apto nhan metka aptaikama apmopvana ania'a m'a.

Juan 8:54

Ka apkellatemmongka lhta Jesús, lhta aptak: —Aqhemo alhenalhko la ehenke' ko'o nema heiaspekamaha, Tata koka heiangkok asiaspommalhka. Ko'o Tata aptaiangko na mota ketlhengkap Eniapom Neten apanko'ok,

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 5:26

Eniapom anak nietnek apmopvana kakpota ellangkok aliennaktema apnenio'ok enenlhet'avok, apkanke lhta nhan Apketka apmopvana kakpota ellangkok hata aliennaktema apnenio'ok enenlhet.

Apocalipsis 19:13

Aptalhnema lhtoka malha nema aklavkeskama la ema apielhvasekho nhan, apvesai'a koka m'a Apaivoma Eniapom Neten.

Juan 12:28

¡Eniapom, elvetaskes enenlhet'avok anak akietnema apmopvana lheiap! —lhta aptak. Kolhvavek anke lhta nlengalhka nema aliatekama aniem'o neten, lhta ntak: —Askelvetaskeskangkek asmopvana, alvetaskesek hata mokhom —lhta ntak nema aliatekama.

Juan 8:18

Alhenalhkek ehenkek astaqmanma ko'o, helheianmek na Eniapom apto lhta heiapaskama, enqanet nentakha —lhta aptak Jesús apkellano m'a.

1 Juan 1:1

Ka vakkahak anak nennaktalheskama aktemakha aklheianma apto nak ma'a Apaivoma hengaikamok akiennaktema enneniek, ka Apaivoma nak apnengkek tep nak nanek nemakha sekha allanei'o lhamakho qaselha lhmankek ham, nelvetai'a enganke lhta nhan ennengko'o m'a, nellengai'a lhta nhan akvakmo hengelmangvei'o lhta nhan ennengko'o m'a, have niapak ankek ma'a.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

1 Juan 5:8

Akno nak ma'a Espíritu, iemmen kanhan ema, aknemo mo'ok alhta nhan apvalho'ok ma'a apketlheianma.